మహేష్ బాబు కలెక్షన్స్ తో తాటతీస్తారు..

సంక్రాంతికి రాబోతున్న గుంటూరు కారం సినిమా ప్రీ రిలీజ్ ఈవెంట్ ను గుంటూరులో నిర్వహించిన విషయం తెలిసిందే. ఇక ఈ వేడుకలో నిర్మాత దిల్ రాజు కూడా పాల్గొన్నారు. ఆయన మాట్లాడుతూ.. గుంటూరు కారం సినిమాకు సంబంధించిన ఈ వేడుక గుంటూరులో జరగడం చాలా సంతోషంగా ఉంది. ఇంతమంది అభిమానులను చూస్తూ ఉంటే సంక్రాంతి సక్సెస్ చాలా అందంగా కనిపిస్తోంది. ఈ సినిమాకు నిర్మాతలుగా ఉన్న చిన్న బాబు గారు అలాగే వంశీ మంచి నిర్మాతలుగా ఇండస్ట్రీలో గుర్తింపును అందుకుంటున్నారు.

ఒక నిర్మాతగా వరుసగా సక్సెస్ లు చూడడం అనేది అంత సాధారణమైన విషయం కాదు. రీసెంట్గా వచ్చిన మ్యాడ్ సినిమాతో కూడా వాళ్లకు మంచి సక్సెస్ వచ్చింది. ఇక ఆ ఇద్దరికీ తోడుగా మాటల మాంత్రికుడు త్రివిక్రమ్ శ్రీనివాస్ ఆ బ్యానర్కు వెనకాల ఆయన సపోర్ట్ చేస్తూ సక్సెస్ లో భాగం అయినందుకు ప్రత్యేకంగా ధన్యవాదాలు తెలుపుతున్నాను. ఎందుకంటే ఆ సక్సెస్ ను మేము కూడా ఎంజాయ్ చేస్తున్నాము.

ఇక ఈ సినిమాలోని మూడు పాటలు కూడా మంచి క్రేజ్ అందుకున్నాయి. ముఖ్యంగా కూర్చి మడత పెట్టి అనే పాట అందరిని ఎంతగానో ఆకట్టుకుంది. ఆ సాంగ్ బిగ్ స్క్రీన్ పై ఇంకా చాలా హైలెట్ గా కనిపించబోతోంది. మహేష్ బాబు శ్రీలీల డాన్స్ తో అదరగొట్టేశారు. వారి డ్యాన్స్ కు స్క్రీన్స్ చిరిగిపోతాయి. అలాంటి మంచి సాంగ్స్ ఇచ్చిన థమన్ కు థాంక్స్ చెబుతున్నాను.

కేవలం సాంగ్స్ వరకు మాత్రమే కాదు ఈ సినిమాలో ప్రతి సీన్ కూడా చాలా బాగా వచ్చింది. రీసెంట్గా త్రివిక్రమ్ గారు కొన్ని సీన్స్ చూపించారు. వాటిని చూస్తే అందులో ఇచ్చిన బ్యాక్ గ్రౌండ్ మ్యూజిక్ కూడా చాలా బాగా వచ్చింది. రాసి పెట్టుకోండి కొన్ని పేపర్లు ఎక్కువగా పెట్టుకోండి. ఆ సీన్స్ కు మీకు పేపర్లు సరిపోవు. ఒక సీన్లో శ్రీ లీల చేసిన డ్యాన్స్ చూశా.. మాములుగా లేదు. నేను అంచనాల పెంచాలని అనుకోవడం లేదు కానీ చూసినవన్నీ గుర్తుకు వస్తున్నాయి. సీన్స్ ఆ రేంజ్ లో ఉన్నాయి.

త్రివిక్రమ్ గారు ఏదో మాయ చేస్తారు. ప్రతి హీరో క్యారెక్టర్ తో నవ్విస్తారు ఏడిపిస్తారు ఆ విధంగా రియాక్షన్స్ అద్భుతంగా వచ్చేలా మ్యాజిక్ చేస్తారు. త్రివిక్రమ్ గారు ఎన్నో అద్భుతమైన సినిమాలు తీశారు, తీస్తూనే ఉన్నారు. మహేష్ బాబు గారు ఈ సినిమాతో కలెక్షన్స్ తో తాటతీస్తారు.. త్రివిక్రమ్ గారు హీరో క్యారెక్టర్ ను డిజైన్ చేసిన విధానం ట్రైలర్ లో చూశారు. పోకిరి, దూకుడు తరువాత ఎన్నాళ్లకు మహేష్ బాబును ఆ తరహాలో చూస్తాము.

సంక్రాంతికి త్రివిక్రమ్ గారు వదులుతున్న గుంటూరు కారమే మహేష్ బాబు. సిద్ధంగా ఉండండి.. ఈ సంక్రాంతికి పెద్ద పండగ. మహేష్ బాబు గారు ఈ మధ్య చివరి నాలుగైదు సినిమాలతో ఒక సాంగ్ కు డాన్స్ తో ఇరగదీస్తున్నారు. అది మీ కోసమే.. ఈ సినిమాలో ఆ కుర్చీ పాట మీరు ప్రిపేర్ అయ్యి ఉండండి. ఆ సినిమాలో అది హైలైట్ గా నిలుస్తుంది. 12 తారీకున గుంటూరు కారం గుంటూరు వారికి మాత్రమే కాదు తెలుగు ప్రేక్షకులు మంచి ఎంటర్టైన్మెంట్ ట్రీట్. ఒక బ్లాక్ బస్టర్ సినిమా రాబోతోంది బీ రెడీ.మ్ అని దిల్ రాజు గారు మాట్లాడారు.