'హనుమాన్' ఆశలన్నీ ఆ రెంటిపైనే...!
ఈ సినిమా హిందీ వర్షన్ కచ్చితంగా భారీ ఎత్తున వసూళ్లు చేస్తుందనే నమ్మకం ను వారు కలిగి ఉన్నారు.
By: Tupaki Desk | 9 Jan 2024 5:30 PM GMT
ఎవరు ఔనన్నా.. ఎవరు కాదన్నా సంక్రాంతికి రాబోతున్న సినిమాల్లో హనుమాన్ కి అత్యల్పంగా స్క్రీన్స్ దక్కబోతున్నాయి. పెద్ద హీరోల సినిమాలు విడుదల అవుతున్న నేపథ్యంలో ఇలాంటి పరిస్థితి తప్పదు అని కొందరు అభిప్రాయం వ్యక్తం చేస్తున్నారు.
హనుమాన్ సినిమాను వాయిదా వేసుకోవాలని కొందరు ఒత్తిడి తెచ్చే ప్రయత్నాలు చేశారని యూనిట్‌ సభ్యులు వ్యాఖ్యలు చేసిన విషయం తెల్సిందే. అయితే హనుమాన్ మేకర్స్ మాత్రం రెండు విషయాలపై నమ్మకం పెట్టి సంక్రాంతికి సినిమాను విడుదల చేయాలనే నిర్ణయానికి వచ్చినట్లు సమాచారం అందుతోంది.
హనుమాన్ మేకర్స్ మెయిన్‌ గా ఉత్తరాది వసూళ్ల పై ఎక్కువ ఆశలు పెట్టుకుని ఉన్నారు. ఈ సినిమా హిందీ వర్షన్ కచ్చితంగా భారీ ఎత్తున వసూళ్లు చేస్తుందనే నమ్మకం ను వారు కలిగి ఉన్నారు. హిందీ తో పాటు తమిళం, కన్నడం మరియు మలయాళ భాషల్లో కూడా హనుమాన్ మినిమం వసూళ్లు సాధిస్తుందని వారు నమ్మకంతో ఉన్నారు.
ఇక సినిమాకు పాజిటివ్ టాక్ వస్తే తప్పకుండా తెలుగు రాష్ట్రాల్లో కూడా రెండో వారం నుంచి భారీ వసూళ్లు నమోదు చేసే అవకాశాలు ఉన్నాయి. ఆ ఆశతోనే ఇంత పోటీకి ప్రేక్షకుల ముందుకు హనుమాన్ ను మేకర్స్ తీసుకు వచ్చేందుకు సిద్ధం అయ్యారని తెలుస్తోంది.
కార్తికేయ 2 సినిమా తో పాటు హిందీలో మన సినిమాలు మంచి విజయాలను సొంతం చేసుకున్నాయి. కనుక హనుమంతుడి కాన్సెప్ట్‌ తో రూపొందిన ఈ సినిమా ను కూడా హిందీ ప్రేక్షకులు ఆధరిస్తారనే నమ్మకాన్ని సినీ విశ్లేషకులు కూడా వ్యక్తం చేస్తున్నారు. అందుకే పోటీ అనేది చూడకుండా హనుమాన్ సంక్రాంతికే దూకేయనున్నాడు.
