భగవంత్ కేసరి: చిచ్చా వచ్చాడు..... గట్టిగా కొట్టండి

నందమూరి హీరో బాలకృష్ణ హీరోగా నటిస్తున్న తాజా చిత్రం భగవంత్ కేసరి. కమర్షియల్ డైరెక్టర్ అనిల్ రావిపూడి దర్శకత్వంలో తెరకెక్కుతున్న సినిమా ఇది. ఈ మూవీని దసరా కానుకగా ప్రేక్షకుల ముందుకు తీసుకువస్తున్నారు. ఇప్పటికే రెండు వరస హిట్లతో మంచి ఊపు మీద ఉన్న బాలయ్య, ఈ భగవంత్ కేసరితో హ్యాట్రిక్ కొట్టాలని గట్టిగా ఫీక్స్ అయ్యి ఉన్నారు. ఈ మేరకు మూవీ కోసం కష్టపడుతున్నారు.

ఇక, ఇప్పటికే బాలయ్య పుట్టిన రోజు నాడు ఈ మూవీ నుంచి ఓ చిన్న వీడియో విడుదల చేశారు. ఆ వీడియోలో బాలయ్య లుక్ కి అందరూ ఫిదా అయిపోయారు. ఇప్పుడు మ్యూజికల్ ట్రీట్ కి మూవీ టీమ్ రెడీ అయిపోయింది. ఈ మూవీ నుంచి ఫస్ట్ సింగిల్ కి ముహూర్తం ఫిక్స్ చేశారు. సెప్టెంబర్ 1వ తేదీన ఈ మూవీ నుంచి ఫస్ట్ సింగిల్ లిరికల్ వీడియోని విడుదల చేస్తున్నట్లు ప్రకటించారు.

ఈలోగా, ఫస్ట్ సింగిల్ కి సంబంధించిన ప్రోమో విడుదల చేశారు. ఈ ప్రోమోలో వినాయక చవితి సంబరాలు జరుగుతూ ఉన్నాయి. అక్కడ శ్రీలీల అక్కడ అందరితో కలిసి డ్యాన్సులు వేస్తూ ఉంది. ఈలోగా బాలయ్య వచ్చాడు. అయితే, మ్యూజిక్ సౌండ్ సరిగా లేదని, వెంటనే శ్రీలీలను బిడ్డా అని పిలిచి చప్పుడు జర గట్టిగా చేయమను అంటూ గట్టిగా అరుస్తాడు. వెంటనే శ్రీలల కూడా 'మీ తీన్మార్ పక్కన పెట్టండి, మా చిచ్చా వచ్చిండు ఎట్లుండాలే, కొట్టర కొట్టు సౌమారే' అంటూ గట్టిగా చెప్పింది. అక్కడితో ప్రోమో ముగిసింది.

ఇక, ఆ సౌండ్ ఎంత గట్టిగా వచ్చిందో తెలియాలటే, పాట విడుదలయ్యే వరకు ఆగాల్సిందే. ఇక ఈ ప్రోమోలో బాలయ్య పసుపు రంగు కుర్తా, తెల్ల ప్యాంటు ధరించి, కళ్లకు అద్దాలు పెట్టుకొని స్టైల్ గా కనిపిస్తున్నారు. శ్రీలలీ పింక్ అండ్ ఎల్లోకాంబినేషన్ కుర్తా ధరించారు. ఇక, వీరిద్దరూ తెలంగాణ యాసలో డైలాగులు చెప్పడం ప్రోమోకే హైలెట్ అని చెప్పొచ్చు.

ఇక, ఈ సినిమా కి మ్యూజిక్ థమన్ అందిస్తున్నారు. బాలయ్య సరసన కాజల్ హీరోయిన్ గా నటిస్తోంది. ఇక ఈ సినిమాని షైన్ స్క్రీన్స్‌ బ్యానర్ పై సాహు గారపాటి, హరీష్ పెద్ది ఈ సినిమాను నిర్మిస్తున్నారు. భారీ యాక్షన్ ఎంటర్ ట్రైనర్ గా ఈ మూవీ తెరకెక్కనుంది.