గుంటూరు కారం గాసిప్స్.. నిర్మాత మరో స్టన్నింగ్ ఆన్సర్

సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో తెరకెక్కుతోన్న మూవీ గుంటూరు కారం. సంక్రాంతి బరిలో ఈ సినిమాని రిలీజ్ చేయడానికి సన్నాహాలు చేస్తున్నారు. జనవరి 12న రిలీజ్ కూడా ఎనౌన్స్ చేశేశారు. గుంటూరు కారం మూవీ తర్వాత మహేష్ నెక్స్ట్ సినిమా రావడానికి కనీసం రెండేళ్ళు అయిన పడుతుంది. ఈ కారణంగానే మూవీపై ఫ్యాన్స్ చాలా హోప్స్ పెట్టుకున్నారు.

త్రివిక్రమ్, మహేష్ గత సినిమాలైన అతడు, ఖలేజా బాక్సాఫీస్ దగ్గర ప్రభావం చూపించలేదు. దాంతో కొంత టెన్షన్ ఉన్న కూడా సూపర్ స్టార్ మహేష్ స్టొరీ సెలక్షన్ మీద చాలా నమ్మకంగా ఉన్నారు. శ్రీలీల, మీనాక్షి చౌదరి ఈ చిత్రంలో హీరోయిన్స్ గా నటిస్తున్నారు. ఇదిలా ఉంటే ఈ సినిమాకి సంబందించిన రెండు సాంగ్స్ ని ఇప్పటికే రిలీజ్ చేశారు.

వీటికి మిశ్రమ స్పందన వస్తోంది. ఇంకా మూవీ షూటింగ్ పూర్తి కాలేదని, చాలా వర్క్ పెండింగ్ లో ఉందనే ప్రచారం జరుగుతోంది. సంక్రాంతికి గుంటూరు కారం రిలీజ్ కావడం కష్టమే అనే మాట కూడా వినిపిస్తోంది. అయితే ఈ ప్రచారానికి నిర్మాత నాగ వంశీ ఫుల్ స్టాప్ పెట్టారు. ఇప్పటికే గుంటూరు కారం సినిమా సాంగ్స్ పై జరుగుతోన్న నెగిటివ్ ట్రోల్స్ కి నాగవంశీ సమాధానం చెప్పారు.

ఇప్పుడు మూవీ షూటింగ్, రిలీజ్ పై జరుగుతోన్న ప్రచారాన్ని ఖండించారు. సినిమా షూటింగ్ కి సంబందించిన ఒక సాంగ్ మాత్రమే ఉందని, అది కూడా డిసెంబర్ 21 నాటికి కంప్లీట్ అయిపోతుందని స్పష్టం చేశాడు. దర్శకుడు, సంగీత దర్శకుడి మధ్య సాంగ్స్, బీజీఎం విషయంలో క్లాస్ వచ్చిందనే ప్రచారం తెరపైకి వచ్చింది. అలాగే మాస్ సాంగ్ మీద మహేష్ అసంతృప్తిగా ఉన్నారంటూ సోషల్ మీడియాలో ప్రచారం చేశారు.

మహేష్ బాబు కొన్ని సన్నివేశాలు రీవర్క్ చేయమని చెప్పాడంటూ కూడా కొంతమంది గాసిప్స్ ని వండివార్చారు. వీటన్నింటికి నాగవంశీ క్లారిటీ ఇచ్చారు. తామేమీ మాట్లాడనంత మాత్రాన ప్రచారం జరుగుతున్నవన్ని నిజం అయిపోవు. ఫ్యాన్స్ ఎవరూ కంగారు పడొద్దు. వాటిలో ఎలాంటి వాస్తవం లేదు అని నాగవంశీ క్లారిటీ ఇచ్చారు.