హాయ్ నాన్న.. 5వ రోజు కూడా అదే జోరు

న్యాచురల్ స్టార్ నాని నటించిన లేటెస్ట్ మూవీ 'హాయ్ నాన్న' ప్రస్తుతం థియేటర్స్ లో సందడి చేస్తున్న విషయం తెలిసిందే. కంప్లీట్ ఎమోషనల్ అండ్ ఫ్యామిలీ డ్రామాగా రూపొందిన ఈ చిత్రానికి ఆడియన్స్ నుంచి పాజిటివ్ రెస్పాన్స్ వచ్చింది. కానీ అనుకున్నంత ఓపెనింగ్స్ దక్కలేదు. అందుకు కారణం ఈ సినిమాకి తెలుగు రాష్ట్రాలలో తక్కువ థియేటర్స్ దొరకడం దాంతోపాటు మాస్ ఆడియన్స్ నుంచి పూర్తిస్థాయిలో రెస్పాన్స్ రాకపోవడం.

అలా అని మరీ అంత పూర్ ఓపెనింగ్స్ ఏమి రాలేదు. బాక్సాఫీస్ దగ్గర మొదటిరోజు డీసెంట్ నంబర్స్ ని చూసిన హాయ్ నాన్న విడుదలై ఐదు రోజులవుతున్నా సక్సెస్ఫుల్ రన్ ని కొనసాగిస్తోంది. ముఖ్యంగా గత రెండు రోజుల నుంచి ఈ మూవీ బాక్స్ ఆఫీస్ వద్ద మంచి కలెక్షన్స్ ని అందుకుంది. ఐదో రోజు కూడా ఈ మూవీ బాక్స్ ఆఫీస్ వద్ద సత్తా చాటింది. అంతేకాదు మొదటి వారాంతం మొత్తం ఈ మూవీ బలమైన రన్ కొనసాగించడం విశేషం.

ముఖ్యంగా సోమవారం ఈ సినిమాకి మంచి హోల్డ్ వచ్చిందని చెబుతున్నారు. మొత్తం ఐదు రోజుల్లో వరల్డ్ వైడ్గా రూ.48 కోట్ల వరకు గ్రాస్ ని రూ.24 కోట్ల వరకు షేర్ ని అందుకుంది. అంతేకాదు ప్రస్తుతం బుక్ మై షో లో 60K ప్లస్ టికెట్స్ అమ్ముడయ్యాయంటే ఆడియన్స్ లో ఈ మూవీకి ఎలాంటి ఆదరణ ఉందో చేసుకోవచ్చు. కమర్షియల్ సినిమాలకే కాదు ఇలాంటి ఫ్యామిలీ ఎంటర్టైనర్స్ కి కూడా థియేటర్స్ లో లాంగ్ రన్ ఉంటుందని హాయ్ నాన్న నిరూపించింది.

సోమవారం వరకు హాయ్ నాన్న వరల్డ్ వైడ్ రూ.24 కోట్ల షేర్ ని సాధించింది అంటే మంగళవారం నాటితో ఈ మూవీ బ్రేక్ ఈవెన్ అవ్వడం ఖాయమని ట్రేడ్ వర్గాలు చెబుతున్నాయి. హాయ్ నాన్న మూవీకి రూ.27 కోట్ల వరకు ప్రీ రిలీజ్ బిజినెస్ జరిగింది. ఈ మూవీ బ్రేక్ ఈవెన్ అవ్వాలంటే రూ.28 కోట్ల షేర్ రాబట్టాలి. అంటే మరో నాలుగు కోట్ల షేర్ వసూలు చేస్తే హాయ్ నాన్న సేఫ్ జోన్ లోకి వచ్చినట్లే.

కాగా తెలుగు రాష్ట్రాల్లోనే కాదు అటు ఓవర్సీస్ లోనూ ఈ చిత్రానికి మరింత ఆదరణ లభించింది. ఓవర్సీస్ లో నానికి భారీ మార్కెట్ ఉంది. ఇప్పటికే అక్కడ వన్ మిలియన్ మార్క్ అందుకని 2 మిలియన్ దిశగా పరుగులు పెడుతోంది. హాయ్ నాన్న తో నాని ఖాతాలో మరో హిట్ పడినట్లే అని నిస్సందేహంగా చెప్పొచ్చు.