హాయ్ నాన్న సెన్సార్ రిపోర్ట్.. గుండెను హత్తుకునేలా..

నాని నటించిన హాయ్ నాన్న సినిమా డిసెంబర్ 7వ తేదీన గ్రాండ్ గా విడుదల కాబోతున్న విషయం తెలిసిందే. కొత్త దర్శకుడు శౌర్యువ్ దర్శకత్వంలో రూపొందిన ఈ సినిమాలో మృణాల్ ఠాగూర్ నాని కి జోడిగా నటించగా చిన్నారి కీయరా ఖన్నా కూతురి పాత్రలో నటించింది. ఇక ఇప్పటికే విడుదలైన టీజర్ ట్రైలర్ కూడా సినిమాపై అంచనాలను పెంచాయి.

అలాగే హెషం అబ్దుల్ స్వరపరిచిన పాటలు కూడా మంచి పాజిటివ్ వైబ్రేషన్స్ క్రియేట్ చేస్తున్నాయి. తప్పకుండా సినిమా చాలా ఎమోషనల్ గా కనెక్ట్ అవుతుంది అని ముందుగానే ఒక హింట్ అయితే ఇచ్చేశారు. అయితే ఈ సినిమా ఇటీవల సెన్సార్ పనులను కూడా పూర్తి చేసుకుంది. ఫ్యామిలీ లవ్ ఎంటర్టైనర్ గా రాబోతున్న ఈ సినిమాకు క్లీన్ U సర్టిఫికెట్ అందించారు.

అయితే సినిమా చూసిన అనంతరం సెన్సార్ సభ్యులు హాయ్ నాన్న టీమ్ ను ఎంతగానో అభినందించారు. ముఖ్యంగా తండ్రి కూతుర్ల ఎమోషన్ సీన్స్ చాలా బాగా ఇంపాక్ట్ చూపించాయని తెలుస్తోంది. ముఖ్యంగా ఇంటర్వెల్ సన్నివేశాలు గుండెను హత్తుకునేలా చాలా భావోద్వేగంతో ఉన్నాయి అని కూడా చెబుతున్నారు. ఇక నాని మృణాల్ ఠాగూర్ మధ్యలో వచ్చే సన్నివేశాలు కూడా చాలా అందంగా ఉన్నాయి అని ఈ సినిమాలో ప్రతి ఒక్కరు వారి పాత్రకు సరైన న్యాయం చేశారు అని కూడా టాక్ అయితే వినిపిస్తోంది.

ఇక చిన్నారి కీయరా నానితో కలిసి నటించిన సన్నివేశాలు తప్పకుండా ప్రతి ఒక్కరిని కంటతడి పెట్టిస్తాయని, క్లైమాక్స్ కూడా కూడా అద్బుతమని చెబుతున్నారు. మొత్తానికి హాయ్ నాన్న సినిమా సెన్సార్ నుంచి అయితే చాలా పాజిటివ్ రియాక్షన్స్ అందుకుంది. ప్రేక్షకులను కూడా ఈ సినిమా ఎమోషనల్ సన్నివేశాలతో కట్టిపడేస్తుంది అని చిత్ర యూనిట్ ఎంతగానో నమ్ముతోంది.

ఇక ఈ సినిమాకు సంబంధించిన ప్రమోషన్స్ కోసం నాని చాలా హార్డ్ వర్క్ చేస్తూ ఉన్నాడు. అంతే కాకుండా సరికొత్త తరహాలో ఇతర హీరోలతో కూడా ప్రమోషన్స్ చేస్తూ ఉండడం విశేషం. ఇప్పటికే సందీప్ రెడ్డి తో అలాగే విక్టరీ వెంకటేష్ తో కూడా నాని చేసిన ఇంటర్వ్యూలకు బాగా రెస్పాన్స్ వచ్చింది. ఇక సెన్సార్ యూనిట్ నుంచి కూడా సినిమా బాగుందని పాజిటివ్ ఫీడ్ బ్యాక్ అందింది. మరి ఈ రెండున్నర గంటల సినిమా ఆడియోన్స్ ను ఎంతవరకు అట్రాక్ట్ చేస్తుందో చూడాలి.