చరణ్ మీద భయంకరంగా ఎగబడిన జనం… ఎంత ఓపికో..

గ్లోబల్ స్టార్ రామ్ చరణ్ ప్రస్తుతం టాప్ హీరోలలో ఒకడిగా ఉన్నాడు. చిరంజీవి, పవన్ కళ్యాణ్ తరహాలోనే చరణ్ ఫ్యాన్ ఫాలోయింగ్ పెరుగుతోంది. ఆర్ఆర్ఆర్ తర్వాత ప్రపంచ వ్యాప్తంగా రామ్ చరణ్ మంచి క్రేజ్ అందుకున్నాడు. ప్రస్తుతం శంకర్ దర్శకత్వంలో చేస్తోన్న గేమ్ చేంజర్ మూవీ చరణ్ ఇమేజ్ ని నెక్స్ట్ లెవల్ కి తీసుకొని వెళ్తుందని అంచనా వేస్తున్నారు.

ఇదిలా ఉంటే సినిమాలో చేసిన సన్నివేశాల లాంటి అనుభవాలు నిజ జీవితంలో కొంత మంది లైఫ్ లో జరుగుతాయి. మెగా హీరో రామ్ చరణ్ విషయంలో కూడా అలాంటి సీన్ ఒకటి రియల్ లైఫ్ లో రిపీట్ అయ్యింది. వందల మంది జనం గుంపుగా మీద పడితే కంట్రోల్ చేయడం చాలా కష్టం. అలాంటి వందలాది మధ్యలో భారీ యాక్షన్ సీన్ ఉంటే కచ్చితంగా గూస్ బాంబ్స్ క్రియేట్ చేయడం ఖాయం.

రాజమౌళి ఆర్ఆర్ఆర్ సినిమాలో రామ్ చరణ్ ఇంట్రడక్షన్ సీన్ ఆ విధంగానే చిత్రీకరించారు. ఉద్యమం చేస్తున్న ప్రజల మధ్యలోంచి ఒక్కడిని తీసుకొచ్చేందుకు సింహంలా వారి మధ్య దూకి ఫైట్ చేసి పోలీస్ పవర్ చూపించిన రామ్ క్యారెక్టర్ ఆర్ఆర్ఆర్ మూవీలో అందరికి కనెక్ట్ అయింది. ఆ సీన్ లో రామ్ చరణ్ చేసిన పర్ఫామెన్స్ కి విమర్శకుల ప్రశంసలు లభించాయి. అయితే అలాంటి సిచువేషన్ నిజ జీవితంలో ఎదురయ్యే అవకాశం ఉంటుందని ఎవరు అనుకోరు.

కానీ రామ్ చరణ్ కి పిఠాపురంలో అలాంటి సిచువేషన్ ఎదురయింది. యాక్షన్ లేకపోయిన అభిమానంతో మీద పడుతున్న వేలమంది ప్రజల మధ్యలోంచి రామ్ చరణ్ నడుచుకుంటూ వస్తున్న దృశ్యాలు సోషల్ మీడియాలో వైరల్ అయ్యాయి. పబ్లిక్ ని కంట్రోల్ చేసేందుకు పోలీసులు సెక్యూరిటీ సరిపోలేదు. బౌన్సర్స్ బలం కూడా అక్కడ పని చేయలేదు.

దీంతో అభిమానులు అతని మీద పడుతుంటే ఎలాంటి అసహనం లేకుండా వారిని తప్పించుకుంటూ రామ్ చరణ్ ముందుకి నడుచుకుంటూ వెళ్లడం ఆ వీడియోలో కనిపిస్తోంది. పవన్ కళ్యాణ్ కి మద్దతు తెలపడం కోసం రామ్ చరణ్ పిఠాపురం వెళ్లారు. ఈ సందర్భంగా ఆర్ఆర్ఆర్ లో యాక్షన్ సీన్ లాంటి సిచువేషన్ ని రామ్ చరణ్ ఎదుర్కొన్నాడు. ఇప్పుడు ఈ వీడియో సోషల్ మీడియా లో వైరల్ గా మారింది. ఇక రామ్ చరణ్ తో సురేఖ, అల్లు అరవింద్ కూడా పవన్ కళ్యాణ్ కు మద్దతు తెలిపిన విషయం తెలిసిందే.