ఎన్టీఆర్ సినిమాలో ఆ అమ్మాయికి గోల్డెన్ ఛాన్స్

తెలుగులో ప్రముఖ ఛానెల్లో ప్రసారమైన గుప్పెడంత మనసు సీరియల్ లో నటించిన జగతి గుర్తుందా? తన యాక్టింగ్తో బుల్లితెర అభిమానులు సొంతం చేసుకున్న ఈ బ్యూటీ.. కన్నడ ఇండస్ట్రీలో అనేక క్యారెక్టర్ ఆర్టిస్ట్ పాత్రలు చేసింది. ఇప్పుడు ఆ జ్యోతి రాయ్ పేరు ఫుల్ ట్రెండింగ్ లో ఉంది. కారణమేమింటంటే?

సీరియల్స్ లో పద్ధతిగా చీర కట్టుకుని ట్రెడిషనల్ గా ఆకటుకున్న జ్యోతి రాయ్.. ఒకానొక టైమ్లో హాట్ ఫొటోలను పోస్ట్ చేసి సినీ ఇండస్ట్రీని షేక్ చేసింది. ఒక్కసారిగా ఫొటోలు వైరల్ అవ్వడంతో ఆమె కోసం నెటిజన్లు తెగ వెతికేశారు. ఆ సమయంలో ఆమె గురించి సంచలన నిజాలు బయటపడ్డాయి. అప్పటికే పెళ్లై ఉన్న యంగ్ డైరెక్టర్ సుకుపూర్వ రాజ్ తో ఆమె డేటింగ్ చేస్తుందని వార్తలు వచ్చాయి. కొందరు ఏకంగా డేటింగ్ కాదు వాళ్లిద్దరూ పెళ్లి కూడా చేసుకున్నారని గుస గుసలాడుకున్నారు.

అయితే ఈ విషయాలపై పెద్దగా ఫీల్ అవ్వని జ్యోతి.. సుకుపూర్వ రాజ్ దిగిన ఫొటోలను షేర్ చేస్త్తూ వస్త్తోంది. కన్నడ స్టార్ దర్శకుడు ప్రశాంత్ నీల్కు సుకుపూర్వ రాజ్ చాలా క్లోజ్ అంట. దీంతో ఆయన జ్యోతిని ఎన్టీఆర్ 31 సినిమాలో తీసుకోమని రికమెండ్ చేశారట. ఎన్టీఆర్ పక్కన జ్యోతి నటిస్తే మంచి అవకాశాలు వస్తాయని కూడా చెప్పారట. స్నేహం పేరుతో ప్రశాంత్ నీల్ కు కాకపట్టారట.

దీంతో ప్రశాంత్ నీల్ ఆమెకు తన సినిమాలో మంచి పాత్ర పోషించే అవకాశం ఇచ్చినట్లు తెలుస్తోంది. విలన్ కు భార్యగా జ్యోతి నటించనున్నట్లు సమాచారం. ఒకవేళ ఇదే నిజమైతే త్వరలోనే ఎన్టీఆర్ 31 సినిమాలో జ్యోతి రాయ్ పర్ఫామెన్స్ ను మనం చూడొచ్చన్నమాట!

ఎన్టీఆర్తో తాను తీయనున్న సినిమా స్టోరీపై ప్రశాంత్ నీల్ ఇటీవలే స్పందించారు. సినిమా కథ చాలా కొత్తగా ఉంటుందని చెప్పారు. భిన్నమైన ఎమోషన్లతో సాగుతోందని వివరించారు. సినీ వర్గాల సమాచారం ప్రకారం.. వచ్చే ఏడాది జూనియర్ ఎన్టీఆర్, ప్రశాంత్ నీల్ మూవీ ప్రారంభం కానుంది. 2025లో సినిమా రిలీజ్ అవ్వనున్నట్లు తెలుస్తోంది. ప్రస్తుతం జూనియర్ ఎన్టీఆర్ దేవర మూవీతో బిజీగా ఉన్నారు. ఈ మూవీ పూర్తవగానే ఎన్టీఆర్ 31 ప్రారంభమవుతుందని సినీ వర్గాల్లో టాక్ నడుస్తోంది.