బ‌న్నీ తో ఆరోజు కోసం హీరోయిన్ వెయిటింగ్!

ఐకాన్ స్టార్ అల్లు అర్జున్ నేడు పాన్ ఇండియా స్టార్. పుష్ప‌రాజ్ పాత్ర‌తో ఆయ‌న‌లో సిస‌లైన న‌టుడు బ‌య‌ట‌ప‌డ్డాడు. తెలుగు పరిశ్ర‌మ నుంచి ఏ న‌టుడు సాధించిన అరుదైన ఘ‌న‌త సాధించాడు. జాతీయ ఉత్త‌మ న‌టుడిగా ఎంపికైన తొలి తొలుగు న‌టుడిగా టాలీవుడ్ లో చ‌రిత్ర సృష్టించాడు. `గంగోత్రి`తో మొద‌లైన సినీ ప్ర‌యాణం పుష్ప వ‌ర‌కూ ఎంతో స‌క్సెస్ పుల్ గా సాగింది. `పుష్ప‌-2` తో మ‌రోసారి ఇండియాని షేక్ చేయ‌డానికి రెడీ అవుతున్నాడు.

అలాగ‌ని తెలుగు ప్రేక్ష‌కుల్ని మెప్పించే క‌మ‌ర్శియ‌ల్ స్టోరీల‌కు దూరంగా కాలేదు. ఓవైపు పాన్ ఇండియా సినిమాలు చేస్తూనే తెలుగు ప్రేక్ష‌కుల్ని అల‌రించే క‌మ‌ర్శియ‌ల్ కంటెంట్ తోనూ ముందుకు రావ‌డానికి సంసిద్దంగా ఉన్నాడు. పుష్ప‌-2 త‌ర్వాత త్రివిక్ర‌మ్ తో చేయ‌బోయేది అలాంటి సినిమానే. అలా రెండు ర‌కాల జోన‌ర్ చిత్రాల్ని కెరీర్ లో భాగం చేసాడు. తాజాగా యువ న‌టి సీర‌త్ కపూర్ బ‌న్నీని ఉద్దేశించి ఆస‌క్తిక‌ర వ్యాఖ్య‌లు చేసింది.

బన్నీ నాకు వ్యక్తిగతంగా తెలుసు. తెరపై ఆయన ఎనర్జీ అందరం చూశాం. కానీ అతడి గురించి పర్సనల్‌గా తెలుసుకునే అవకాశం కొందరికి మాత్రమే వస్తుంది. అంత పెద్ద స్టార్‌ అయినా.. ఎంతో వినయం, వినమ్రలతో ఉంటాడు. తనతో ఉంటే సొంత మనిషితో ఉన్నట్లు ఉంటుంది. కొందరి అలవాట్లు నన్నెంతో ఆకర్షిస్తాయి. ఆ కేటగిరీలో అల్లు అర్జున్‌ ఒకరు. తనలో ఓ స్పార్క్‌ ఉంటుంది. నేను తనతో కలిసి పనిచేసే రోజు కోసం ఆసక్తిగా ఎదురు చూస్తున్నాను` అంది.

`పుష్ప‌-2` లో సీర‌త్ క‌పూర్ ఓ ప్రత్యేక గీతంలో క‌నిపిస్తుంద‌నే ప్ర‌చారం సాగుతుంది. కానీ ఇంత‌వ‌ర‌కూ చిత్ర యూనిట్ అధికారిక స‌మాచారం లేదు. మ‌రి అమ్మ‌డి మాట‌లు సుకుమార్ విని అలాంటి అవ‌కాశం ఏదైనా ఇస్తున్నాడా? అన్న‌ది చూడాలి. `రన్‌ రాజా రన్‌`తో తెలుగు పరిశ్రమకు పరిచయమైన సీరత్ క‌పూర్ `టైగర్‌`.. `రాజు గారి గది2`లాంటి చిత్రాల్లో న‌టించిన సంగ‌తి తెలిసిందే.