హనుమాన్ ట్రైలర్.. పవర్ఫుల్ విజువల్ ట్రీట్

ప్రశాంత్ వర్మ డైరెక్ట్ చేస్తున్న హనుమాన్ సినిమా సంక్రాంతి పోటీలో నిలవబోతున్న విషయం తెలిసిందే. యంగ్ టాలెంటెడ్ హీరో తేజ సజ్జా హీరోగా రూపొందిన ఈ సినిమాకు సంబంధించిన ప్రతి అంశం కూడా ఎంతో కొంత పాజిటివ్ వైబ్రేషన్స్ అయితే క్రియేట్ చేస్తోంది. పాటలు అనుకున్నంత స్థాయిలో ఇంపాక్ట్ క్రియేట్ చేయలేక పోయినప్పటికీ సినిమా కంటెంట్ పై మాత్రం అంచనాలు గట్టిగానే ఉన్నాయి.

ఎందుకంటే ఇది వరకే టీజర్ తో దర్శకుడు ఆడియెన్స్ ను బాగా ఎట్రాక్ట్ చేశాడు. సినిమా ఎప్పుడో ఫినిష్ అయినప్పటికీ కూడా సంక్రాంతి సీజన్ లో టార్గెట్ చేసి మరియు విడుదల చేస్తున్నారు. తప్పకుండా ఆ సీజన్లో సినిమా మంచి కలెక్షన్స్ అందుకుంటుంది కానీ నమ్మకంతో ఉన్నారు. ఇక మొత్తానికి ఇప్పుడు హనుమాన్ అసలైన ఆయుధం ట్రైలర్ను విడుదల చేశారు.

తేజ సజ్జ క్యారెక్టర్ తో మొదలైన ట్రైలర్ సముద్రంలో విజువల్స్ తోనే బాగా అట్రాక్ట్ చేసింది. ఇక చాలా బలంగా ఉండే హనుమాన్ ప్రతి ఒక్కరికి ఎలా తోడుగా ఉన్నాడు అలాగే ఆ తర్వాత వచ్చే ఇబ్బందులను అతడు ఎదుర్కోవడానికి ఏ స్థాయిలో సిద్ధంగా ఉన్నాడు అని అంశాలను చూపించారు. ఇక పవర్ కోసం పరితపించే విలన్స్ ను హీరో గురించి తెలుసుకొని అతడి టార్గెట్ చేసినట్లుగా అనిపిస్తుంది.

పవర్ కోసం ఎంతవరకైనా వెళ్లే విలన్స్ ను హీరో ఎలా ఓడించాడు ఇక తర్వాత హనుమాన్ క్యారెక్టర్ కూడా ఏ విధంగా ఇందులో హైలెట్ కాబోతోంది అనే క్యూరియాసిటీని కూడా క్రియేట్ చేశారు. ట్రైలర్లు అయితే విజువల్స్ చాలా అద్భుతంగా ఉన్నాయి. ముఖ్యంగా లాస్ట్ లో రామ్ అనే బేస్ వాయిస్ తో ఉన్న సీన్ గూస్ బంప్స్ అనేలా ఉంది.

తక్కువ బడ్జెట్ లోనే దర్శకుడు విజువల్స్ తనదైన శైలిలో అట్రాక్ట్ చేయబోతున్నట్లుగా అనిపిస్తుంది. ఇక తేజ క్యారెక్టర్ అలాగే అతనికి సోదరిగా నటిస్తున్న వరలక్ష్మి శరత్ కుమార్ పాత్ర కూడా చాలా పవర్ ఫుల్ గా ఉండబోతున్నట్లుగా ట్రైలర్ లో చూపించారు. మొత్తానికి సినిమాలో గ్రాఫిక్స్ కూడా అద్భుతంగా ఉండబోతున్నట్లు కొన్ని షాట్స్ ద్వారానే క్లారిటీ ఇచ్చేశారు.

సినిమాలో ట్రైలర్ కు తగ్గ విజువల్స్ క్లిక్కయితే మాత్రం సంక్రాంతి పోటీల్లో హనుమాన్ మినిమం పోటీ ఇస్తుంది అని చెప్పవచ్చు. ఇక ఈ సినిమాకు హిందూ సెంటిమెంట్ కూడా తోడైతే కలెక్షన్స్ బాక్స్ ఆఫీస్ వద్ద ఒక రోజులో వస్తాయి అని కూడా చెప్పవచ్చు. ఇక హనుమాన్ సినిమా జనవరి 12వ తేదీన విడుదల కాబోతోంది. మరి ఈ సినిమా అంచనాలకు తగ్గట్టుగా సక్సెస్ అవుతుందో లేదో చూడాలి.