గండరభాయ్.. ఫుల్ మీల్స్ లాంటి బీట్

బోయపాటి దర్శకత్వంలో రామ్ పోతినేని శ్రీలీల జంటగా నటించిన చిత్రం స్కంద గతవారం ప్రేక్షకుల ముందుకు వచ్చింది. హై వోల్టేజ్ మాస్ యాక్షన్ సినిమాగా రూపొందిన ఈ సినిమాలో రామ్ రెండు విభిన్నమైన షేడ్స్ లో కనిపించాడు. ఒకవైపు క్లాస్ గా కనిపిస్తూనే మరొకవైపు పవర్ఫుల్ మాస్ క్యారెక్టర్ లో కూడా మెప్పించాడు. ఇక మరోసారి తెలంగాణ యాసలో కూడా అతను క్యాచ్ డైలాగ్స్ తో ఆకట్టుకునే ప్రయత్నం చేశాడు.

రామ్ చేసిన క్యారెక్టర్స్ అయితే మంచి పాజిటివ్ కామెంట్స్ అందుకున్నాయి. అతను ఎలాంటి పాత్రనైనా చేయగలడు అని మరోసారి స్కంద సినిమాతో నిరూపించాడు. ఇక ఈ సినిమాలో సాంగ్స్ కూడా ఒక స్పెషల్ అట్రాక్షన్ క్రియేట్ చేశాయి. మేయిన్ గా పాటలలో రామ్ శ్రీ లీల డాన్స్ స్టెప్పులు కూడా ఫ్యాన్స్ చేత విజిల్స్ వేయించేలా ఉన్నాయి.

ఇక అందులో గండరబాయ్ సాంగ్ కూడా బాగా క్లిక్ అయింది. ఈ పాటకు సంబంధించిన ఫుల్ వీడియో సాంగ్ ను చిత్ర యూనిట్ రీసెంట్ గా యూట్యూబ్లో విడుదల చేసింది. సినిమా విడుదలకు ముందే ఈ పాట మాస్ ఆడియన్స్ ను బాగా ఆకట్టుకుంది. ఇక ఇప్పుడు ఫుల్ వీడియో సాంగ్ లో రామ్ శ్రీలీల జంటగా వేసిన స్టెప్పులు కూడా ఎంతగానో అట్రాక్ట్ చేస్తున్నాయి.

రామ్ అసలే స్పీడ్ డాన్సర్ అనే మంచి గుర్తింపును అందుకున్నాడు. ఇక శ్రీ లీల కూడా అతనికి తోడవడం ఈ పాటకు మంచి బూస్ట్ ఇచ్చింది. బోయపాటి సినిమాలో ఇలాంటి స్పెషల్ సాంగ్స్ బాగా క్లిక్ అవుతూ ఉంటాయి. స్కంద సినిమాకు కూడా ఈ సాంగ్ బాగానే కుదిరింది. ఇక బ్యాక్ గ్రౌండ్ విజువల్స్ తో పాటు కొరియోగ్రఫీ కూడా బాగా ఆకట్టుకుంది.

శ్రీ లీల గతంలోనే కొన్ని సాంగ్స్ తో సినిమాలకు మంచి హైప్ క్రియేట్ చేసింది. ఇక స్కంద సినిమాలో కూడా ఆమె డాన్స్ స్కిల్స్ ని బయటపెట్టే అవకాశం బాగానే వచ్చింది. ఇండస్ట్రీలో బెస్ట్ డ్యాన్స్ స్కిల్స్ కలిగిన హీరోయిన్స్ లిస్టులో ఇప్పుడు ఆమె పేరు ఎక్కువగా వైరల్ అవుతుంది. మరి రాబోయే రోజుల్లో అమ్మడు ఎలాంటి అవకాశాలు అందుకుంటుందో చూడాలి.