'హనుమాన్' సీక్వెల్.. ఆ పాత్రకి ఆ హీరోనే పర్ఫెక్ట్?

యంగ్ టాలెంటెడ్ డైరెక్టర్ ప్రశాంత్ వర్మ దర్శకత్వంలో తేజా సజ్జ హీరోగా నటించిన 'హనుమాన్' ప్రస్తుతం బాక్సాఫీస్ వద్ద ప్రభంజనం సృష్టిస్తుంది. ఇండియన్ సూపర్ కాన్సెప్ట్ తో తెరకెక్కిన ఈ మూవీకి ఆడియన్స్ బ్రహ్మరధం పడుతున్నారు. ప్రశాంత్ వర్మ టేకింగ్కి, తేజ సజ్జ యాక్టింగ్కి ప్రతీ ఒక్కరూ మెస్మరైజ్ అయిపోతున్నారు. దీంతో థియేటర్స్ అంతా జై హనుమాన్, జై శ్రీరామ్ నినాదాలతో మార్మోగిపోతున్నాయి.

'మనిషికి సంకల్పబలం ఉంటే విశ్వంలో ఉన్న అన్ని శక్తులు ఏకమై అతన్ని విజయతీరాలకు చేరుస్తాయి' అనే మాటకి ప్రత్యక్ష నిదర్శనంగా దర్శకుడు ప్రశాంత్ వర్మ హనుమాన్ సినిమాని తీర్చిదిద్దిన విధానం ప్రేక్షకులను మంత్రముగ్ధుల్ని చేసింది. ఇక నార్త్ ఆడియన్స్ నుంచి ఈ సినిమాకి విపరీతమైన ఆదరణ లభిస్తుంది. సినిమా చివర్లో 'హనుమాన్'సీక్వెల్ పై ఒక్కసారిగా ఆసక్తి పెంచేశారు. ఎండ్ టైటిల్స్ లో వచ్చే ఓ షాట్ సీక్వెల్ ఫై అంచనాలను భారీగా పెంచేసింది.

ఆ షాట్ లో హనుమాన్ శ్రీరాముడికి ఒక మాట ఇచ్చినట్టుగా చూపించారు. ఆ మాట ఏంటి? అనేది ఇప్పుడు మిలియన్ డాలర్ల ప్రశ్న. ఇక అసలు విషయం ఏంటంటే.. హనుమాన్ సినిమాని చూసిన అడియన్స్ సీక్వెల్ లో లార్డ్ హనుమాన్ పాత్రలో ఎవరు నటిస్తే బాగుంటుంది? అనే విషయాన్ని డిస్కస్ చేసుకుంటున్నారు. ఈ డిస్కషన్ లో ఎక్కువమంది లార్డ్ హనుమాన్ పాత్రకు మెగాస్టార్ చిరంజీవి సరైన ఎంపిక అని భావించారు.

ఈ క్రమంలోనే మెగా ఫ్యాన్స్ తో పాటు సోషల్ మీడియాలో నెటిజన్స్ సైతం హనుమాన్ సీక్వెల్లో లార్డ్ హనుమాన్ పాత్రలో నటించమని రిక్వెస్ట్ చేస్తున్నారు. చిరంజీవి స్వయంగా ఆంజనేయస్వామి భక్తుడనే విషయం అందరికీ తెలిసిందే. ఆ పాత్రలో మెగాస్టార్ ని చూడటం ప్రేక్షకులకు మరింత ఆనందాన్ని కలిగిస్తుందని చెప్పడంలో సందేహం లేదు.

అంతేకాదు హనుమంతుడి క్యారెక్టర్ లో చిరంజీవిలాగా ఇంపాక్ట్ క్రియేట్ చేసే హీరో టాలీవుడ్ మరెవ్వరూ లేరని చెప్పొచ్చు. మరి మెగా ఫ్యాన్స్ కోరికను ప్రశాంత్ వర్మ తీరుస్తాడేమో చూడాలి. కాగా హనుమాన్ సీక్వెల్ని 2025 లో రిలీజ్ చేస్తామని ఇప్పటికే మేకర్స్ అఫీషియల్ గా అనౌన్స్ చేసిన విషయం తెలిసిందే.