స్పెష‌ల్ ప్లైట్ లో గుంటూరు బాబు ల్యాండింగ్!

సూప‌ర్ స్టార్ మ‌హేష్ క‌థానాయుకుడిగా త్రివిక్ర‌మ్ ద‌ర్శ‌క‌త్వంలో తెర‌కెక్కుతోన్న `గుంటూరు కారం` అన్ని ప‌నులు పూర్తిచేసుకుని సంక్రాంతి కానుక‌గా ప్రేక్ష‌కుల ముందుకు కొస్తున్న సంగ‌తి తెలిసిందే. తాజాగా ఈ సినిమా ప్రీ రిలీజ్ ఈవెంట్ నేటి సాయంత్ర గుంటూరులోని నంబూరు ఎక్స్ రోడ్ వద్ద ఉన్న భారత్ పెట్రోల్ బ్యాంకు పక్కనున్న ఖాళీ స్థలంలో జరుగుతోన్న సంగ‌తి తెలిసిందే.

ఈ వెంట్ నిర్వాహిస్తారా? లేదా? అన్న సందేహం నిన్న‌టివ‌ర‌కూ వెంటాడిన చివ‌రిగా నిర్మాత క్లారిటీ ఇవ్వ‌డంతో ఈవెంట్ షురూ అయింది. ఇప్ప‌టికే ఈవెంట్ వ‌ద్ద‌కు అభిమానులు భారీ ఎత్తున చేరుకున్నారు. హాజ‌ర‌వ్వాల్సిన సెల‌బ్రిటీలు హైద‌రాబాద్ నుంచి కార్ల‌లో వెళ్లారు. మ‌రి మ‌హేష్ అండ్ కో జ‌ర్నీ ఎలా ప్లాన్ చేసారంటే? స్పెష‌ల్ ప్టైల్ గుంటూరు కి కాసేప‌టి క్రిత‌మే చేరుకున్న‌ట్లు తెలుస్తోంది.

మ‌హేష్‌..త్రివిక్ర‌మ్..థ‌మ‌న్.. దిల్ రాజు..రాధాకృష్ణ‌..నాగ‌వంశీ.. హీరోయిన్లు మీనాక్షి చౌద‌రి...శ్రీలీల అంతా క‌లిసి ఒకే ప్లైట్ లో గుంటూరుకి వెళ్లారు. గ్యాంగ్ అంతా కులాసాగా క‌బుర్లు చెప్పుకుంటూ గుంటూరు చేరిన‌ట్లు తెలుస్తోంది. అంతా ప్లైట్ కిసి దిగిన ఫోటో ఒక‌టి ఇన్ స్టాలో వైర‌ల్ అవుతుంది. గ్యాంగ్ అంతా స్పెష‌ల్ గా కెమెరాకి ఫోజులిచ్చారు. ఇక మ‌హేష్ ఎప్ప‌టిలాగే అంతే అందంగా క‌నిపిస్తున్నాడు.

గ‌ళ్ల ష‌ర్ట్..జీన్స్ ప్యాంట్ ధ‌రించాడు. కొన్ని నెల‌లుగా ఇవే డిజైన్స్ ఎక్కువ‌గా ధ‌రిస్తున్నారు. వెకేష‌న్లు వెళ్లినా.. ప్ర‌త్యేక‌మైన ఈవెంట్ల‌కు హాజ‌రు కావాల‌న్నా...పెళ్లిళ్లు పేరాంటాలు..ఓపెనింగ్ లు ఎవైనా స‌రే గ‌ళ్ల ష‌ర్ట్ త‌ప్ప‌ని స‌రి అంటున్నారు. ప్ర‌స్తుతం ఈ ఫోటో నెట్టింట వైర‌ల్ గా మారింది. అభిమానులు జై బాబు..జైజై బాబు అంటూ గుంటూరు గ్యాంగ్ కి గ్రాండ్ గా వెల్క‌మ్ చెప్పిన‌ట్లు తెలుస్తోంది.