బిగ్ బాస్ 8 : విన్నర్ రేసులో ఊహించని కంటెస్టెంట్..!

బిగ్ బాస్ సీజన్ 8 మరొ నెల రోజుల్లో ముగుస్తుంది. సీజన్ 8 11 వారాలు ముగుస్తుండగా ఇప్పటికీ టైటిల్ రేసులో ఉంది ఎవరన్నది చెప్పడం కష్టమవుతుంది. మొన్నటిదాకా ఒకరిద్దరి పేర్లు అనుకోగా సడెన్ గా రెండు వారాల్లో మరో కంటెస్టెంట్ కూడా టైటిల్ రేసుకి దూసుకొచ్చాడు. ఇంతకీ బిగ్ బాస్ సీజన్ 8 లో టైటిల్ రేసులో ఉన్నది ఎవరు. ఎవరెవరికి ఆ ఛాన్సులు ఉన్నాయని ఆడియన్స్ చర్చిస్తున్నారు.

ఎప్పుడు లేనిది బిగ్ బాస్ సీజన్ 8 లో ఉన్న కంటెస్టెంట్స్ కు బయట ఆడియన్స్ లో కన్నడ వర్సెస్ తెలుగు అనే ఫైట్ మొదలైంది. సీరియల్ బ్యాచ్ అంతా కలిసి ఆడటం ఎత్తు పైఎత్తులు వేయడం తెలుగు ఆడియన్స్ కు నచ్చలేదు. అందుకే వారికి పోటీ వచ్చే వారికి సపోర్ట్ ఇవ్వడం మొదలు పెట్టారు. ఈ క్రమంలో ఇప్పటివరకు నిఖిల్, ప్రేరణ టైటిల్ రేసులో టాప్ 2 లో ఉండగా కొత్తగా గౌతం ని కూడా టైటిల్ రేసుకి తీసుకొచ్చారు.

నిఖిల్ వర్సెస్ గౌతం ఫైట్ జరిగినప్పటి నుంచి గౌతం గ్రాఫ్ అమాంతం పెరిగింది. వచ్చే రెండు మూడు వారాల్లో అతను కాస్త ప్రూవ్ చేసుకుంటే చాలు అతనికి టైటిల్ ఇచ్చేలా ఉన్నారు ఆడియన్స్. ఐతే గౌతం ఈమధ్య అగ్రెషన్ తగ్గించి హౌస్ మెట్స్ అందరితో సరదాగా ఉంటున్నాడు. నిన్న ఫ్యామిలీ వీక్ లో తన బ్రదర్ కూడా వచ్చి బయట తనకున్న సపోర్ట్ గురించి చెప్పాడు.

సో ఇప్పుడు గౌతం చేయాల్సిందల్లా జస్ట్ మంచి కాంపిటీషన్ ఇస్తే చాలు. దాని వల్ల నిఖిల్ ని దాటి వెళ్లే చాన్స్ ఉంటుంది. ముఖ్యంగా తెలుగు వాళ్లకే టైటిల్ రావాలని కొందరు ఆడియన్స్ చెబుతున్నారు. మరి ఈసారి టైటిల్ విజేత ఎవరన్నది చివరి వరకు సస్పెన్స్ అని చెప్పొచ్చు. ఏది ఏమైనా గౌతం విన్నర్ అయితే మాత్రం అతను రెండోసారి వచ్చినందుకు ఫలితం దక్కినట్టు అవుతుంది.

ఐతే గౌతం విన్నర్ అవ్వడం అంత ఈజీ ఏమి కాదు. నిఖిల్ ప్రేరణకు మంచి ఓటింగ్ పర్సంటేజ్ ఉంది. మరోపక్క విష్ణు ప్రియ కూడా సోషల్ మీడియాలో భారీ ఫ్యాన్ ఫాలోయింగ్ ఉంది. వీరంగా కలిసి విష్ణుని విన్నర్ చేద్దామని అనుకున్నా ఆమె కూడా టైటిల్ రేసులో ఉన్నట్టే. మరోఅపక్క అవినాష్ కూడా సీజన్ 8 లో సూపర్ ఎంటర్టైన్ చేశాడు. అతను కూడా విన్ అయ్యే ఛాన్స్ ఉంది.

ఇలా ఎవరికి వారు టాప్ లో ఉండేందుకు ప్రయత్నిస్తున్నారు. ఫ్యామిలీ వీక్ లో వారి ఫ్యామిలీస్ ఇచ్చిన ఇన్ పుట్స్ తో ఎవరు ఆట మార్చుకుని టైటిల్ రేసులో నిలుస్తారన్నది చూడాలి.