'హీరో హీరోయిన్‌' లో హీరో హీరోయిన్‌ ఎవరంటే..!

ఈ ఏడాది ఆరంభంలో ప్రముఖ దర్శకుడు సురేష్ కృష్ణ దర్శకత్వంలో 'హీరో హీరోయిన్‌' అనే టైటిల్‌ తో ఒక సినిమా రూపొందబోతోంది అనే ప్రకటన వచ్చిన విషయం తెల్సిందే. ఆ ప్రకటన వచ్చి చాలా నెలలు అయ్యింది. ఈ మధ్య కాలంలో సినిమా గురించి ఎలాంటి వార్తలు రాకపోవడంతో అంతా కూడా అసలు సినిమా ఉందా లేదా అనే అనుమానాలు వ్యక్తం చేస్తున్నారు. ఇలాంటి సమయంలో హీరో హీరోయిన్‌ గురించిన అప్‌డేట్‌ రావడంతో అందరి దృష్టిని ఆకర్షించడం తో పాటు అందరిలో ఆసక్తి నెలకొంది.

ఇప్పటికే ఈ సినిమాలో హీరో పాత్రను తెలుగు యంగ్ అండ్‌ ట్యాలెంటెడ్‌ హీరో శ్రీ విష్ణు పోషిస్తున్నట్లు వార్తలు వచ్చాయి. దర్శకుడు సురేష్ కృష్ణ ఈ సినిమాను హిందీ మరియు తెలుగు లో భారీ ఎత్తున రూపొందించేందుకు ఏర్పాట్లు చేస్తున్నాడు. సినిమాకు సంబంధించిన ప్రీ ప్రొడక్షన్ వర్క్ దాదాపు పూర్తి అయ్యిందని, త్వరలోనే సినిమాను పట్టాలెక్కించబోతున్నట్టు తెలుస్తోంది. తాజాగా ఈ సినిమాలో హీరోయిన్‌ పాత్రకు గాను దివ్య ఖోస్లా కుమార్‌ ను ఎంపిక చేయడం జరిగిందని సమాచారం అందుతోంది.

శ్రీ విష్ణు ఈ మధ్య కాలంలో విమర్శకుల ప్రశంసలు అందుకుంటూ మంచి కాన్సెప్ట్‌ ఓరియంటెడ్‌ సినిమాలతో ప్రేక్షకుల ముందుకు వస్తున్నాడు. కమర్షియల్‌ సినిమాల విషయంలో ఆయన ఎక్కువ ఆసక్తి చూపించకుండా కేవలం కాన్సెప్ట్‌ ఓరియంటెడ్‌ సినిమాలు చేస్తూ ఉండటం అభినందనీయం అంటూ పలువురు కామెంట్స్ చేశారు. ఇలాంటి సమయంలో హీరో హీరోయిన్ సినిమాకి ఈయన గ్రీన్ సిగ్నల్‌ ఇవ్వడంతో కచ్చితంగా మంచి కాన్సెప్ట్‌ అయ్యి ఉంటుందని పలువురు అభిప్రాయం వ్యక్తం చేస్తున్నారు.

ఒకప్పటి లెజెండరీ హీరో మరియు హీరోయిన్‌ మధ్య ఏర్పడిన గ్యాప్‌ మరియు వారి వ్యక్తిగత రిలేషన్ గురించిన అంశాలతో 'హీరో హీరోయిన్‌' సినిమాను రూపొందిస్తున్నట్లుగా వార్తలు వస్తున్నాయి. ఆ హీరో హీరోయిన్‌ కెరీర్‌ లో ఎదుర్కొన్న సవాళ్లు మరియు ఇద్దరి మధ్య సాగిన రిలేషన్ ఆ తర్వాత ఏర్పడిన పరిణామాలను నాటకీయంగా చూపిస్తూ దర్శకుడు సురేష్‌ కృష్ణ ఈ సినిమాను రూపొందించబోతున్నాడు. సినిమా విడుదలకు ముందే అందరి దృష్టిని ఆకర్షిస్తోంది. విడుదల తర్వాత ఎంతటి వివాదాలను ఈ సినిమా మూట కట్టుకుంటుందో చూడాలి.

అక్షయ్‌ కుమార్ తో ప్యాడ్‌ మ్యాన్‌.. టాయిలెట్ ఏక్‌ ప్రేమ్‌ కహానీ సినిమాలతో పాటు మరి కొన్ని విభిన్న చిత్రాలను నిర్మించిన ప్రేరణ అరోరా ఈ సినిమాను నిర్మిస్తున్నారు. సోనీ రజ్దాన్‌, తుషార్‌ కపూర్‌, అర్బాజ్ ఖాన్‌ తో పాటు బాలీవుడ్‌ మరియు టాలీవుడ్‌ కి చెందిన ప్రముఖ నటి నటులు ఈ సినిమాలో కనిపించబోతున్నారు. హీరో హీరోయిన్ సినిమా గురించి మరిన్ని విషయాలు అతి త్వరలోనే దర్శకుడు సురేష్ కృష్ణ అధికారికంగా ప్రకటించే అవకాశాలు ఉన్నాయి.