పోటీగా వచ్చే సినిమాకు మాట సాయం

టాలెంటెడ్ డైరెక్టర్ ప్రశాంత్ వర్మ దర్శకత్వంలో తేజ సజ్జ లీడ్ రోల్ లో వస్తున్న సినిమా హనుమాన్. ఫస్ట్ ఇండియన్ సూపర్ హీరో మూవీ అని చెబుతూ వస్తున్న ఈ సినిమా ట్రైలర్ ఆడియన్స్ లో క్యూరియాసిటీని పెంచింది. ఫిక్షనల్ స్టోరీగా వస్తున్న హనుమాన్ సినిమాలో లార్డ్ హనుమాన్ గురించి కూడా చూపించబోతున్నారని తెలుస్తుంది. సంక్రాంతి బరిలో డిఫరెంట్ మూవీగా వస్తున్న ఈ సినిమాపై మేకర్స్ మాత్రం చాలా కాన్ఫిడెంట్ గా ఉన్నారు.

ఇక ఇదిలా ఉంటే ఈ సినిమా కోసం మాస్ మహరాజ్ రవితేజ కోటి పాత్రకు వాయిస్ ఓవర్ అందించారు. ప్రతిభ ఎక్కడ ఉన్నా ఎంకరేజ్ చేసే మాస్ రాజా ప్రశాంత్ నీల్ అండ్ టీం చేస్తున్న ఈ ప్రయత్నాన్ని మెచ్చి తన సపోర్ట్ అందిస్తున్నారు. రవితేజ సినిమాల్లో పాత్రలకు వాయిస్ ఓవర్ ఇవ్వడం కొత్తేమి కాదు కానీ రవితేజ స్పెషల్ గా మాట్లాడటం రాని వస్తువులకు వాయిస్ ఓవర్ ఇస్తుంటాడు.

రాజమౌళి తీసిన మర్యాద రామన్న సినిమాలో సైకిల్ కి వాయిస్ ఓవర్ అందించారు రవితేజ. ప్రశాంత్ వర్మ మొదటి సినిమా అ! లో కూడా ఒక ప్లాంట్ కి వాయిస్ ఓవర్ అందించారు. ఇలా తన దాకా వచ్చి అడిగిన ప్రతి చిన్న సినిమాకు తన సపోర్ట్ అందిస్తూ వచ్చారు రవితేజ. ఇక ఇప్పుడు మాస్ రాజా హనుమాన్ సినిమాకు ప్లస్ అవనున్నారు. కచ్చితంగా రవితేజ వాయిస్ ఈ సినిమాకు చాలా హెల్ప్ అవుతుందని చెప్పొచ్చు.

ప్రశాంత్ వర్మ తన మొదటి సినిమా అ! నుంచి ఎంచుకున్న కథ తను రాసే స్క్రీన్ ప్లే తో అందరినీ మెప్పించాడు. ఇప్పుడు హనుమాన్ సినిమాతో కూడా అతని టాలెంట్ చూపిస్తాడని ఆడియన్స్ నమ్ముతున్నారు. సంక్రాంతి బరిలో చాలా సినిమాలు ఉన్నా కంటెంట్ మీద ఉన్న నమ్మకంతో మేము కూడా వస్తామని హనుమాన్ టీం చెబుతుంది. మరి పెద్ద సినిమాల మధ్య హనుమాన్ తన సత్తా చాటుతాడా లేదా అన్నది చూడాలి. ఈ సంక్రాంతికి రవితేజ ఈగల్ కూడా వస్తుంది. అంటే ఈసారి పొంగల్ కి రవితేజ రెండు సినిమాలతో అలరిస్తారని చెప్పొచ్చు. హనుమాన్ హంగామా ఏ రేంజ్ లో ఉంటుందో చూడాలని ప్రశాంత్ వర్మ ఫాలోవర్స్ ఈగర్ గా వెయిట్ చేస్తున్నారు.