బేబీ లాంటి కథలు కావాలంటున్న భామలు..!

రీసెంట్ గా రిలీజై సెన్సేషనల్ హిట్ అందుకున్న బేబీ సినిమా యూత్ ఆడియన్స్ కి బాగా ఎక్కేసింది. చిన్న సినిమాగా వచ్చి గొప్ప విజయాన్ని అందుకున్న బేబీ సినిమా 3వ వారం లో కూడా మంచి వసూళ్లు రాబడుతుంది. ఈ సినిమా డిజిటల్ రిలీజ్ కోసం కూడా ఆడియన్స్ ఎంతో ఈగర్ గా ఎదురుచూస్తున్నారు. బేబీ సినిమాను ఆహా ఓటీటీ సొంతం చేసుకుంది. సినిమా నిర్మాత ఎస్.కె.ఎన్ గీతా ఆర్ట్స్ లో కో ప్రొడ్యూసర్ గా చేశాడు కాబట్టి ఈ సినిమాను ఆహా కి ఇచ్చేశాడు.

ఆనంద్ దేవరకొండ, వైష్ణవి చైతన్య, విరాజ్ అశ్విన్ కలిసి నటించిన బేబీ సినిమా నేటి యువత ఆలోచనలకు అద్దం పట్టేలా ఉంది. ఈ సినిమాతో సోలో హీరోయిన్ గా ప్రమోట్ అయ్యింది వైష్ణవి చైతన్య. అంతకుముందు వెబ్ సీరీస్ లు చేసిన అనుభవం ఉన్నా సరే బేబీ సినిమాలో వైష్ణవి అభినయం అందరిని మెప్పించింది. సినిమాలో తన పాత్రతో టాలెంట్ చూపించిన వైష్ణవి తెలుగులో మంచి అవకాశాలు పొందే అవకాశం ఉందని చెప్పొచ్చు.

ఇక ఇదిలా ఉంటే బేబీ సినిమా చూసిన కొందరు హీరోయిన్స్ తనకు కూడా అలాంటి కథలు కావాలని కోరుతున్నారట. యూత్ ఫుల్ లవ్ స్టోరీస్ అయితే ఎలాంటి కథ అయినా చేసేందుకు రెడీ అని అంటున్నారట. ఒకటి రెండు సినిమాలు తీసిన అనుభవం ఉన్న హీరోయిన్స్ కూడా తమ కెరీర్ గ్రాఫ్ పెంచుకోవాలని చూస్తున్నారు.

ఈ క్రమంలో బేబీ లాంటి సినిమాలు అయితేనే ఆడియన్స్ లో రీచింగ్ ఎక్కువ ఉంటుందని ఫిక్స్ అయ్యారు. అందుకే బేబీ రిజల్ట్ చూసి అందులో నటించిన వైష్ణవికి వస్తున్న ఫాలోయింగ్ చూసి మిగతా హీరోయిన్స్ కూడా అలాంటి కథలు ఉంటే తీసుకురండి అని చెబుతున్నారట.

అయితే అన్ని కథలు బేబీలు కాలేవు.. అన్ని సినిమాలు సక్సెస్ లు అందుకోలేవు. తెలుగు సినిమాల్లో లవ్ స్టోరీలకు ఎప్పటికీ డిమాండ్ ఉంటుంది. దర్శకుడు, నటీనటులు ఎప్పుడైతే సిన్సియర్ ఎఫర్ట్ పెడతారో దానికి ఆడియన్స్ నుంచి కూడా అదే విధమైన రెస్పాన్స్ వస్తుంది.

బేబీ సినిమా చూసిన తర్వాత చాలామంది చిన్న సినిమాలు తీసే దర్శక నిర్మాతలకు మంచి జోష్ వచ్చింది. సినిమా హిట్ కు బడ్జెట్ కాదు కావాల్సింది సరైన కంటెంట్ అని ఈ సినిమా మరోసారి ప్రూవ్ చేసింది. ఈ సినిమా స్పూర్తితో రానున్న రోజుల్లో ఇలాంటి సినిమాలు చాలానే వచ్చే అవకాశం ఉందని చెప్పొచ్చు.