హాయ్​ నాన్న.. ఎంత కాన్ఫిడెన్స్ అంటే..

ఏ బ్యాగ్రౌండ్ లేకుండా ఇండస్ట్రీలోకి అడుగు పెట్టి చిన్న, మీడియం రేంజ్ బడ్జెట్​ సినిమాలతోనే మంచి ఫలితాలందుకుని.. ఒక్కో మెట్టు ఎక్కుతూ ఎదిగిన హీరో నేచురల్ స్టార్ నాని. ప్రస్తుతం ఆయన డిఫరెంట్​ జానర్స్​లో వరుస సినిమాలు చేస్తూ ముందుకెళ్తున్నారు. అలా ఈ ఏడాది దసరాతో కెరీర్ బిగ్గెస్ట్ బ్లాక్ బస్టర్ అందుకున్న ఆయన ఇప్పుడు హాయ్ నాన్నగా రాబోతున్నారు. ఊర మాస్ వంటి చిత్రం తర్వాత క్లాస్ ఎమోషన్​తో వస్తున్నారు.

అయితే ఈ చిత్ర విషయంలో హీరో నాని ఎంతో కాన్ఫిడెంట్​గా ఉన్నట్లు కనిపిస్తోంది. తాజాగా ఆయన చేసిన ఓ ట్వీట్​ ఆయన ఆత్మవిశ్వాసాన్ని చూపిస్తోంది. సినిమా ఫైనల్​ ఎడిట్​ కాపీని తాను చూసినట్లు చెప్పిన నాని.. సినిమా అద్భుతంగా వచ్చిందని పేర్కొన్నారు.

"దసరా పండగ రోజు ఫైనల్​ ఎడిట్​ కాపీని చూశాను. సినిమా బాగా వచ్చింది. ఓ అందమైన ప్రేమ కథ కోసం మీరు ఎదురుచూస్తున్నారా? అయితే డిసెంబర్ 7న మీరూ చూసేయండి" అంటూ నాని ట్వీట్​ రాసుకొచ్చారు. ఈ ట్వీట్​ సినిమా పట్ల ఆయన ఎంత నమ్మకంగా ఉన్నారో కన్వే చేస్తోంది.

కాగా, జెర్సీ సినిమా తర్వాత మరోసారి నాని తండ్రి పాత్రలో కనిపించబోతున్నారు. జెర్సీలో ఫాదర్​గా హృదాయన్ని హత్తుకునే ఎమోషన్స్​ను కనబరిచి ఆకట్టుకున్న నాని హాయ్​ నాన్నలోనూ అలాంటి భావోద్వేగాలని కనబరుస్తారని అంతా అనుకుంటున్నారు. శౌర్యువ్ దర్శకత్వంలో సీతారామం ఫేమ్ మృణాల్ ఠాకూర్ హీరోయిన్​గా ఈ సినిమా తెరకెక్కింది. నానితో పాటు పాప సెంటిమెంట్ సినిమాలో కీలక పాత్ర పోషించనుంది.

సింపుల్ కాన్సెప్ట్​తో హాయిగా అనిపించే ఎమోషనల్ విజువల్స్​తో దర్శకుడు శౌర్యువ్ హాయ్ నాన్నని తీర్చిదిద్దినట్టు ఇప్పటికే రిలీజైన ప్రచార చిత్రాలు చూస్తే అర్థమవుతోంది. హేషమ్ అబ్దుల్​ వాహబ్​ అందించిన మ్యూజిక్ బాగుంది. వైరా ఎంటర్​టైన్మెంట్​ బ్యానర్​ సినిమాను నిర్మించింది. మరి డిసెంబర్ 7న థియేటర్లలో అడుగుపెట్టబోతున ఈ హాయ్ నాన్నను భావోద్వేగాలతో ప్రేక్షకులను కనెక్ట్ చేయగలిగితే జెర్సీని మించే విజయం దక్కినట్టే!