పాండ్యా ఫ్యాన్స్.. న‌టాషాపైనే ఎందుకు అంత‌ ద్వేషం?

కొన్ని వారాల ఊహాగానాల తర్వాత హార్థిక్ పాండ్యా - నటాసా స్టాంకోవిచ్ విడిపోయామ‌ని ధృవీకరించారు. పరస్పరం విడిపోవాలని క‌లిసి నిర్ణయించుకున్నామ‌ని సోషల్ మీడియాలో ఒక ప్రకటనను పోస్ట్ చేశారు. న‌టాషా, త‌న‌ కుమారుడు అగస్త్యతో ముంబై నుండి బయలుదేరిన కొన్ని గంటల తర్వాత బ్రేక‌ప్ ప్రకటనను విడుద‌ల చేసారు. నాలుగేళ్ల సంసారంలో మూడేళ్ల వ‌య‌సున్న కుమారుడు ఈ జంట‌కు ఉన్నారు.

అయితే విడిపోయిన వెంటనే, హార్దిక్ పాండ్యా అభిమానులు పెద్ద సంఖ్యలో నటాషాను ట్రోల్ చేశారు. మోడల్ కం న‌టి న‌టాషా తన ప్రకటన అనంత‌రం వ్యాఖ్యల విభాగాన్ని స్విచ్ ఆఫ్ చేసినప్పటికీ నెటిజన్లు X (ట్విట్టర్)లో వారి నిర్ణయాన్ని ప్రశ్నించారు. కొందరు నటాసా ఇతర ఇన్‌స్టాగ్రామ్ పోస్ట్‌లపై ద్వేషపూరిత వ్యాఖ్య‌లు చేసారు. ''ఇత్నే అచ్చే ఇన్సాన్ కో పెహచాన్ న్హీ పాయీ. (అతను ఎంత మంచివాడో ఆమెకు అర్థం కాలేదు) అని ఒక అభిమాని వ్యాఖ్యానించారు. 'అతడు మంచి అర్హుడు' అని మరొక రాసారు. ''మీరు దీన్ని కూడా అధిగమిస్తారని నేను ఆశిస్తున్నాను. శుభాకాంక్షలతో ముందుకు సాగండి'' అని మూడవ వ్యక్తి పాజిటివ్ గా స్పందించాడు. ''ఆమెను వదిలేయండి సార్ మీరు ఆమె కంటే మెరుగ్గా అర్హులు'' అని మరొకరు కామెంట్ చేసారు.

నిజానికి న‌టాషాపై ఎందుకు అంత ద్వేషం? అంటే పాండ్యాపై ఇష్టంతోనే ఫ్యాన్స్ ఈ కామెంట్లు చేసారు! తొలుత కొన్ని వారాల క్రితం ఇన్‌స్టాగ్రామ్‌లో న‌టాషా తన ఇంటిపేరు నుండి 'పాండ్యా'ను తొలగించినప్పుడు క్రికెట్ ఫ్యాన్స్ షాక్ అయ్యారు. అందుకే నటాషా తాజా ప్రకటనను బహిరంగపరచిన వెంటనే సోషల్ మీడియాలో ద్వేషం రెట్టింపైంది. దీనిని న‌మ్మ‌లేక‌పోతున్నామ‌ని చాలామంది అభిమానులు ఆవేద‌న చెందుతున్నారు. ''అత‌డు మంచి అమ్మాయిని కనుగొంటాడు'' అని వ్యాఖ్యానించాడు. అలాగే హార్థిక్ ఆస్తుల పంప‌కం గురించి కూడా బోలెడంత చ‌ర్చ సాగుతోంది.

న‌టాషా- హార్థిక్ బ్రేక‌ప్ ప్రకటన సారాంశం ఇలా ఉంది. ''4 సంవత్సరాల పాటు కలిసి ఉన్న తర్వాత హార్దిక్, నేను పరస్పరం విడిపోవాలని నిర్ణయించుకున్నాము. మేము కలిసి మా వంతు ప్రయత్నం చేసాము. మా అన్నింటినీ ఇచ్చాము.. ఇది మా ఇద్దరికీ మంచి ప్రయోజనం చేకూరుస్తుందని మేం నమ్ముతున్నాము. ఆనందాలు.. పరస్పర గౌరవం .. సాంగత్యం .. కుటుంబం ఎదిగే క్ర‌మంలో ఇది కఠినమైన నిర్ణయం'' అని రాసారు. విడిపోయినా క‌లిసి త‌మ కుమారుడికి స‌హ‌తండ్రులుగా కొన‌సాగుతామ‌ని కూడా ఈ ప్ర‌క‌ట‌న‌లో వెల్ల‌డించారు. త‌మ గోప్య‌త‌ను గౌర‌వించాల్సిందిగా కోరారు.

హార్దిక్ - నటాషా మొదట 2019 ప్రారంభంలో కలుసుకున్నారు. 1 జనవరి 2020న దుబాయ్‌లో రొమాంటిక్ యాచ్ ట్రిప్ సందర్భంగా హార్దిక్ -నటాషా నిశ్చితార్థం చేసుకున్నారు. వారి నిశ్చితార్థం జరిగిన కొద్దిసేపటికే ఈ జంట COVID-19 మహమ్మారి కారణంగా ఈవెంట్‌ను ప్రైవేట్‌గా ఉంచుతూ సింపుల్ వెడ్డింగ్ లో ఒక‌ట‌య్యారు. జూలై 2020లో హార్దిక్ - నటాసా తమ మొదటి బిడ్డ అగస్త్యను స్వాగతించారు.