సుకుమార్, అల్లు అర్జున్ ని కడిగిపారేస్తా... గరికపాటి వైల్డ్ ఫైర్!

సంధ్య థియేటర్ లో ‘పుష్ప-2’ బెనిఫిట్ షో సందర్భంగా జరిగిన తొక్కిసలాట ఘటన తీవ్ర చర్చనీయాంశంగా మారిన సంగతి తెలిసిందే. ఈ వ్యవహారంలో ఓ మహిళ మృతి చెందడం, ఆమె కుమారుడు తొమ్మిదేళ్ల శ్రీతేజ్ హాస్పటలో చికిత్స పొందుతూ ఉండటంతో ఈ వ్యవహారాన్ని తెలంగాణ ప్రభుత్వం సీరియస్ గా పరిగణించిందని అంటున్నారు.

ఇక ప్రధానంగా... ఈ ఘటనపై తెలంగాణ అసెంబ్లీలో సీఎం రేవంత్ రెడ్డి వివరణ ఇవ్వడం... అదే రోజు అల్లు అర్జున్ మీడియా ముందుకు వచ్చి మాట్లాడటం.. అనంతరం హైదరాబాద్ సీపీ వీడియో ప్రజెంటేషన్ ఇవ్వడం.. ఏసీపీ, సీఐ సవివరంగా వివరించడం వంటి వ్యవహారాలతో ఈ విషయం మరింత చర్చనీయాంశంగా మారింది.

ఈ నేపథ్యంలో ఓ ఆసక్తికర వీడియో నెట్టింట హల్ చల్ చేస్తుంది. ఇందులో భాగంగా.. ‘పుష్ప’ సినిమా విడుదలైన కొత్తలోదని చెబుతున్న ఓ వీడియో ఇప్పుడు తీవ్ర చర్చనీయాంశంగా మారింది. ఈ సినిమాలో హీరో ఫేమస్ డైలాగ్ "తగ్గేదేలే" అనే దానిపై ప్రముఖ ప్రవచన కర్త గరికపాటి నరసింహారావు చేసిన వ్యాఖ్యలు మరోమారు తెరపైకి వచ్చాయి.

అవును... ‘పుష్ప’ సినిమాలోని "తగ్గేదేలే" అనే డైలాగ్ పై గరికపాటి నరసింహారావు మండిపడుతున్న వీడియో నెట్టింట వైరల్ గా మారింది. "స్మగ్లింగ్ చేసేవాడు తగ్గేదే లే అంటాడా.. రేపు ఏ పిల్లవాడు ఎవరినైనా కొట్టి తగ్గేదేలే అంటాడు.. దానికి ఎవరు కారణం..? ఆ సినిమా డైరెక్టర్ (సుకుమార్), హీరో (అల్లు అర్జున్) ని కడిగిపారేస్తాను" అని గరికపాటి మండిపడ్డారు.

ఇదే సమయంలో... తగ్గేదేలే అని ఒక హరిశ్చందరుడు, శ్రీరామ చంద్రుడు వంటి వారు అనాలి కానీ.. ఓ స్మగ్లర్ అనడం ఏమిటి? అంటూ గరికపాటి నరసింహారావు వైల్డ్ ఫైర్ అయ్యారు! ఈ వీడియో ఎప్పటిదో అయినప్పటికీ... తాజా పరిణామాల నేపథ్యంలో నెటిజన్లు తెగ షేర్ చేస్తున్నారని అంటున్నారు.