గుంటూరు కారం.. ప్లానింగ్ ఎలా ఉందంటే..

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతోన్న మూవీ గుంటూరు కారం. ఈ మూవీ షూటింగ్ ప్రస్తుతం శరవేగంగా సాగుతోంది. శ్రీలీల, మీనాక్షి చౌదరి హీరోయిన్స్ గా ఈ చిత్రంలో నటిస్తున్నారు. హారికా అండ్ హాసిని క్రియేషన్స్ బ్యానర్ లో రాధాకృష్ణ ఈ చిత్రాన్ని నిర్మిస్తున్నారు. సంక్రాంతి కానుకగా ప్రేక్షకుల ముందుకి తీసుకొచ్చే ప్రయత్నం త్రివిక్రమ్ చేస్తున్నారు.

ఇదిలా ఉంటే ఈ సినిమాకి సంబందించిన అప్డేట్ ను సూపర్ స్టార్ అభిమానులు చాలా రోజుల నుంచి అడుగుతున్నారు. ఈ నేపథ్యంలో ఫస్ట్ సింగిల్ రిలీజ్ చేయాలని త్రివిక్రమ్ ప్లాన్ చేస్తున్నారు. థమన్ ఇప్పటికి మూవీ కోసం కొన్ని సాంగ్స్ ని కంపోజ్ చేసి ఇచ్చారు. ముందుగా ఫస్ట్ సింగిల్ గా డ్యూయెట్ రిలీజ్ చేయాలని అనుకున్నారు. అయితే ఇప్పటికి సాంగ్స్ షూటింగ్ కంప్లీట్ కాలేదంట.

ఈ నేపథ్యంలో హీరో సోలో సాంగ్ రిలీజ్ చేయాలని డిసైడ్ అయ్యారంట. ఇప్పటి వరకు 45 శాతం షూటింగ్ కంప్లీట్ అయినట్లు టాక్ వినిపిస్తోంది. ఈ సీక్వెన్స్ లోని ఎలివేషన్ షాట్స్ ఉపయోగించుకొని సోలో సాంగ్ ని రిలీజ్ చేస్తే సరిపోతుందని అనుకున్తున్నారంట. దానికి ఇప్పుడు రంగం సిద్ధం చేస్తున్నట్లు తెలుస్తోంది. త్వరలోనే ఫస్ట్ సాంగ్ రిలీజ్ కి సంబంధించి అప్డేట్ ఇచ్చే అవకాశం ఉంది.

ఇక షూటింగ్ కి సంబంధించి అక్టోబర్ నెలాఖరుకి టాకీ పార్ట్ మొత్తం కంప్లీట్ అవుతుందంట. తరువాత నవంబర్, డిసెంబర్ లో పాటలు చిత్రీకరణతో పాటు పెండింగ్ సీక్వెన్స్ కూడా కంప్లీట్ చేసే ఆలోచనతో పక్కా షెడ్యుల్ వేసుకున్నట్లు తెలుస్తోంది. నవంబర్ ఆఖరుకి షూటింగ్ కంప్లీట్ అయిపోతుందంట. డిసెంబర్ లో పోస్ట్ ప్రొడక్షన్ మొత్తం కంప్లీట్ చేసి ఫెస్టివల్ నాటికి అవుట్ పుట్ సిద్ధం చేయాలని డిసైడ్ అయ్యారంట.

మహేష్ బాబు కూడా బల్క్ డేట్స్ ని గుంటూరు కారం కోసం కేటాయించడం జరిగిందంట. నవంబర్ షూటింగ్ కంప్లీట్ అయ్యేంత వరకు వేరే ఇతర యాక్టివిటీస్ పెట్టుకోకూడదు అని డిసైడ్ అయినట్లు ఇండస్ట్రీ వర్గాలలో వినిపిస్తోంది.