హనుమాన్ కోసం.. ఎంత హార్డ్ వర్క్ చేశారంటే..

ప్రశాంత్ వర్మ దర్శకత్వంలో తేజా సజ్జా హీరోగా తెరకెక్కి ప్రేక్షకుల ముందుకొచ్చిన హనుమాన్ ఎంత పెద్ద హిట్ అయ్యిందో అందరికి తెలిసిందే. ఈ మూవీ ఇప్పటికి సాలిడ్ కలెక్షన్స్ తో దూసుకుపోతోంది. 4 రోజుల్లోనే ప్రపంచ వ్యాప్తంగా వంద కోట్ల గ్రాస్ కలెక్షన్స్ ని సాధించి రికార్డ్ సృష్టించింది. ఇప్పటికి సాలిడ్ కలెక్షన్స్ తో మూవీ దూసుకుపోతోంది.

తెలుగులో పాటు హిందీ భాషలో మంచి వసూళ్ళని సొంతం చేసుకుంటుంది. ఫస్ట్ తెలుగు సూపర్ హీరో మూవీగా ఈ చిత్రాన్ని ప్రశాంత్ వర్మ ఆవిష్కరించారు. 1980లో సీనియర్ ఎన్టీఆర్ తెలుగులో మొట్టమొదటి సూపర్ హీరో మూవీ చేశారు. సూపర్ మెన్ టైటిల్ తో ఈ మూవీ వచ్చిన డిజాస్టర్ అయ్యింది. అందులో కూడా కోర్ పాయింట్ హనుమాన్ కావడం విశేషం.

మరల ఇన్నేళ్ళ తర్వాత హనుమాన్ టైటిల్ తోనే సూపర్ హీరో మూవీ రావడం ఇప్పుడు బ్లాక్ బస్టర్ హిట్ కావడం గమనార్హం. ప్రశాంత్ వర్మ సినిమాటిక్ యూనివర్స్ లో భాగంగా వచ్చిన మొదటి సూపర్ హీరో మూవీ ఇది. దీని తర్వాత మరో 11 సూపర్ హీరో చిత్రాలు చేయనున్నట్లు ఇప్పటికే ప్రకటించాడు. ఇదిలా ఉంటే ఈ మూవీ మేకింగ్ వీడియో ఇప్పుడు సోషల్ మీడియాలో వైరల్ అవుతోంది.

ప్రశాంత్ వర్మ గ్రీన్ మ్యాట్ స్టూడియోలో తేజా సజ్జా పై చిత్రీకరించిన సన్నివేశాలతో మేకింగ్ ట్రెండ్ అవుతోంది. షూటింగ్ సందర్భంగా ఓ న్యూస్ యాప్ కి స్టూడియో నుంచి ప్రత్యేకంగా ప్రశాంత్ వర్మ ఇంటర్వ్యూ ఇచ్చారు. ఆ వీడియోని ఇప్పుడు రిలీజ్ చేశారు. మూవీ హిట్ కావడంతో వీడియో కాస్తా ట్రెండ్ అవుతోంది.

ఇందులో మూవీ ఆలోచన ఎలా వచ్చింది. ఎలాంటి రిఫరెన్స్ తో హనుమాన్ సినిమా చేసింది ప్రశాంత్ వర్మ పంచుకున్నారు. అలాగే మేకింగ్ విజువల్స్ ని కూడా ఆ ఇంటర్వ్యూలో పంచుకున్నారు. షూటింగ్ సమయంలోనే ఈ ఇంటర్వ్యూ చేసిన మూవీ రిలీజ్ తర్వాత మూవీ మేకింగ్ ఇంటర్వ్యూని ప్రేక్షకుల ముందుకి తీసుకురావడంతో ఆసక్తికరంగా మారింది. మరి ఈ మేకింగ్ వీడియో ఇంటర్వ్యూ ఏ స్థాయిలో వైరల్ అవుతుందనేది చూడలి.