విజయ్ GOAT మూవీ.. ట్రైలర్ ఎలా ఉందంటే?

కోలీవుడ్ స్టార్ హీరో విజయ్ దళపతి.. ప్రస్తుతం ది గ్రేటెస్ట్ ఆఫ్ ఆల్ టైమ్ (GOAT) మూవీ చేస్తున్న విషయం తెలిసిందే. వెంకట్ ప్రభు దర్శకత్వం వహిస్తున్న ఈ సినిమాలో ప్రశాంత్, ప్రభుదేవా సహా అనేక మంది స్టార్ యాక్టర్స్ నటిస్తున్నారు. స్నేహ, మీనాక్షీ చౌదరి హీరోయిన్లుగా కనిపించనున్నారు. విజయ్ రెండు పాత్రల్లో సందడి చేయనున్నారు. తండ్రీకొడుకుల రోల్స్ లో నటిస్తున్నారు విజయ్. సెప్టెంబర్ 5వ తేదీ వరల్డ్ వైడ్ గా GOAT మూవీ రిలీజ్ కానున్నట్లు మేకర్స్ ఇప్పటికే అనౌన్స్ చేశారు.

అయితే GOAT సినిమా రిలీజ్ డేట్ దగ్గర పడుతున్నకొద్దీ.. మేకర్స్ ప్రమోషన్ల స్పీడ్ పెంచుతున్నారు. ఇప్పటికే పోస్టర్స్, సాంగ్స్, టీజర్ రిలీజ్ చేయగా.. తాజాగా ట్రైలర్ ను విడుదల చేశారు. ప్రస్తుతం ట్రైలర్ సోషల్ మీడియాలో వైరల్ గా మారింది. సినిమాలో విజయ్ ఇండియన్ స్పై ఏజెంట్ గా కనిపించనున్నట్లు క్లియర్ గా తెలుస్తోంది. సూపర్ ఫైట్ తో స్టార్ట్ అయిన ట్రైలర్.. ఫుల్ యాక్షన్ ప్యాక్డ్ గా సాగుతూ ఆకట్టుకుంటోంది. సినిమా యాక్షన్ సీక్వెన్సులు ఓ రేంజ్ లో ఉన్నట్లు అర్థమవుతోంది.

ట్రైలర్ స్టార్టింగ్ లో 68 ఇంటర్నేషనల్ ఆపరేషన్స్, హోస్టేజ్ నెగోషియేటర్, ఫీల్డ్ ఏజెంట్ అంటూ విజయ్ ను పరిచయం చేస్తూ మేకర్స్ అదిరిపోయేలా ఎలివేషన్ ఇచ్చారు. ఒక్కప్పుడు స్పైగా పనిచేస్తారు గాంధీ(విజయ్). చాలా కాలం తర్వాత మళ్లీ ఓ ఆపరేషన్ చేయాల్సి వస్తుంది. అప్పుడు కొడుకు(విజయ్) హెల్ప్ చేస్తాడు. ఆ తర్వాత ఏం జరిగింది? ఆపరేషన్ ఏమైంది? అనేది సినిమాగా ట్రైలర్ చూస్తుంటే తెలుస్తోంది. ఓవరాల్ గా ట్రైలర్ ఆడియన్స్ ను మెప్పిస్తోంది.

అయితే సినిమాలో ప్రభుదేవా, ప్రశాంత్ స్పైలుగా కనిపించనున్నారు. సీనియర్ హీరోయిన్ స్నేహ విజయ్ కు తల్లిగా కనిపించనుంది. తండ్రి గెటప్ లో విజయ్ బాగానే ఉన్నారు. కానీ కొడుకు రోల్ లోని విజయ్ కు మిక్స్ డ్ రెస్పాన్స్ వస్తోంది. ఆర్టిఫీషియల్ ఇంటిలిజెన్స్ ద్వారా ఆయన చిన్నప్పటి రూపాన్ని సినిమాలో చూపిస్తున్నారు మేకర్స్. ఇప్పటికే రిలీజ్ అయిన ఓ సాంగ్ కు కూడా ఫుల్ ట్రోల్స్ వచ్చాయి. మరి సినిమా ప్రేక్షకుల ముందుకు వచ్చాక ఏం జరుగుతుందో చూడాలి.

ఏజీఎస్‌ ఎంటర్టైన్మెంట్‌ ప్రొడక్షన్‌ బ్యానర్‌ పై వెంకట్ ప్రభు తెరకెక్కిస్తున్న ఈ చిత్రాన్ని కల్పతి ఎస్ భారీగా నిర్మిస్తున్నారు. వైభవ్, ప్రేమి అమరెన్, యుగేంద్రన్ త‌దిత‌రులు ముఖ్య పాత్ర‌లు పోషిస్తున్నారు. యువన్ శంకర్ రాజా మ్యూజిక్ అందిస్తున్నారు. ట్రైలర్ కట్ కు ఆయనిచ్చిన బ్యాక్ గ్రౌండ్ స్కోర్ అదిరిపోయిందని చెప్పాలి. మొత్తానికి ట్రైలర్ తో సినిమాపై మంచి హైప్ క్రియేట్ చేశారు మేకర్స్. మరి ఈ సినిమా విజయ్ దళపతికి ఎలాంటి రిజల్ట్ ఇస్తుందో.