గుంటూరు కారం గురూజీ హింట్ ఇచ్చేశాడా..?

అల వైకుంఠపురములో లాంటి సెన్సేషనల్ హిట్ తర్వాత త్రివిక్రం చేస్తున్న సినిమా గుంటూరు కారం. మహేష్ తో అతడు ఖలేజా సినిమాలు చేసిన త్రివిక్రం దశాబ్ద కాలం పైన తర్వాత మహేష్ తో సినిమా చేస్తున్నాడు. ఈ ఇద్దరి కాంబినేషన్ సినిమా అనగానే ఆడియన్స్ లో విపరీతమైన క్రేజ్ ఏర్పడింది. మహేష్ గుంటూరు కారం సినిమాలో హీరో పాత్ర గురించి కొన్ని లీక్స్ వచ్చాయి. అంతకుముందు మహేష్ ఒక సోల్జర్ గా కనిపిస్తాడని టాక్ రాగా.. పోలీస్ ఆఫీసర్ అని కూడా చెప్పుకొచ్చారు.

కానీ రీసెంట్ గా గుంటూరు కారం సినిమా నుంచి దమ్ మసాలా సాంగ్ రిలీజ్ కాగా ఆ సాంగ్ లో లీడర్ ఆన్ ది వే అని చెప్పాడు. మసాలా సాంగ్ రామజోగయ్య శాస్త్రి రచించారు. సాంగ్ రిలీజ్ అవగానే ఆయన అందించిన సాహిత్యానికి సంగీత ప్రియులు సూపర్ స్టార్ ఫ్యాన్స్ సోషల్ మీడియాలో రామజోగయ్య శాస్త్రిని ప్రశంసలతో ముంచెత్తారు. సో సినిమాలో మహేష్ పొలిటికల్ లీడర్ గా కనిపిస్తాడని తెలుస్తుంది. అయితే మహేష్ లోకల్ లీడర్ గా కనిపిస్తాడా లేదా ఇంకా పెద్ద పదవిలోనే కనిపిస్తాడా అన్నది తెలియాల్సి ఉంది. దమ్ మసాలా సాంగ్ లో అయితే మహేష్ లుక్ చూస్తే ఇది మహేష్ తో త్రివిక్రం చేస్తున్న ఫుల్ మాస్ సినిమా అని చెప్పొచ్చు. నిజంగానే మహేష్ లీడర్ గా కనిపిస్తే త్రివిక్రం మార్క్ పంచులు పేలుతాయని చెప్పొచ్చు. పెన్ పవర్ తో ఆడియన్స్ ని మెప్పించే త్రివిక్రం గుంటూరు కారం కోసం కూడా తన అద్భుతమైన రైటింగ్ స్కిల్స్ చూపిస్తున్నారట. సినిమాలో డైలాగ్స్ మాత్రం హైలెట్ గా ఉంటాయని చెబుతున్నారు.

మహేష్ త్రివిక్రం ఇద్దరు కలిసి ప్రేక్షకులకు ఒక మంచి మసాలా సినిమా ఇవ్వాలని ఫిక్స్ అయ్యారు. ఈ సినిమాలో ముందు పూజా హెగ్దేని హీరోయిన్ గా అనుకోగా అనివార్య కారణాల వల్ల ఆమె సినిమా నుంచి బయటకు వెళ్లింది. ప్రస్తుతం శ్రీ లీల, మీనాక్షి చౌదరిలు ఈ సినిమాలో హీరోయిన్స్ గా నటిస్తున్నారు.

వరుస హిట్లతో మహేష్ సూపర్ ఫాం లో ఉండగా గుంటూరు కారంతో మరో సెన్సేషనల్ హిట్ కొట్టాలని చూస్తున్నాడు. త్రివిక్రం కూడా సూపర్ హిట్ కొట్టిన జోష్ లో ఉన్నాడు కాబట్టి గుంటూరు కారం కి కలిసి వచ్చే అంశమే అని చెప్పొచ్చు. గుంటూరు కారం సినిమా రాబోయే సంక్రాంతికి రిలీజ్ ప్లాన్ చేశారు. భారీ అంచనాలతో వస్తున్న ఈ సినిమా అనుకున్న టార్గెట్ రీచ్ అవుతుందా లేదా అన్నది చూడాలి.