గుంటూరు కారం బాక్సాఫీస్.. సాలీడ్ గ్రాస్ కలెక్షన్స్

సూపర్ స్టార్ మహేష్ బాబు త్రివిక్రమ్ కాంబినేషన్లో వచ్చిన మూడవ సినిమా గుంటూరు కారం బాక్స్ ఆఫీస్ వద్ద మొదట్లోనే ఊహించిన స్థాయిలో మంచి ఓపెనింగ్స్ రాబట్టింది. విడుదలకు ముందే ట్రైలర్ ద్వారా అలాగే సాంగ్స్ ద్వారా ఈ సినిమా పాజిటివ్ వైబ్రేషన్స్ క్రియేట్ చేసుకుంది. ఇక విడుదల తర్వాత సినిమాకు బాక్సాఫీస్ వద్ద ఊహించని రెస్పాన్స్ అయితే అందింది.

ముఖ్యంగా పండగ రోజుల్లో మహేష్ బాబు తన స్టార్ హోదాతోనే సినిమాకు సాలిడ్ కలెక్షన్స్ తీసుకొచ్చాడు అని చెప్పాలి. ఇక ఈ సినిమాలో మదర్ ఎమోషన్ బాగా వర్కౌట్ అయింది. దీంతో ఫ్యామిలీ ఆడియన్స్ ఈ సినిమాకు క్యూ కట్టారు. మహేష్ బాబుకు ఫ్యామిలీ ఆడియన్స్ లో ఏ స్థాయిలో క్రేజీ ఉందో మరోసారి గుంటూరు కారం సినిమా రుజువు చేసింది.

ఈ సినిమాలోమహేష్ బాబు నటన ప్రధాన ఆకర్షణ గా నిలిచింది. గతంలో కంటే భిన్నంగా ఈ సినిమాలో కనిపించడంతో ఓ వర్గం ఫ్యాన్స్ ఫిదా అయ్యారు. ఇక త్రివిక్రమ్ మేకింగ్ విధానం కూడా ఈ సినిమాను ఫ్యామిలీ ప్రేక్షకులకు మరింత దగ్గర చేసింది. ఇక మొదటివారం ముగిసే సరికి ఈ సినిమా బాక్సాఫీస్ వద్ద 212 కోట్ల గ్రాస్ కలెక్షన్స్ సొంతం చేసుకుంది.

మహేష్ బాబు కెరీర్లో 200 కోట్లు కలెక్ట్ చేసిన సినిమాల్లో గుంటూరు కారం టాప్ లిస్టులో నిలిచింది. ఇప్పటికే కొన్ని ఏరియాలలో ఈ సినిమా డిస్ట్రిబ్యూటర్లకు మంచి లాభాలను అందిస్తోంది. దాదాపు 80% పెట్టిన పెట్టుబడి మొత్తం రికవరీ అయినట్లుగా తెలుస్తోంది. ఇక ఈ వారం కూడా సినిమా మంచి కలెక్షన్స్ అందుకునే అవకాశం ఉంది. గుంటూరు కారం సినిమాను హారిక హాసిని ప్రొడక్షన్స్ లో రాధాకృష్ణ నిర్మించారు.

శ్రీలీల మెయిన్ హీరోయిన్ గా నటించగా మీనాక్షి చౌదరి మరొక స్పెషల్ పాత్రలో కనిపించింది. ఇక ఈ సినిమాలో ప్రకాష్ రాజ్ రమ్యకృష్ణ కూడా ముఖ్యమైన పాత్రలలో కనిపించారు. ముఖ్యంగా మదర్ సెంటిమెంట్ బాగా హైలైట్ అయింది ఇక మహేష్ బాబు యాక్టింగ్ స్కిల్స్ మరోసారి ఈ సినిమాతో చాలా హైలెట్ గా నిలిచాయి. గతంలో మహేష్ బాబును త్రివిక్రమ్ అతడు ఖలేజా సినిమాలలో చాలా డిఫరెంట్ గా చూపించాడు. ఈసారి కూడా గుంటూరు కారంలో అదే తరహాలో మరొక విభిన్నమైన తరహాలో చూపించారు. ఇక ఈ సినిమా బాక్స్ ఆఫీస్ వద్ద మొత్తంగా ఏ స్థాయిలో లాభాలను అందిస్తుందో చూడాలి