హనుమాన్.. సూపర్ హీరో రేంజ్ లో..

యువ దర్శకుడు ప్రశాంత్ వర్మ దర్శకత్వంలో రూపొందుతున్న హనుమాన్ సినిమా ఇండస్ట్రీలో ఇప్పటికే హాట్ టాపిక్ గా మారిపోయింది. ఎప్పుడో విడుదల కావాల్సిన ఈ సినిమా సంక్రాంతిని టార్గెట్ చేసి విడుదలకు సిద్ధమవుతోంది. పోటీ గట్టిగానే ఉన్నప్పటికీ పొంగల్ బరిలో ఏ మాత్రం వెనుకడుగు వేయకూడదు అని అనుకుంటుంది. ఈ సినిమాలో కథానాయకుడిగా తేజ సజ్జా నటించాడు.

ఇక ఇప్పటికే ఫస్ట్ లుక్ టీజర్ తో కూడా అంచనాలు పెంచేశారు. అయితే ఈ సినిమాపై హైప్ క్రియేట్ చేసే విధంగా అప్డేట్స్ అయితే విడుదల చేస్తూ ఉన్నారు. ఇక సినిమాలోని ఒక ప్రత్యేకమైన పాటను కూడా విడుదల చేశారు. నేడు చిల్డ్రన్స్ డే సందర్భంగా సూపర్ హీరో తరహాలో హనుమాన్ ను ప్రజెంట్ చేస్తూ మర్వెల్ హీరోలకు ధీటుగా ఉండే హనుమాన్ అంతకంటే గొప్పవాడు అన్నట్లు హైలెట్ చేశారు.

పిల్లలను టార్గెట్ చేసి విధంగా ఈ పాటను కంపోజ్ చేసినట్లుగా తెలుస్తోంది. నవల కాన్సెప్ట్‌లతో ఒరిజినల్ సినిమాలు తీయడమే కాకుండా ప్రమోషన్స్‌లోనూ తనదైన ప్రత్యేకతను చాటుకుంటున్నాడు ప్రశాంత్ వర్మ. వాస్తవానికి, టీజర్ మరియు హనుమాన్ చాలీసా పాటకు మంచి స్పందన రావడంతో బజ్ తగ్గకుండా జాగ్రత్తగా అడుగులు వేస్తున్నారు.

ఇక సూపర్ హీరో హనుమాన్ పాట చూసిన తర్వాత అందరికీ ఇదే విషయంపై క్లారిటీ వస్తుంది. సూపర్‌హీరో హనుమాన్ ఫన్నీ, అదే సమయంలో సాహసోపేతుడు అనేలా హైలెట్ చేశారు. ఇక అనుదీప్ దేవ్ స్వరపరిచిన ఈ పాటను వాగ్దేవి, ప్రకృతి, మయుక్ అద్భుతంగా పాడారు. కృష్ణకాంత్ రాసిన సాహిత్యం కూడా బావుంది. విజువల్స్‌తో పాటు హాస్య కథనం పిల్లలను ఎక్కువగా ఆకట్టుకునేలా ఉంది.

ప్రైమ్‌షో ఎంటర్‌టైన్‌మెంట్‌పై కె నిరంజన్ రెడ్డి ప్రతిష్టాత్మకంగా ఈ చిత్రాన్ని నిర్మిస్తుండగా, శ్రీమతి చైతన్య సమర్పిస్తున్నారు. ఈ చిత్రంలో తేజ సజ్జ సరసన అమృత అయ్యర్ కథానాయికగా నటిస్తుండగా, వినయ్ రాయ్ విలన్‌గా, వరలక్ష్మి శరత్‌కుమార్ కీలక పాత్రలో కనిపించనున్నారు. ప్రశాంత్ వర్మ సినిమాటిక్ యూనివర్స్ నుండి వచ్చిన మొదటి సినిమా హను-మాన్. ఈ సినిమా కాన్సెప్ట్ యూనివర్సల్‌గా ఉండటంతో ప్రపంచవ్యాప్తంగా మంచి విజయం సాధించే అవకాశం ఉంది. హనుమాన్ 2024 జనవరి 12న తెలుగు, హిందీ, మరాఠీ, తమిళం, కన్నడ, మలయాళం, ఇంగ్లీష్, స్పానిష్, కొరియన్, చైనీస్ మరియు జపనీస్‌తో సహా పలు భారతీయ భాషల్లో పాన్ వరల్డ్‌ రేంజ్ లో విడుదల కానుంది.