పిక్ టాక్: హనుమాన్ భుజంపై గణనాథుడు

ప్రశాంత్ వర్మ సినిమాటిక్ యూనివర్స్ నుంచి రాబోతున్న మొట్టమొదటి సూపర్ హీరో మూవీ హనుమాన్. తేజ సజ్జా ఈ సినిమాలో టైటిల్ రోల్ పోషిస్తున్నారు. ఇండియన్ సూపర్ హీరో అనే అనే బ్రాండ్ గా పాన్ ఇండియా మూవీగా ఈ చిత్రాన్ని ప్రేక్షకుల ముందుకి తీసుకొచ్చే ప్రయత్నం చేస్తున్నారు. భారతీయ ఇతిహాసాల ప్రకారం ఈ ప్రపంచం మొట్టమొదటి సూపర్ హీరో హనుమంతుడు.

అతనినే ఈ చిత్రంలో సూపర్ హీరోగా ఆవిష్కరించే ప్రయత్నం చేస్తున్నారు. సోషియో ఫాంటసీ గా ఈ హనుమాన్ మూవీ తెరకెక్కుతోంది. వచ్చే ఏడాది సంక్రాంతికి ఈ సినిమా రిలీజ్ కానుంది. తేజ సజ్జా కెరియర్ లో బిగ్ బడ్జెట్ మూవీగా ఈ చిత్రం రాబోతోంది. ఇదిలా ఉంటే ఈ సినిమా నుంచి వినాయక చవితి సందర్భంగా చిత్ర యూనిట్ అదిరిపోయే పోస్టర్ ని రిలీజ్ చేసింది.

హనుమాన్ క్యారెక్టర్ చేస్తోన్న తేజ సజ్జా వినాయకుడిని తన భుజాలపై మోస్తున్నట్లు పోస్టర్ డిజైన్ చేసి విషెష్ చెప్పారు. ఈ పోస్టర్ ప్రస్తుతం సోషల్ మీడియాలో వైరల్ అవుతోంది. అంజనాద్రి అనే ఫిక్షనల్ విలేజ్ బ్యాక్ డ్రాప్ లో ఈ మూవీ కథ నడుస్తుందని తెలుస్తోంది. వరలక్ష్మి శరత్ కుమార్ మూవీలో కీలక పాత్రలో నటించారు. అయితే ఆమె పాత్ర ఏంటి అనేది ట్ తెలియాల్సి ఉంది.

గతంలో హనుమాన్ నుంచి వచ్చిన టీజర్ ప్రేక్షకులకి బాగా కనెక్ట్ అయ్యింది. ఇప్పటికే షూటింగ్ కంప్లీట్ చేసుకున్న ఈ చిత్రం విజువల్ ఎఫెక్ట్స్ వర్క్ జరుగుతోంది. ప్రైమ్ షో ఎంటర్టైన్మెంట్ బ్యానర్ పైన కె నిరంజన్ రెడ్డి ఈ చిత్రాన్ని నిర్మిస్తున్నారు. తెలుగులో సినిమాటిక్ యూనివర్స్ నుంచి సూపర్ హీరోల చిత్రాల పరంపరలో మొదటి మూవీగా వస్తోన్న ఈ సినిమా ఎలాంటి రిజల్ట్ ఇస్తుందనేది చూడాలి.

ప్రశాంత్ వర్మ కూడా ఈ సినిమాని విజువల్ వండర్ గా సిల్వర్ స్క్రీన్ పై ఆవిష్కరించి పాన్ ఇండియా డైరెక్టర్ గా బ్రాండ్ సొంతం చేసుకోవాలని ప్రయత్నం చేస్తున్నారు. మరి అతని సూపర్ హీరో చిత్రాల జర్నీకి హనుమాన్ ఎలాంటి ఆరంభం అవుతుందనేది తెలియాలంటే వేచి చూడాల్సిందే.