గుంటూరు కారం సాంగ్.. త్రివిక్రమ్ గుద్ది పడేశాడు..

సూపర్ స్టార్ మహేష్ బాబు మాటల మాంత్రికుడు త్రివిక్రమ్ కలయికలో వస్తున్న మూడవ సినిమా గుంటూరు కారం సినిమాపై అంచనాల గట్టిగానే ఉన్నాయి. మొన్నటి వరకు ఈ సినిమాపై కొంత నెగిటివ్ వైబ్రేషన్స్ వచ్చినప్పటికీ ఇప్పుడు అప్డేట్స్ ద్వారా సినిమాపై మంచి బజ్ క్రియేట్ చేసే విధంగా చిత్ర యూనిట్ అడుగులు వేస్తోంది.

హారిక హాసిని ప్రొడక్షన్లో రూపొందుతున్న ఈ బిగ్ బడ్జెట్ మాస్ మసాలా యాక్షన్ మూవీ కంటెంట్ కు తగ్గట్టుగానే ప్రతి అప్డేట్స్ కూడా ఇవ్వబోతున్నట్లు అర్థమవుతుంది. ఇక ఎప్పుడు ఎప్పుడెప్పుడా అని ఎదురు చూస్తున్నా మొదటి సాంగ్ ను కూడా ఇటీవల విడుదల చేశారు. త్రివిక్రమ్ పుట్టినరోజు సందర్భంగా విడుదల చేసిన ధమ్ మసాలా అనే ఆ సాంగ్ మాస్ ఆడియన్స్ లో ఎంతగానో ఆకట్టుకుంటుంది.

చూస్తూ ఉంటే చాలా రోజులు హడావుడి చేసే అవకాశం కనిపిస్తుంది. అయితే థమన్ మ్యూజిక్ అందించిన ఈ పాటకు రామచోటయ్య శాస్త్రి లిరిక్స్ అందించారు. ఈ పాటలో త్రివిక్రమ్ హ్యాండ్ కూడా ఉన్నట్లు తెలుస్తోంది. సాధారణంగా త్రివిక్రమ్ తన ప్రతి సినిమాకు సంబంధించిన పాటలపై అయితే చాలా జాగ్రత్తలు తీసుకుంటాడు.

అవసరమైతే తనే కొన్ని పదాలను పాటల రచయితలకు ఇచ్చి దాని పైన పాట రాయమని చెబుతూ ఉంటాడు. ఇక ఇప్పుడు గుంటూరు కారం మొదటి సాంగ్ లో కూడా ఆయన కలం సహాయం కూడా ఉందట. సాంగ్ మధ్యలో వచ్చే .. ధమ్ మసాలా బిర్యానీ...ఎర్ర కారం అరకోడి.. నిమ్మసోడా ఫుల్ బీడీ.. గుద్దిపారేయ్ గుంటూర్ని!.. అనే ఈ లైన్స్ త్రివిక్రమ్ రచనలో నుంచే పుట్టినట్లుగా తెలుస్తోంది.

ఇక రామజోకే శాస్త్రి త్రివిక్రమ్ ఇచ్చిన ఆ లైన్స్ పాటకు పర్ఫెక్ట్ గా సరిపోయేలా సరి చేశారట. ఇక దానికి తగ్గట్టుగా మ్యూజిక్ డైరెక్టర్ థమన్ ట్యూన్స్ తో మరో లెవల్ కు తీసుకువెళ్లే ప్రయత్నం చేశాడు. మొదట ఈ పాటకు కొంతవరకు విభిన్నమైన టాక్ వచ్చినప్పటికీ ఆ తర్వాత మెల్లగా యూట్యూబ్ లో మాత్రం రికార్డులు క్రియేట్ చేసే విధంగా క్రేజ్ అయితే అందుకుంటోంది. మొత్తానికి మొదటి సాంగ్ మంచి రెస్పాన్స్ అందుతుంది. మరి ఇదే తరహాలో మిగతా సాంగ్స్ కూడా ఆకట్టుకుంటాయా లేదో చూడాలి.