'హాయ్ నాన్న'.. ఆ సినిమాతో పోలికలా?

నేచురల్ స్టార్ నాని నటించిన 'హాయ్​ నాన్న' మూవీ నుంచి ఇటీవలే అఫీషియల్​ టీజర్​ రిలీజై ఎమోషనల్​గా తాకింది. సోషల్​ మీడియాలో ట్రెండ్ కూడా అయింది. అయితే ఈ చిత్రం ఇప్పుడు రీమేక్​ అంటూ ఓ కొత్త ప్రచారం తెరపైకి వచ్చింది.

వివరాళ్లోకి వెళితే.. హాయ్ నాన్న టీజర్​ను మెయిన్ క్యారెక్టర్స్​ మధ్య రిలేషన్​షిప్​ను చూపిస్తూ కట్​ చేశారు. నాని -మృణాల్, ఇంటెన్స్​ ఆన్​ స్క్రీన్ కెమిస్ట్రీ, ముద్దు సన్నివేశాలు, అలాగే నాని - కియారా ఖన్నా మధ్య ఫాదర్ అండ్ డాటర్​ ఎమోషనల్​ బాండింగ్ సన్నివేశాలు హైలైట్​గా నిలిచాయి.

అయితే ఈ టీజర్​ రిలీజయ్యాక.. తమిళ మీడియాలోని ఓ వర్గం కొత్త ప్రచారాన్ని తెరపైకి తీసుకువచ్చింది. తమిళ కామెడీ డ్రామా 'దాదా' సినిమాకు ఇది అన్ అఫీషియల్​ రీమేక్​ అంటూ రూమర్స్​ను స్ర్పెడ్​ చేస్తోంది. 'హాయ్​ నాన్న' - 'దాదా' పోస్టర్ల మధ్య ఉన్న సిమిలారిటీస్​ను హైలైట్​ చేస్తూ వాటిని సోషల్​ మీడియాలో షేర్ చేస్తోంది.

దీంతో సోషల్ మీడియాలో జోరుగా చక్కర్లుగా కొడుతున్న ఈ ప్రచారం నిజం కాదని నిరూపించడం ఇప్పుడు హాయ్​ నాన్న మూవీటీమ్​కు ఓ ఛాలెంజ్​ లాంటిదనే చెప్పాలి. ఎందుకంటే ఇప్పటివరకు మేకర్స్​​.. ఈ సినిమా తమ సొంత ఒరిజినల్ కథే అనేలా అప్డేట్స్​ను ఇస్తూ వస్తున్నారు. రీమేక్​ అంటూ ఎక్కడా మాట్లాడలేదు.

ఏదేమైనా ఎటువంటి కన్ఫర్​మేషనల్​ లేకుండానే తమిళ మీడియా ఇదంతా చేస్తుందని తెలుస్తోంది! కేవలం రెండు పోస్టరను కంపేర్​ చేసి అవి ఒకేలా ఉండటం వల్ల.. రెండు సినిమాల కథలు ఒకటేనని చెప్పలేం. చూడాలి మరి దీనిపై ఓ క్లారిటీ రావాలంటే సినిమా వచ్చే వరకు వేచి ఉండాల్సిందే, లేదంటే మూవీటీమ్​ అయినా స్పందించాలి...

ఈ చిత్రానికి శౌర్యువ్‌ దర్శకత్వం వహిస్తున్నారు. హేషమ్‌ అబ్దుల్‌ వహబ్‌ సంగీతమందిస్తున్నారు. సాను జాన్‌ వర్గిస్‌ ఛాయాగ్రాహకుడిగా వ్యవహరిస్తున్నారు. డిసెంబర్ 7న సినిమా తెలుగు, హిందీ, తమిళ, కన్నడ, మలయాళ భాషల్లో విడుదల చేయనున్నారు.