టాప్ రికార్డులో ధమ్ మసాలా

ఈ మధ్యకాలంలో సౌత్ ఇండియా సినిమా సాంగ్స్ సోషల్ మీడియాలో సెన్సేషన్ క్రియేట్ చేస్తున్నారు. ఇండియాలోనే హైయెస్ట్ వ్యూస్ సొంతం చేసుకున్న సాంగ్ గా మారి 2 మూవీలోని రౌడీ బేబీ సాంగ్ ఉంది. అలాగే తెలుగులో అల వైకుంఠపురంలో సాంగ్స్, పుష్ప మూవీ సాంగ్స్ ఎంతగా పాపులర్ అయ్యాయో అందరికి తెలిసిందే. ఇప్పటికే దేశ వ్యాప్తంగా ఎక్కడో ఓ చోట ఈ పాటలు వినబడుతూనే ఉంటాయి.

అంతగా సౌత్ సాంగ్స్ కి దేశ వ్యాప్తంగా ప్రజలు బ్రహ్మరథం పడుతున్నారు. యుట్యూబ్ లో రిలీజ్ చేసిన గంటల్లోనే మిలియన్స్ లో వ్యూస్ సొంతం చేసుకుంటున్న పాటలు కూడా ఉన్నాయి. ఇప్పటి వరకు సౌత్ నుంచి వచ్చిన హిట్ సాంగ్స్ లో 24 గంటల వ్యవధిలో అత్యధిక వ్యూస్ సొంతం చేసుకున్న టాప్ పాటలు చూసుకుంటే మొదటి స్థానంలో బీస్ట్ మూవీ నుంచి అరబిక్ కతు సాంగ్ ఉంది.

ఈ సాంగ్ ఏకంగా 23.27 మిలియన్ వ్యూస్ సొంతం చేసుకుంది. రెండో స్థానంలో సూపర్ స్టార్ మహేష్ బాబు గుంటూరు కారం నుంచి రిలీజ్ అయిన దమ్ మసాలా సాంగ్ నిలవడం విశేషం. ఈ సాంగ్ 17.42 మిలియన్ వ్యూస్ ని సొంతం చేసుకుంది. మూడో స్థానంలో విజయ్ వారిసు మూవీలో రంజితమే సాంగ్ 16.68 మిలియన్ వ్యూస్ తో నిలిచింది.

విజయ్ లియో చిత్రం నుంచి నా రెడీ సాంగ్ 16.55 మిలియన్ వ్యూస్ నాలుగో స్థానంలో ఉంది. సర్కారువారి పాట మూవీలో పెన్నీ సాంగ్ 16.38 మిలియన్ వ్యూస్ తో టాప్ 5 లోకి వచ్చింది. అదే సినిమాలో కళావతి సాంగ్ ఏకంగా 14.78 మిలియన్ వ్యూస్ సొంతం చేసుకొని టాప్ 6 గా నిలిచింది. ఈ లిస్టు చూసుకుంటే 24 గంటల్లో అత్యధిక వ్యూస్ సొంతం చేసుకున్న టాప్ 6 సాంగ్స్ లో మూడు పాటలు సూపర్ స్టార్ మహేష్ బాబువి ఉండటం విశేషం.

మరో మూడు సాంగ్స్ ఇళయదళపతి విజయ్ సాంగ్స్ కావడం గమనార్హం. ఈ ఇద్దరు స్టార్స్ సినిమాల నుంచి వచ్చే సాంగ్స్ పట్ల ప్రజలు ఎక్కువ ఆదరణ చూపిస్తున్నారు. దానికి తగ్గట్లుగానే వీరిద్దరూ సాంగ్స్ విషయంలో ఎక్కువ కేర్ తీసుకుంటూ ఉంటారని ఇండస్ట్రీ వర్గాలలో వినిపించే మాట.