'మట్కా' థియేటర్‌లో గేమ్‌ ఛేంజర్..!
వరుణ్‌ తేజ్‌ హీరోగా మీనాక్షి చౌదరి హీరోయిన్‌గా నోరా ఫతేహీ కీలక పాత్రలో కరుణ కుమార్‌ దర్శకత్వంలో రూపొందిన 'మట్కా' సినిమా ఈనెల 14న ప్రేక్షకుల ముందుకు రాబోతుంది
By: Tupaki Desk | 12 Nov 2024 10:27 AM GMT
వరుణ్‌ తేజ్‌ హీరోగా మీనాక్షి చౌదరి హీరోయిన్‌గా నోరా ఫతేహీ కీలక పాత్రలో కరుణ కుమార్‌ దర్శకత్వంలో రూపొందిన 'మట్కా' సినిమా ఈనెల 14న ప్రేక్షకుల ముందుకు రాబోతుంది. ఇటీవల విడుదలైన మట్కా ట్రైలర్‌కి మంచి స్పందన దక్కింది. ఈ మధ్య కాలంలో వరుణ్‌ తేజ్‌ నుంచి వచ్చిన సినిమాలతో పోల్చితే మట్కా సినిమాకు అత్యధికంగా బజ్‌ క్రియేట్‌ అయింది. దానికి తగ్గట్లుగానే సినిమా ఉంటుంది అంటూ ప్రమోషన్‌ సమయంలో మేకర్స్‌ చెబుతూ వచ్చారు. కంగువా సినిమా పోటీగా ఉన్నప్పటికీ మట్కా సినిమాకు అత్యధికంగా ఓపెనింగ్స్ దక్కే అవకాశాలు ఉన్నాయి. మట్కా సినిమా బాక్సాఫీస్ వద్ద సందడి చేయడం ఖాయం అనే నమ్మకం వ్యక్తం అవుతోంది.
మట్కా సినిమా కోసం థియేటర్‌కి వెళ్లిన ప్రేక్షకులకు సర్‌ప్రైజ్‌గా 'గేమ్‌ ఛేంజర్' టీజర్ ట్రీట్‌ దక్కనుంది. రామ్‌ చరణ్ హీరోగా శంకర్‌ దర్శకత్వంలో దిల్‌ రాజు నిర్మించిన 'గేమ్‌ ఛేంజర్' సినిమా సంక్రాంతి కానుకగా వచ్చే జనవరిలో ప్రేక్షకుల ముందుకు రాబోతున్న విషయం తెల్సిందే. సినిమా షూటింగ్‌ ప్రారంభం అయినప్పటి నుంచి గేమ్‌ ఛేంజర్‌పై అంచనాలు పెరిగాయి. మధ్యలో ఇండియన్‌ 2 వల్ల కాస్త డౌన్‌ అయినట్లుగా అనిపించినా ఇటీవల విడుదల అయిన టీజర్‌తో ఒక్కసారిగా అంచనాలు రెట్టింపు అయ్యాయి. బుల్లి తెరపై గేమ్‌ ఛేంజర్ టీజర్ చూస్తేనే రెండు కళ్లు చాలలేదు అనే అభిప్రాయం వ్యక్తం అయింది. అలాంటిది వెండి తెరపై చూస్తే ఇంకా ఎలా ఉంటుందో అర్థం చేసుకోవచ్చు.
మట్కా సినిమాకు ముందు రామ్‌ చరణ్ 'గేమ్‌ ఛేంజర్' టీజర్ చూడటం అనేది మెగా ఫ్యాన్స్‌కి అదనపు బహుమానం అనడంలో సందేహం లేదు. తెలుగు రాష్ట్రాల్లో మట్కాకి భారీ ఎత్తున థియేటర్లు లభించాయని తెలుస్తోంది. కంగువా కి మించిన థియేటర్‌ లలో మట్కా సినిమాను విడుదల చేసేందుకు ఏర్పాట్లు జరిగాయి. దానికి తగ్గట్లుగానే సినిమా ఓపెనింగ్స్ ను రాబట్టడం ఖాయం అనే అభిప్రాయం వ్యక్తం అవుతోంది. సోషల్‌ మీడియాలో ఇప్పటికే గేమ్‌ ఛేంజర్ టీజర్ కి మంచి స్పందన దక్కింది. ఇప్పుడు మట్కా థియేటర్‌లో గేమ్‌ ఛేంజర్ టీజర్ స్క్రీనింగ్‌ అయితే సినిమా పై అంచనాలు మరింతగా పెరగడం ఖాయం అనే అభిప్రాయం వ్యక్తం అవుతోంది.
రామ్‌ చరణ్ ఆర్‌ఆర్‌ఆర్‌ సినిమాతో పాన్ ఇండియా రేంజ్‌లో స్టార్‌డం దక్కించుకున్నాడు. గ్లోబల్‌ స్టార్‌ ఇమేజ్‌ని సొంతం చేసుకున్న చరణ్ సోలో హీరోగా మొదటి సారి గేమ్‌ ఛేంజర్ తో రాబోతున్నాడు. కియారా అద్వానీ హీరోయిన్‌గా నటించింది. చరణ్ ను రెండు పాత్రల్లో చూడబోతున్నట్లుగా టీజర్‌లోనే క్లారిటీ ఇచ్చారు. తండ్రి కొడుకుల పాత్రల్లో మొదటి సారి చరణ్ నటించిన కారణంగా అంచనాలు భారీగా ఉన్నాయి. సంక్రాంతికి విడుదల కాబోతున్న గేమ్‌ ఛేంజర్ సినిమాకు ఇప్పటి నుంచే ప్రమోషన్‌ షురూ చేయాలనే ఉద్దేశ్యంతో మట్కాతో టీజర్ ను వదిలారు. దేశ వ్యాప్తంగా భారీ ఎత్తున గేమ్‌ ఛేంజర్ ప్రమోషన్‌ కార్యక్రమాలు ఉంటాయని తెలుస్తోంది.
