GOAT తెలుగు - విజయ్ స్టామినాకు అసలు టెస్ట్!

తెలుగులో దళపతి విజయ్ మార్కెట్ సినిమా సినిమాకి పెరుగుతోంది. గత ఏడాది లోకేష్ కనగరాజ్ దర్శకత్వంలో చేసిన లియో మూవీ తెలుగు రాష్ట్రాలలో మంచి వసూళ్లని సాధించింది. లోకేష్ కనగరాజ్ బ్రాండ్ ఇమేజ్ కూడా కలిసిరావడంతో లియో మూవీకి తెలుగులో భారీ కలెక్షన్స్ వచ్చాయి. అలాగే మొదటి రోజు ఈ సినిమా తెలుగు రాష్ట్రాలలో ఏకంగా 8 కోట్ల షేర్ ని అందుకుంది. ఇది నిజంగా రికార్డ్ అని చెప్పాలి.

ఇప్పుడు దళపతి విజయ్ GOAT మూవీతో లియో రికార్డ్ ని బ్రేక్ చేయగలడా లేదా అనేది అసలు సందేహం. ఈ సినిమా సెప్టెంబర్ 5న విడుదల కానుంది. ఇక విజయ్ తెలుగు రాష్ట్రాల్లో రెండు సార్లు 5 కోట్ల కంటే ఎక్కువ షేర్ ని ఫస్ట్ డే అందుకున్నాడు. ఆ రెండు సార్లు కూడా లోకేష్ కనగరాజ్ దర్శకత్వంలో చేసిన మాస్టర్, లియో సినిమాలతోనే సాధ్యం అయ్యింది. లియో మూవీ 8 కోట్ల షేర్ అందుకుంటే, మాస్టర్ మూవీ మొదటి రోజు 6 కోట్ల షేర్ ని తెలుగు రాష్ట్రాలలో కలెక్ట్ చేసింది.

విజయ్ స్టార్ ఇమేజ్ తో పాటు లోకేష్ కనగరాజ్ బ్రాండ్ వేల్యూ కూడా కలిసిరావడంతోనే ఈ సినిమాలకి తెలుగు రాష్ట్రాలలో మొదటి రోజు సాలిడ్ ఓపెనింగ్స్ వచ్చాయి. వీటి తర్వాత బీస్ట్ మూవీ తెలుగు రాష్ట్రాలలో అత్యధికంగా 4.8 కోట్ల షేర్ మొదటి రోజు కలెక్ట్ చేసింది. వంశీ పైడిపల్లి దర్శకత్వంలో దిల్ రాజు నిర్మించిన వారసుడు మూవీ తెలుగు రాష్ట్రాలలో కేవలం 3 కోట్ల షేర్ మాత్రమే మొదటి రోజు అందుకోగలిగింది.

విజిల్ 2.5 కోట్లు, సర్కార్ 2.3 కోట్ల షేర్ ని మొదటి రోజు తెలుగులో కలెక్ట్ చేశాయి. ఈ లెక్క ప్రకారం చూసుకుంటే విజయ్ సోలోగా మొదటి రోజు 5 కోట్లకి పైగా షేర్ ని ఇప్పటి వరకు అందుకోలేదు. సెప్టెంబర్ 5న రిలీజ్ అవుతోన్న GOAT మూవీ పైన తెలుగు రాష్ట్రాలలో పెద్దగా బజ్ లేదు. ట్రైలర్ కి కొంత పాజిటివ్ రెస్పాన్స్ వచ్చింది. అయితే చిత్ర యూనిట్ తెలుగు రాష్ట్రాలలో GOAT సినిమాకి పెద్దగా ప్రమోషన్స్ చేయలేదు.

ఈ ఇంపాక్ట్ మూవీ మొదటి రోజు కలెక్షన్స్ పైన పడే ఛాన్స్ ఉందనే మాట వినిపిస్తోంది. లోకేష్ తో పోల్చుకుంటే వెంకట్ ప్రభుకి తెలుగులో పెద్దగా ఇమేజ్ లేదు. వెంకట్ ప్రభు తెలుగులో చేసిన కస్టడీ మూవీ డిజాస్టర్ అయ్యింది. దాని తర్వాత GOAT సినిమాతో రాబోతున్నారు. బుక్ మై షోలో GOAT సినిమాకి 463.3K ఇంప్రెషన్స్ ఉన్నాయి. అయితే టికెట్ బుకింగ్స్ మాత్రం జోరు కనిపించడం లేదు. మరి ఈ స్థాయి రెస్పాన్స్ తో తెలుగులో GOAT 10 కోట్ల షేర్ ని అందుకోగలుగుతుందా లేదా అనేది చూడాలి.