ఆ హీరోతో లయ పెళ్లి ఆగిపోవడానికి కారణాలు ఏంటి..?

నువ్వే కావాలి సినిమాలో నటించిన సాయి కిరణ్ హీరోగా పెద్దగా ఛాన్స్ లు అందుకోలేదు కానీ సైడ్ రోల్స్ బాగానే చేశాడు. అయితే అతను నటించిన ప్రేమించు సినిమా సూపర్ హిట్ అయ్యింది. లయ ప్రధాన పాత్రలో నటించిన ఈ సినిమాతో నేషనల్ అవార్డు, నంది అవార్డులు కూడా వచ్చింది. ఆ సినిమా టైం లోనే లయతో ప్రేమలో పడ్డాడు సాయి కిరణ్ అని ఒక ప్రచారం జరిగింది అదంతా అబద్దం అని చెప్పారు సాయి కిరణ్ . ఒకానొక దశలో సాయి కిరణ్ లయ పెళ్లి చేసుకుంటారని వార్తలు వచ్చాయి.

ఆ తర్వాత ఏమైందో ఏమో ఎవరి దారి వారు చూసుకున్నారు. అయితే ఈమధ్యనే లయ మళ్లీ సోషల్ మీడియాలో యాక్టివ్ అయ్యింది. మళ్లీ సినిమాల్లో గ్రాండ్ రీ ఎంట్రీ ఇవ్వాలని కూడా చూస్తుంది. సాయి కిరణ్ మాత్రం ఎంచక్కా సీరియల్స్ చేసుకుంటూ కెరీర్ కొనసాగిస్తున్నాడు. ఆయన చేస్తున్న గుప్పెడంత మనసు సీరియల్ స్టార్ మాలో సూపర్ హిట్ సీరియల్ గా కొనసాగుతుంది.

రీసెంట్ గా ఒక వన్ ఇయర్ ఓల్డ్ ఇంటర్వ్యూలో పాల్గొన్న సాయి కిరణ్ లయతో తన ప్రేమ పెళ్లి గురించి మాట్లాడారు ఆ వీడియో ఇప్పుడు వైరల్ అవ్వుతుంది . ప్రేమించు సినిమాలో లయ అంధురాలిగా నటించింది. అందుకోసం ఆమె ట్రైనింగ్ తీసుకుంది. వారం రోజుల పాటు ప్రాక్టీస్ చేసిందని అన్నారు. అందుకే ఆమెకు జాతీయ అవార్డు వచ్చిందని అన్నారు. లయతో పెళ్లి విషయం గురించి ప్రస్తావించిన సాయి కిరణ్ జంట బాగుంది.. పెళ్లి చేసుకుంటే బాగుంటుందని అనుకున్నారు పెద్దవాళ్ళు కానీ దురదృష్టవశాత్తు మా జాతకాలు కలవలేదు. అందుకే మేం ఇద్దరం పెళ్లి చేసుకోలేదని అన్నారు సాయి కిరణ్.

మా మధ్య ప్రేమ గీమా లాంటిది ఏమి లేదు. కానీ ఇప్పటికీ మంచి ఫ్రెండ్స్ గా ఉన్నామని అన్నారు సాయి కిరణ్. ఆ టైం లో నేను జాతకాలు బాగా నమ్మేవాడిని.. అమ్మనాన్నలు కూడా వాటిని బాగా విశ్వసిస్తారు. ఒకప్పుడు నమ్మేవాడిని కాదు కానీ ఆ తర్వాత వాటి గురించి తెలుసుకున్నానని అన్నారు సాయి కిరణ్. మనసుంటే చాలు, ఆడంతే అదో టైపు, రావే నా చెలియా, డార్లింగ్‌ డార్లింగ్‌, పెళ్లి కోసం సినిమాల్లో సాయి కిరణ్ నటించారు. సినిమాల కన్నా సీరియల్స్ బెటర్ అనుకున్నారో ఏమో కానీ సాయి కిరణ్ వాటికే పరిమితం అయ్యారు. గుప్పెడన మనసు లో మహేంద్ర భూషణ్ గా నటిస్తున్న ఆయన పడమటి సంధ్యారాగం సీరియల్ లో కూడా నటిస్తున్నారు.