గుంటూరు కారం అది వర్క్ అవుట్ అయ్యింది..!

సూపర్ స్టార్ మహేష్ త్రివిక్రం కాంబినేషన్ లో వచ్చిన గుంటూరు కారం సినిమా సంక్రాంతికి రిలీజై వసూళ్ల సునామి సృష్టించింది. సినిమాకు వచ్చిన టాక్ కి వచ్చిన కలెక్షన్స్ కి ఏమాత్రం సంబంధం లేదు. వారం రోజుల్లో గుంటూరు కారం సినిమా 212 కోట్ల గ్రాస్ తో రీజనల్ సినిమాల్లో రికార్డు సృష్టించిందని నిర్మాతలు ప్రకటించారు. ఈ సినిమా సక్సెస్ పై నిర్మాత నాగ వంశీ మీడియా తో మాట్లాడారు. సినిమా అర్ధరాత్రి షోస్ వల్ల కొంత బ్యాడ్ టాక్ వచ్చింది. అయితే రిలీజ్ రోజు టాక్ మారిందని. ఫ్యామిలీస్ సినిమా ను హిట్ చేశాయని అన్నారు.

అయితే త్రివిక్రం డైరెక్షన్ లో మహేష్ ఇదివరకు అతడు, ఖలేజా సినిమాలు చేశాడు. అతడు డిఫరెంట్ స్టోరీ.. ఒక ప్రొఫెషనల్ షూటర్ అనుకోకుండా ఒక వ్యక్తి బదులుగా ఫ్యామిలీలోకి వెళ్తే అక్కడ జరిగే సంఘటనలతో తీశారు. ఇక మరోపక్క ఖలేజా సినిమా ఒక ట్యాక్సీ డ్రైవర్ ఒక ఊరికి దేవుడిగా కొలవబడి ఆ తర్వాత అసలు వారు ఎందుకు తనని అలా భావిస్తున్నారో తెలుసుకుని వారి కోసమే కదిలే కథ. ఈ రెండు సినిమాలు మహేష్ కి మంచి పేరు తెచ్చాయి. త్రివిక్రం పెన్ పవర్ కూడా ఈ రెండు సినిమాల్లో కనిపించింది.

గుంటూరు కారం పక్కా మాస్ సినిమా.. ఇది కేవలం ఫెస్టివల్ కోసం చేసిన సినిమా. అందుకే సినిమాకు ఆడియన్స్ బాగా కనెక్ట్ అయ్యారని అన్నారు నిర్మాత నాగ వంశీ. ఈ సినిమాకు పనికట్టుకుని కొందరు నెగిటివ్ టాక్ స్ప్రెడ్ చేశారని కానీ మహేష్ స్టామినా మరోసారి బాక్సాఫీస్ దగ్గర ప్రూవ్ చేసిందని అన్నారు. ఈ సినిమా మొదటి రోజు టాక్ చూసి తమకు కూడా కాస్త కంగారు అనిపించినా మహేష్ మాత్రం సినిమా రిజల్ట్ మీద చాలా కాన్ఫిడెంట్ గా ఉన్నారని అన్నారు.

సినిమా ఎలా ఉంది అన్నది చెప్పడం ఒక రివ్యూయర్ వ్యక్తి గత నిర్ణయమని అది సినిమా రిజల్ట్ మీద ఇంపాక్ట్ క్రియేట్ చేయదని నాగ వంశీ అంటున్నారు. మహేష్ గుంటూరు కారం సినిమాకు మొదటి రోజు దాదాపు సినిమాపై అంతా నెగిటివ్ టాకే వచ్చింది. అయితే టాక్ ఎలా ఉన్నా సినిమా చూసిన వాళ్లంతా కూడా మహేష్ బాబు వన్ మ్యాన్ షో అని హీరో గురించి స్పెషల్ గా చెప్పుకున్నారు. అదే సినిమాను ఇక్కడ దాకా తీసుకొచ్చింది. మహేష్ సినిమా యావరేజ్ టాక్ తోనే ఈ రేంజ్ కలెక్షన్స్ అంటే యునానిమస్ హిట్ టాక్ వస్తే సూపర్ స్టార్ ప్రభంజనం ఏ రేంజ్ లో ఉంటుందో అని ఫ్యాన్స్ ఆలోచిస్తున్నారు.