మరోసారి బావకు అండగా మహేష్!

టాలీవుడ్ సూపర్ స్టార్ మహేష్ బాబు బావగా హీరో సుధీర్ బాబు సినీ ఇండస్ట్రీలోకి ఎంట్రీ ఇచ్చిన విషయం తెలిసిందే. ఎస్ ఎం ఎస్ సినిమాతో సిల్వర్ స్క్రీన్ పై తొలిసారిగా హీరోగా కనిపించిన సుధీర్ బాబు.. ఫస్ట్ మూవీతో ప్రత్యేక గుర్తింపు సంపాదించుకున్నారు. ఆ తర్వాత ఆయన చేసిన ప్రేమ కథా చిత్రం బాక్సాఫీస్ వద్ద సూపర్ హిట్ అయింది. హారర్ కామెడీ థ్రిల్లర్ గా వచ్చిన ఈ సినిమాతో మంచి హిట్ అందుకున్నారు సుధీర్ బాబు.

కానీ ఆ తర్వాత నైట్రో స్టార్.. టైమ్ బాగోలేదని చెప్పాలి. రకరకాల జోనర్లలో సినిమాలు చేస్తున్నా.. అంతగా ఆకట్టుకోలేకపోతున్నారు. తాజాగా హరోం హర సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. చిత్తూరు జిల్లా కుప్పంలోని 1989 నాటి పరిస్థితుల నేపథ్యంలో ఈ చిత్రాన్ని దర్శకుడు జ్ఞానసాగర్‌ ద్వారక తెరకెక్కిస్తున్నారు. మరికొద్ది రోజుల్లో హరోం హర మూవీ థియేటర్లలో విడుదల కానుంది.

అయితే విడుదల తేదీ దగ్గర పడడంతో హరోం హర మేకర్స్ జోరుగా ప్రమోషన్స్ ను నిర్వహిస్తున్నారు. ఇప్పటికే మేకర్స్ విడుదల చేసిన పోస్టర్స్, ప్రోమోలు సినిమాపై మంచి హైప్ క్రియేట్ చేశాయి. ఇటీవల సుధీర్ బాబు పుట్టినరోజు సందర్భంగా విడుదలైన మురుగన్ పాట మ్యూజిక్ లవర్స్‌ ను తెగ ఆకట్టుకుంది. మరో లవ్ సాంగ్ కూడా ప్రేక్షకులను విశేషంగా అట్రాక్ట్ చేసి యూట్యూబ్‌ లో కొన్నిరోజుల పాటు ట్రెండింగ్‌ లో నిలిచింది.

ఇప్పుడు హరోం హర మూవీ ట్రైలర్ ను హీరో మహేష్ బాబు లాంఛ్ చేయనున్నారు. ఇప్పటికే మహేష్.. తన బావకు పలు విధాలుగా సపోర్ట్ చేశారు. సుధీర్ బాబు నటించిన వివిధ సినిమాల ఈవెంట్స్ కు హాజరయ్యారు. మూవీపై బజ్ క్రియేట్ చేయడానికి కూడా ట్రై చేశారు. మరోవైపు, సుధీర్ బాబు కూడా హార్డ్ వర్క్ చేస్తున్నారు. రిజల్ట్ తో సంబంధం లేకుండా వరుస సినిమాల్లో నటిస్తున్నారు. కానీ సరైన హిట్ ను తన ఖాతాలో వేసుకోలేకపోతున్నారు.

దీంతో హరోం హర సినిమాతో మంచి హిట్ అందుకోవాలని పట్టుదలతో ఉన్నారు సుధీర్ బాబు. అందులో భాగంగా మరోసారి మహేష్ బాబును రంగంలోకి దింపుతున్నారు. మాళవిక శర్మ హీరోయిన్‌ గా నటిస్తున్న ఈ చిత్రంలో స్టార్ నటుడు సునీల్‌ కీలక పాత్ర పోషిస్తున్నారు. మొత్తానికి తనకు బాగా కలిసొచ్చిన జూన్ నెలలో హీరో సుధీర్ బాబు.. బాక్సాఫీస్ వద్ద హరోం హరతో ఎలాంటి హిట్ అందుకుంటారో వేచి చూడాలి.