స్టైలిష్ హనుమాన్.. సౌండ్ షురూ..

టాలెంటెడ్ డైరెక్టర్ ప్రశాంత్ వర్మ దర్శకత్వంలో తేజ సజ్జా హీరోగా తెరకెక్కుతోన్న పాన్ ఇండియా సూపర్ హీరో మూవీ హనుమాన్. ఇండియన్ ఫస్ట్ సూపర్ హీరో హనుమంతుడి క్యారెక్టరైజేషన్ బేస్ చేసుకొని సోషియో ఫాంటసీ కథాంశంతో ఈ సినిమాని ప్రశాంత్ వర్మ సిల్వర్ స్క్రీన్ పై ఆవిష్కరించే ప్రయత్నం చేస్తున్నారు. తేజ సజ్జా ఈ చిత్రంలో హనుమాన్ పాత్రలో కనిపించబోతున్న సంగతి తెలిసిందే.

వరలక్ష్మి శరత్ కుమార్ కీలక పాత్రలో నటిస్తూ ఉండగా అమృత అయ్యర్ తేజకి జోడీగా కనిపించబోతోంది. సౌత్ లో స్టైలిష్ విలన్ గా దూసుకుపోతోన్న వినయ్ రాయ్ ఈ చిత్రంలో ప్రతినాయకుడిగా కనిపించబోతున్నాడు. అసలు ఈ కథ ఎలా ఉండబోతోందో తెలియదు కాని కచ్చితంగా విజువల్ ఎఫెక్ట్స్ మాత్రం గ్రాండియర్ గా ఉండే అవకాశం ఉందని తెలుస్తోంది.

ప్రైమ్ షో ఎంటర్టైన్మెంట్ బ్యానర్ లో కె నిరంజన్ రెడ్డి ఈ చిత్రాన్ని భారీ బడ్జెట్ తో నిర్మిస్తోన్నారు. జనవరి 12న ప్రపంచ వ్యాప్తంగా ఈ సినిమా రిలీజ్ కానుంది. సంక్రాంతి రేసులో పోటీ పడుతున్న సినిమాలో హనుమాన్ పై ఎక్స్ పెక్టేషన్స్ ఎక్కువగానే ఉన్నాయి. తాజాగా ఈ సినిమా నుంచి దీపావళి విషెస్ పోస్టర్ తో పాటు ఫస్ట్ సింగిల్ ఎనౌన్స్ మెంట్ కూడా వచ్చింది. ఈ పోస్టర్ లో తేజ సజ్జా నోట్లో టపాసు పెట్టుకొని భుజం మీద కోతితో చేతులు కట్టుకొని స్టైలిష్ గా ఉన్నాడు.

సూపర్ హీరో హనుమాన్ అంటూ సాగే ఫస్ట్ సాంగ్ ని చిల్డ్రన్స్ డే సందర్భంగా నవంబర్ 14న రిలీజ్ చేయనున్నట్లు పోస్టర్ లో ప్రకటించారు. ఈ పోస్టర్ లుక్ కూడా సాంగ్ లో భాగంగా తీసినట్లే ఉంది. చుట్టూ డిఫరెంట్ గెటప్స్ లో డాన్సర్స్ ఉన్నారు. మరి ఈ సాంగ్ అయితే కచ్చితంగా పిల్లలని దృష్టిలో ఉంచుకొని డిజైన్ చేసినట్లు తెలుస్తోంది. అందుకే ప్రత్యేకంగా చిల్డ్రన్స్ డే ని ప్రశాంత్ వర్మ ఎంపిక చేసుకున్నారు.

తేజ సజ్జా మార్కెట్ కి మించి ఈ సినిమాపై ప్రశాంత్ వర్మ ఖర్చు పెడుతున్నారు. అలాగే హనుమాన్ హిట్ పడితే తరువాత వరుసగా ప్రశాంత్ వర్మ సినిమాటిక్ యూనివర్స్ నుంచి ఇండియన్ సూపర్ హీరోల సినిమాలని తీసుకురావాలనే ప్లానింగ్ లో ఉన్నారు. హనుమాన్ తర్వాత రాబోయే సెకండ్ సూపర్ హీరో మూవీకి కూడా ఇప్పటికే రంగం సిద్ధమైపోయింది.