#The GOAT యువన్ మార్క్ స్పార్క్ ఉన్న సాంగ్

ఇల‌య‌దళపతి విజయ్ న‌టిస్తున్న పాన్ ఇండియా చిత్రం 'ది గోట్' (ది గ్రేటెస్ట్ ఆఫ్ ఆల్ టైమ్) ఈ ఏడాది మోస్ట్ అవైటెడ్ చిత్రాల‌లో ఒక‌టి. ఈ సినిమాకి సంబంధించిన ప్ర‌తి అప్ డేట్ అభిమానుల్లో ఆస‌క్తిని పెంచుతున్నాయి. వెంక‌ట్ ప్ర‌భు ఈ చిత్రాన్ని తెర‌కెక్కిస్తున్న సంగ‌తి తెలిసిందే. తాజాగా ది గోట్ నుంచి మూడవ సింగిల్ 'స్పార్క్...' విడుద‌లైంది. యువ‌న్ మార్క్ ట్యూన్ వేవ్స్ క్రియేట్ చేస్తోంది. ఇళ‌య‌రాజా వార‌సుడు యువన్ శంకర్ రాజా స్వరపరిచిన ఈ ట్రాక్ హై ఎన‌ర్జీతో మూవీ స్ఫూర్తిని ఎలివేట్ చేస్తోంది. ఈ పాట‌లో సాహిత్యం ఆక‌ట్టుకుంటోంది.

ఇది యువన్ మార్క్ 'స్పార్క్-యు'. యువన్ శంకర్ రాజా, వృషా బాలుతో కలిసి పాటను కంపోజ్ చేయడమే కాకుండా ప్రదర్శించారు. సాంగ్ అంతటా ఉల్లాసభరితమైన టెంపోను గొప్ప‌గా మ్యానేజ్ చేసారు వీరు. పాట ప్రారంభం నుండి చివరి వరకు ఉత్సాహంగా, ఆకర్షణీయంగా కొన‌సాగుతుంది. రామజోగయ్య శాస్త్రి రాసిన అద్భుత‌ సాహిత్యం వినోదాన్ని రెట్టింపు చేస్తుంది. ఈ పాట మొత్తం వేడుక మూడ్‌ని హై లెవ‌ల్లో టూన్ చేస్తుంది.

ఈ వీడియోలో మీనాక్షి చౌదరితో కలిసి విజయ్ ఎనర్జిటిక్ స్టెప్పులు ఆక‌ట్టుకుంటున్నాయి. రాజు సుందరం కొరియోగ్రఫీ దృశ్యపరంగా పాట‌కు అద్భుతమైన కోణాన్ని జోడించింది. రాజు సుందరం డైనమిక్ మూవ్స్ ని కొరియోగ్రాఫ్ చేయ‌గా విజ‌య్ సునాయాసంగా దానిని పండించాడు. క్లిష్టమైన నృత్య కదలికలు పాటకు అద‌న‌పు హంగును జోడించాయి. ఇది అద్భుత‌మైన విజువ‌ల్ ట్రీట్ అన‌డంలో సందేహం లేదు. యానిమేషన్ భాగం కూడా బాగా ఆకట్టుకుంది. AGS ఎంటర్‌టైన్‌మెంట్ ప‌తాకంపై కల్పాతి ఎస్ అఘోరమ్, కల్పాతి ఎస్ గణేష్, కల్పాతి ఎస్ సురేష్ నిర్మించారు. ది గోట్‌లో మోహన్, జయరామ్, స్నేహ, లైలా, అజ్మల్ అమీర్, మీనాక్షి చౌదరి, వైభవ్ కీలక పాత్రల్లో నటించారు. మైత్రీ మూవీ మేకర్స్ ఈ చిత్రాన్ని తెలుగులో విడుద‌ల చేయ‌నుంది.