వెంకటేష్ 'గోదారి' సాంగ్.. వింటేజ్ రమణ గోగుల ఈజ్ బ్యాక్!

టాలీవుడ్ సీనియర్ హీరో విక్టరీ వెంకటేష్ నటిస్తున్న లేటెస్ట్ మూవీ 'సంక్రాంతి వస్తున్నాం'. సక్సెస్ ఫుల్ డైరెక్టర్ అనిల్ రావిపూడి దర్శకత్వం వహిస్తున్న ఆ సినిమా.. వచ్చే ఏడాది సంక్రాంతికి కానుకగా ప్రేక్షకుల ముందుకు రానుంది. ఇప్పటికే సినిమా షూటింగ్ పూర్తి కాగా.. త్వరలో మేకర్స్ విడుదల తేదీని అనౌన్స్ చేయనున్నారు.

అయితే ఇప్పటికే వెంకటేష్, అనిల్ రావిపూడి కాంబోలో వచ్చిన ఎఫ్-2, ఎఫ్-3 సినిమాలు మంచి హిట్ అయ్యాయి. ఇప్పుడు ముచ్చటగా మూడోసారి వారిద్దరి కాంబినేషన్ లో సంక్రాంతికి వస్తున్నాం మూవీ రూపొందుతుండడంతో అంతా మంచి అంచనాలు పెట్టుకున్నారు. ఇది కూడా హిట్ అవుద్దని ఆశిస్తున్నారు.

ఇప్పటి వరకు మేకర్స్ రిలీజ్ చేసిన ప్రమోషనల్ కంటెంట్ కు మంచి రెస్పాన్స్ వచ్చింది. పోస్టర్స్ క్రేజీగా ఉండి అందరినీ ఆకట్టుకున్నాయి. అయితే రీసెంట్ గా సాలిడ్ అప్డేట్ ఇచ్చిన విషయం తెలిసిందే. సంక్రాంతి వస్తున్నాం మూవీ ఫస్ట్ సింగిల్ గా గోదారి గట్టు అనే పాటను రిలీజ్ చేయబోతున్నట్లు సోషల్ మీడియాలో ప్రకటించారు.

ఓ పోస్టర్ ద్వారా వెల్లడించగా.. ఆ సాంగ్ ను సీనియర్ సింగర్ రమణ గోగుల పాడడం విశేషం. లాంగ్ గ్యాప్ తర్వాత ఆయన.. వెంకటేష్ మూవీకి సాంగ్ పాడుతున్నారు. ఆయనతోపాటు మధుప్రియ గొంతు కలిపారు. భీమ్స్ సిసిరోలియా మ్యూజిక్ అందిస్తుండగా.. శనివారం సాయంత్రం మేకర్స్ ఫస్ట్ సింగిల్ ప్రోమోను విడుదల చేశారు.

గోదారి గట్టు మీద రామ సిలకవే ఓ గోరింటాకెట్టుకున్న సందమామవే.. మోస్ట్ బెస్ట్ మెలోడీ అంటూ ట్వీట్ చేశారు. అయితే సాంగ్ అదిరిపోయే ర్యాప్ తో స్టార్ట్ అయింది. గోదారి గట్టు మీద రామసిలకవే.. ఓ గోరింటాకెట్టుకున్న సందమామవే అంటూ బ్యూటిఫుల్ లిరిక్స్ తో సాగుతున్న ప్రోమో అదిరిపోయేలా ఉంది. విజువల్స్ నేచురల్ గా ఉంటూనే అద్భుతంగా ఉన్నాయి.

వెంకటేష్ తో పాటు హీరోయిన్ మీనాక్షి చౌదరి సాంగ్ లో కనిపించారు. సినిమాలో భార్యాభర్తలుగా నటిస్తున్న వారిద్దరూ క్యూట్ స్టెప్స్ తో అలరించారు. భీమ్స్ సిసరోలియో తన బాణీలతో అదరగొట్టారు. సింగర్ రమణ గోగుల ఎవర్ గ్రీన్ వాయిస్ తో మెప్పించారు. ఓవరాల్ గా లిరికల్ ప్రోమో సూపర్ గా ఉందని నెటిజన్లు చెబుతున్నారు. వెయిటింగ్ ఫర్ సాంగ్ అని అంటున్నారు. డిసెంబర్ 3న ఫుల్ సాంగ్ రిలీజ్ చేస్తామని మేకర్స్ అనౌన్స్ చేశారు.