ఆ యంగ్ డైరెక్ట‌ర్ తో తార‌క్ క్లారిటీ ఎప్పుడంటే?

మ్యాన్ ఆఫ్ మాసెస్ ఎన్టీఆర్ పాన్ ఇండియా క్రేజ్ గురించి చెప్పాల్సి ప‌నిలేదు. 'ఆర్ ఆర్ ఆర్' తో గ్లోబ‌ల్ స్టార్ అయ్యాడు. ఇటీవ‌ల రిలీజ్ అయిన 'దేవ‌ర‌'తో మ‌రో పాన్ ఇండియా స‌క్సెస్ ఖాతాలో వేసుకున్నాడు. త‌దుప‌రి 'వార్-2' తో బాలీవుడ్ లోనూ ఎంట్రీ ఇస్తున్నాడు. ఈ సినిమా త‌ర్వాత తార‌క్ మేనియా అంత‌కంత‌కు రెట్టింపు అవుతుంది. మ‌రోవైపు 'కేజీఎఫ్' లాంటి హిట్ ఇచ్చిన డైరెక్ట‌ర్ తో కొత్త సినిమాని ప‌ట్టాలెక్కిస్తున్నాడు.

ప్ర‌స్తుతానికి తార‌క్ లైన‌ప్ ఇలా ఉంది. అయితే ఇప్పుడీ వ‌రుస‌లోకి తార‌క్ కొత్త ద‌ర్శ‌కుడిని తెర‌పైకి తెస్తున్న‌ట్లు కొంత కాలంగా ప్ర‌చారంలో ఉంది. 'హాయ్ నాన్న' తో ద‌ర్శ‌కుడిగా ప‌రిచ‌య‌మైన శౌర్యువ్ సినిమా చేస్తున్నాడ‌నే ప్ర‌చారం ఉంది. కానీ ఇందులో నిజ‌మెంతో తెలియ‌ని ప‌రిస్థితి. ఈ నేప‌థ్యంలో శౌర్యువ్ పేరు మ‌రోసారి తెర‌పైకి వ‌స్తోంది. యంగ్ మేకర్ స్టోరీకి తార‌క్ ఒకే చెప్పిన‌ట్లు స‌న్నిహిత వ‌ర్గాల నుంచి వినిపిస్తుంది.

పాన్ ఇండియా క‌నెక్టింగ్ పాటు యూనిక్ పాయింట్ కావ‌డంతో తార‌క్ గ్రీన్ సిగ్నెల్ ఇచ్చిన‌ట్లు ప్ర‌చారం జ‌రుగుతోంది. ఇదే నిజ‌మైతే శౌర్యువ్ కెరీర్ ట‌ర్న్ అయిన‌ట్లే. మేక‌ర్ గా తొలి సినిమాతోనే మంచి మార్కులు వేయించుకున్నాడు. డెబ్యూ చిత్రమైనా ఎంతో స్టైలిష్ గా 'హాయ్ నాన్న' చేసాడు. మేకింగ్ ప‌రంగా మంచి మార్కులు ప‌డ్డాయి. క‌మ‌ర్శియ‌ల్ గా వ‌ర్కౌట్ కాన‌ప్ప‌టికీ మేక‌ర్ గా త‌న‌కంటూ ఓ గుర్తింపును ద‌క్కించుకున్నాడు.

అందుకే ఇప్పుడు తార‌క్ లైన‌ప్ లో అత‌డి పేరు వినిపిస్తుంది. మ‌రి ఇందులో వాస్త‌వం ఎంతో తెలియాలి. 'వార్ -'2 షూటింగ్ ముగించిన వెంట‌నే తార‌క్ ప్ర‌శాంత్ నీల్ సినిమాని ప‌ట్టాలెక్కిస్తాడు. ఇది పూర్త‌వ్వ‌డానికి స‌మ‌యం ప‌డుతుంది. ఆ త‌ర్వాత శౌర్యువ్ ప్రాజెక్ట్ విష‌యంలో మ‌రింత క్లారిటీ వ‌స్తుంది. తార‌క్ కూడా ఈ మ‌ద్య రూట్ మార్చాడు. ఒకేసారి రెండు సినిమాల షూటింగ్ ల‌కు హాజ‌ర‌వ్వ‌డం అల‌వాటు చేసుకుంటున్నాడు. మ‌రి శౌర్యువ్ ప్రాజెక్ట్ ఇప్ప‌టిక‌ప్పుడు ప‌ట్టాలెక్కించాలి అనుకుంటే? ప్ర‌శాంత్ నీల్ సినిమాతో పాటు మొద‌లు పెట్టే అవ‌కాశం ఉంటుంది.