బాలయ్య.. ఆ ఎపిసోడ్ లో కుమ్మేశాడు

నందమూరి బాలకృష్ణ హీరోగా అనిల్ రావిపూడి దర్శకత్వంలో తెరకెక్కి ప్రేక్షకుల ముందుకి వచ్చిన చిత్రం భగవంత్ కేసరి. భారీ బడ్జెట్ తో కమర్షియల్ యాక్షన్ ఎంటర్టైనర్ గా థియేటర్స్ లోకి వచ్చిన ఈ చిత్రానికి అద్భుతమైన స్పందన వస్తోంది. బాలయ్య మాస్ యాక్షన్ అనిల్ రావిపూడి ఫన్ జతకలిసి ఈ మూవీ నెక్స్ట్ మినిమం హిట్ అనే మాట వినిపిస్తోంది. ఈ చిత్రంతో బాలయ్య హ్యాట్రిక్ హిట్స్ ని తన ఖాతాలో వేసుకున్నాడని చెప్పొచ్చు.

అనిల్ రావిపూడికి కూడా భగవంత్ కేసరితో మరో హిట్ పడినట్లే. భగవంత్ కేసరి సందడి ఇప్పుడు సోషల్ మీడియాలో వైరల్ అవుతోంది. లియో సినిమాకి ఎవరేజ్ టాక్ రావడంతో ఇప్పుడు అందరి చూపు భగవంత్ కేసరి వైపే ఉంది. ఇదిలా ఉంటే ఈ చిత్రంలో ఆడియన్స్ అస్సలు ఎక్స్ పెక్ట్ చేయని విధంగా ఫ్లాష్ బ్యాక్ ఎపిసోడ్స్ ఉన్నాయనే టాక్ వినిపిస్తోంది.

ముఖ్యంగా ఫ్లాష్ బ్యాక్ సీన్స్ గురించి అనిల్ రావిపూడి ముందు నుంచి ఇంటరెస్టింగ్ ట్విస్ట్ ఉంటుందని చెప్పుకుంటూ వచ్చారు. ఆయన చెప్పినట్లే ఒక సీక్వెన్స్ లో బాలయ్య పోలీస్ గెటప్ లో కనిపించాడు. అది కూడా యాక్షన్ తో పాటుగా ఫుల్ కామెడీ టచ్ తో హైలెట్ అయ్యింది. ఈ సీక్వెన్స్ కి థియేటర్స్ లో ఫ్యాన్స్ నుంచి గట్టిగా విజిల్స్ పడుతున్నాయని తెలుస్తోంది.

బాలయ్య కేసీపీడీ సీక్వెన్స్ అంటూ ఫ్యాన్స్ వీటి గురించి ట్విట్టర్ లో షేర్ చేసుకుంటున్నారు. ఇప్పటి వరకు సీరియస్ గా మాస్, యాక్షన్ మూడ్ లోనే చూసిన ఆడియన్స్ కి మొదటిసారి మరో యాంగిల్ లో భగవంత్ కేసరి చిత్రంలో బాలయ్య కనిపించాడు. ఇకపై బాలయ్య సినిమాలని ఆడియన్స్ రిసీవ్ చేసుకునే విధానం కూడా అనిల్ రావిపూడి సృష్టించిన క్యారెక్రైజేషన్ తో మారిపోతుందని అంటున్నారు

అలాగే తెలంగాణ బ్యాక్ డ్రాప్ లో కూడా కమర్షియల్ యాక్షన్ ఎంటర్టైనర్ చిత్రాలు చేయొచ్చని అనిల్ రావిపూడి భగవంత్ కేసరితో చూపించాడు. దీనిని చాలా మంది ఫాలో అయ్యే అవకాశం ఉందని టాక్ వినిపిస్తోంది. మరి భగవంత్ కేసరి మానియా థియేటర్స్ లో ఎంత కాలం ఉంటుందో, ఏ స్థాయిలో కలెక్షన్స్ కొల్లగొడుతుందో అనేది చూడాలి.