గోపీచంద్ బాలీవుడ్ లో కొడితే తిరుగుండ‌దు!

స‌న్ని డియోల్ తో తెరెక్కిస్తోన్న‌ `జాట్` సినిమాతో టాలీవుడ్ డైరెక్ట‌ర్ గోపీచంద్ మ‌లినేని బాలీవుడ్ లో మేక‌ర్ గా ఎంట్రీ ఇస్తోన్న సంగ‌తి తెలిసిందే. ఇది ప‌క్కా గోపీ మార్క్ యాక్ష‌న్ క‌మ‌ర్శియ‌ల్ చిత్రం. ప్రస్తుతం షూటింగ్ ద‌శ‌లో ఉన్న ఈ చిత్రంపై అంచ‌నాలు బాగానే ఉన్నాయి. రిలీజ్ అయిన ప్ర‌చార చిత్రాలు మంచి బ‌జ్ ని తీసుకొస్తున్నాయి. టాలీవుడ్ మేక‌ర్ మేకింగ్ కూడా బాలీవుడ్ కి కొత్త‌గానే అనిపిస్తుంది. బాలీవుడ్-టాలీవుడ్ క‌మర్శియ‌ల్ సినిమాల మ‌ధ్య వ్య‌త్యాసం ఉంది.

ఇప్పుడా వ్య‌త్యాస‌మే తెలుగు డైరెక్ట‌ర్లకు నార్త్ లో కలిసొస్తుంది. `పుష్ప`, జ‌వాన్ చిత్రాలు నార్త్ బెల్ట్ లో అలా స‌క్సెస్ అయినవే. స‌రిగ్గా ఇదే లాజిక్ ప‌ట్టుకుని గోపీచంద్ `జాట్` చిత్రాన్ని ప‌ట్టాలెక్కించాడు. ఇప్ప‌టి వ‌ర‌కూ సినిమాపై బ‌జ్ బాగానే ఉంది. అన్ని ప‌నులు పూర్తి చేసి ఏప్రిల్ లో ప్రేక్ష‌కుల ముందుకు తీసుకురానున్నారు. `జాట్` గనుక మంచి క‌మ‌ర్శియ‌ల్ హిట్ అందుకుంటే? గోపీచంద్ పంట పండిన‌ట్లే. అక్క‌డ టైర్ -2 హీరోలంతా గోపీతో ప‌ని చేయ‌డానికి ముందుకొస్తారు.

ఇప్ప‌టికే టాలీవుడ్ లో గోపీచంద్ తో ప‌నిచేయాల‌నుకున్న హీరోలంతా ప‌నిచేసారు. టాలీవుడ్ ట్రెండ్ కూడా మారింది. మారిన ట్రెండ్ లో గోపీ క‌థ‌ల‌కు ఇక్క‌డ‌ హీరోలు అంత‌గా క‌నెక్ట్ అవ్వ‌డం లేదు. కానీ అవే క‌థ‌ల‌కు ఉత్త‌రాది హీరోలు సుల‌భంగా క‌నెక్ట్ అవుతారు. `జాట్` విష‌యంలో అదే జ‌రిగింది. స‌క్సెస్ అయితే చాలా మంది బాలీవుడ్ హీరోలు ముందుకొస్తారు. క‌మ‌ర్శియ‌ల్ చిత్రాలు ఎగ్యిక్యూట్ చేయ‌డంలో బాలీవుడ్ డైరెక్ట‌ర్లు అనుకున్న విధంగా స‌క్సెస్ అవ్వ‌డం లేదు.

ఈ విష‌యాన్ని కంగ‌నా ర‌నౌత్ పుష్ప‌....జ‌వాన్ స‌క్సెస్ లు చూసి విశ్లేషించింది. గోపీచంద్ కూడా స‌రైన టైమ్ లో అక్కడ లాంచ్ అవుతున్నాడు. ఈ నేప‌థ్యంలో జాట్ స‌క్సెస్ అత‌డి బాలీవుడ్ కెరీర్ నే మార్చేస్తుంది? అన్న బ‌జ్ క్రియేట్ అవుతుంది.