హాయ్ నాన్న.. నాని లెక్క తప్పలేదు

నేచురల్ స్టార్ నాని నటించిన హాయ్ నాన్న సినిమా పెద్దగా అంచనాలు లేకుండానే ఈ వారం ప్రేక్షకుల ముందుకు వచ్చిన విషయం తెలిసిందే. కొత్త దర్శకుడు శౌర్యువ్ తెరకెక్కించిన ఈ సినిమా ముందుగా టీజర్ ట్రైలర్ తో కొంత పాజిటివ్ వైబ్రేషన్స్ అయితే క్రియేట్ చేసింది. ఇక నాని దసరా తర్వాత ఇలాంటి సినిమా చేస్తాడు అని ఎవరు ఊహించలేదు. నానికి కెరీర్ లో లవ్ ఎమోషనల్ స్టోరీలు మంచి సక్సెస్ అందుకున్నాయి.

అందులో నిన్ను కోరి కూడా టాప్ లిస్టులో ఉంటుంది. ఇక జెర్సీ గురించి ప్రత్యేకంగా చెప్పనవసరం లేదు. ఇప్పుడు హాయ్ నాన్న సినిమా కూడా అదే తరహాలో మంచి ప్రశంసలు అయితే అందుకుంటుంది. ఈ సినిమాకు సంబంధించిన టాక్ మొదటి రోజే చాలా పాజిటివ్ గా వచ్చింది. కలెక్షన్స్ పెద్దగా పెరగకపోవచ్చు అనే విధంగా అభిప్రాయాలు కూడా వచ్చాయి.

కానీ నాని మాత్రం ముందుగానే మొదటిరోజు డీసెంట్ గా ఉన్నప్పటికీ రెండవ రోజు మూడవ రోజు కలెక్షన్ సమాంతరంగా పెరిగిపోతాయి అని టికెట్లు కూడా దొరకని పరిస్థితి కనిపిస్తుంది అనే నమ్మకం ఉంది అని అన్నాడు. అయితే నాని అంత కాన్ఫిడెంట్గా చెప్పిన విధానం కూడా అందరికీ ఆశ్చర్యాన్ని కలిగించింది. అయితే అతని లెక్క అసలు తప్పలేదు అని ఇప్పుడు వస్తున్నా రెస్పాన్స్ చూస్తేనే అర్థమవుతుంది.

మొదటి రోజు కంటే రెండవ రోజు కలెక్షన్స్ పెరిగాయి. అంతేకాకుండా అడ్వాన్స్ బుకింగ్ కూడా ఈ వీకెండ్ గట్టిగానే కనిపిస్తున్నాయి. ముఖ్యంగా ఓవర్సీస్ లో కూడా ఈ సినిమా మంచి రెస్పాన్స్ అందుకుంటుంది. ఎమోషనల్ ఫ్యామిలీ కథలకు యూఎస్ లో అయితే మంచి రెస్పాన్స్ ఉంటుంది. ఇక ఇప్పుడు హాయ్ నాన్న కూడా యూఎస్ లో అయితే 650k డాలర్లు అందుకొని వన్ మిలియన్ అందుకునేందుకు దూసుకుపోతోంది.

ఈ రేంజ్ లో రెస్పాన్స్ వస్తుంది అని ఎవరు ఊహించలేదు. ఇక నాని కూడా అక్కడ స్పెషల్ గా ప్రమోషన్స్ చేయడానికి వెళ్ళాడు. దీంతో తప్పకుండా రెస్పాన్స్ మరింత ఎక్కువగా ఉంటుంది అని ట్రేడ్ వర్గాలు చెబుతున్నాయి. మొత్తానికి నాని కాన్ఫిడెన్స్ కు తగ్గట్టుగానే హాయ్ నాన్న లెక్క అసలు తప్పలేదు అని చెప్పవచ్చు. ఎందుకంటే ఫ్యామిలీ ఆడియన్స్ ఒక మంచి సినిమా చూసి చాలా కాలం అయింది. ఇక ఇప్పుడు హాయ్ నాన్న అలాంటి వారి కోసం బెస్ట్ అప్షన్ గా నిలుస్తోంది.