హెబ్బా ఈజ్ బ్యాక్.. లిప్ లాక్ సీన్లలో స్టన్నింగ్

టాలీవుడ్ లో టాలెంటెడ్ హీరోయిన్లలో హెబ్బా పటేల్ ఒకరని చెప్పడానికి ఎలాంటి డౌట్ అక్కర్లేదు. కెరీర్ స్టార్టింగ్ లో వరుస హిట్లతో లక్కీ హీరోయిన్ గా పేరు తెచ్చుకున్న ఈ అమ్మడు.. అడపాదడపా సినిమాలు చేస్తోంది. వచ్చిన ఛాన్సులను వదులుకోకుండా మంచి పేరు సంపాదించేందుకు ట్రై చేస్తోంది. మళ్లీ తన కెరీర్‌ను గాడిన పడేసేందుకు తన వంతు ప్రయత్నం చేస్తోంది. స్పెషల్ సాంగ్స్, పాత్ర ప్రాధాన్యం ఉన్న చిత్రాల్లో నటిస్తోంది.

కన్నడలో కెరీర్ మొదలుపెట్టిన హెబ్బాకు.. బ్రేక్ వచ్చింది మాత్రం తెలుగులోనే. దర్శకుడు సుకుమార్ నిర్మించిన కుమారి 21 ఎఫ్ భారీ విజయం సాధించింది. ఈ మూవీ హెబ్బాకు భారీ ఇమేజ్ తెచ్చిపెట్టింది. మళ్లీ ఇప్పటి వరకు ఆమెకు కుమారి 21ఎఫ్ రేంజ్ హిట్ పడలేదు. అయినప్పటికీ వరుసగా సినిమాలు చేసికంటూ వెళుతోంది. ఆ మధ్య మెగా హీరో వరుణ్ తేజ్ మిస్టర్ మూవీలో కూడా ఒక డిఫరెంట్ రోల్ చేసింది.

ఇక ఆమె కెరీర్ సక్సెస్ ఫెయిల్యూర్ తో సంబంధం లేకుండా కొనసాగుతోంది. రొటీన్ గా కాకుండా డిఫరెంట్ గా తన ఇమేజ్ ను పెంచుకునే ప్రయత్నం చేస్తోంది. అలాగే స్పెషల్ సాంగ్స్ తో కూడా సర్ ప్రైజ్ ఇస్తోంది. రెడ్ మూవీలో ఐటెం సాంగ్ చేసిన హెబ్బాను ఫ్యాన్స్ షాకయ్యారు. అమ్మడు మొత్తానికి తనకంటూ స్పెషల్ ఫ్యాన్ బేస్ ను సంపాదించుకుంది.

ప్రస్తుతం హెబ్బా.. ఐదు సినిమాల్లో నటిస్తోంది. శాసనసభ మూవీలో ఐటెం సాంగ్ చేస్తోంది. తెలిసినవాళ్ళు టైటిల్ తో తెరకెక్కుతున్న మరో తెలుగు చిత్రంలో నటిస్తోంది. మరో రెండు తమిళ సినిమాలు ఆమె చేతిలో ఉన్నాయి. వీటితోపాటు 30 వెడ్స్ 21 సిరీస్ తో ఫేమస్ అయిన చైతన్యరావు సరసన హనీమూన్ ఎక్స్ ప్రెస్ లో హీరోయిన్ గా నటిస్తోంది.

అయితే ఈ మూవీ నుంచి మొదటి పాటను రిలీజ్ చేశారు మేకర్స్. నిజమా.. నిజమా.. ఇది కనులు కలగాలి సాధ్యమా.. అంటూ సాగే మెలోడీ సాంగ్ ను విడుదల చేశారు. ఈ పాటను కళ్యాణి మాలిక్ సంగీతంలో సింగర్ సునీతతో కలిసి ఆయన కూడా పాడారు. ఈ పాట మెలోడీగా ఉంటూనే రొమాంటిక్ గా ఉండి మ్యూజిక్ లవర్స్ ను తెగ ఆకట్టుకుంటోంది.

లిరికల్ సాంగ్ రిలీజ్ చేసినా ఇందులో చైతన్య, హెబ్బా మధ్య కొన్ని రొమాంటిక్ సన్నివేశాలను కూడా మేకర్స్ చూపించారు. హెబ్బా.. రొమాంటిక్ సీన్స్ లో సూపర్ గా నటించింది. లవ్ కెమిస్ట్రీతో అదరగొట్టేసింది. వాటిర్ ఫాల్ తోపాటు కాంప్ ఫైర్ వద్ద హీరోతో ముద్దు సీన్లలో ఘాటుగా నటించింది. తన ఎక్స్ ప్రెషన్స్ తో అట్రాక్ట్ చేస్తోందని నెటిజన్లు చెబుతున్నారు. హెబ్బా హీరోయిన్‌గా మరోసారి గ్లామర్ పంట పడించిందని అంటున్నారు. మరి ఈ సినిమాతో అమ్మడు ఎలాంటి ఫలితాన్ని అందుకుంటుందో చూడాలి.