ఒడియమ్మ.. నాని స్టైలిష్ స్టెప్పులు.. శృతి గ్లామర్ హీట్

టాలీవుడ్ నేచురల్ స్టార్ నాని నుంచి రాబోతున్న నెక్స్ట్ సినిమా హాయ్ నాన్న. ఈ సినిమా ఇప్పటికే ప్రేక్షకుల్లో మంచి పాజిటివ్ వైబ్రేషన్స్ క్రియేట్ చేసుకుంది. ఇక ఈ సినిమాను డిసెంబర్ 7వ తేదీన ప్రపంచ వ్యాప్తంగా గ్రాండ్ గా విడుదల చేయబోతున్నారు. హాయ్ నాన్న సినిమా విడుదల కు సమయం దగ్గర పడడంతో ప్రమోషన్స్ తో కూడా చిత్ర యూనిట్ సభ్యులు సినిమాపై మంచి బజ్ క్రియేట్ చేసే ప్రయత్నం చేస్తూ ఉన్నారు.

ఇప్పటికే సినిమా టీజర్ తో పాటు ట్రైలర్ కూడా ఎంతగానో ఆకట్టుకుంది. ఇక మ్యూజిక్ డైరెక్టర్ ఇచ్చిన పాటలు అన్నీ కూడా ఆడియన్స్ ను ఎంతగానో ఆకట్టుకుంటూ ఉన్నాయి. ఇక మరొక లిరికల్ వీడియోను ఇప్పుడు విడుదల చేశారు. ఇది కూడా సినిమాపై మంచి హైప్ క్రియేట్ చేసే విధంగా ఉంది.

హాయ్ నాన్న సినిమాలో మృణాల్ ఠాకూర్ కథానాయికగా నటించగా, శృతి హాసన్ ప్రత్యేక పాత్రలో కనిపించనుంది. నాని, శృతి హాసన్ జంటగా నటించిన నాలుగో సింగిల్‌ని మేకర్స్ ఈరోజు లాంచ్ చేశారు. ఒడియమ్మ అనే ఈ సాంగ్ మంచి పార్టీ వైబ్ ని తలపిస్తోంది. ఇక సాంగ్ లో నాని స్టైలిష్ స్టెప్పులు అలాగే శృతి హాసన్ గ్లామర్ ట్రీట్ తో కిర్రాక్ అనిపించింది.

హేషామ్ అబ్దుల్ వహాబ్ ఈసారి పార్టీ సాంగ్ తో మరింత కిక్ ఇచ్చాడు. మరొక విశేషం ఏంటి అంటే ఈ పాటలో శ్రుతి హాసన్ కూడా తన గాణాన్ని వినిపించింది. ధృవ్ విక్రమ్ మరియు చిన్మయి శ్రీపాదతో పాటు ఆమె కూడా అద్భుతమైన వాయిస్ తో సాంగ్ కు మరింత హైప్ తీసుకు వచ్చింది. ఇక అనంత శ్రీరామ్ క్యాచీ లిరిక్స్ రాశారు. మొత్తానికి ఈ సాంగ్ కూడా సినిమాలో హైలెట్ కాబోతున్నట్లు తెలుస్తోంది.

నాని, శృతి హాసన్ తమ రాకింగ్ డ్యాన్స్‌లతో వైబ్రెంట్ సెట్స్ లో చిత్రీకరించిన ఈ పాట పూర్తిగా యూత్ ఫుల్ గా ఉంది. వైరా ఎంటర్‌టైన్‌మెంట్స్‌పై శౌర్యువ్ దర్శకత్వం వహించిన ఈ చిత్రం డిసెంబర్ 7న విడుదల కానుంది. ఇక ఈ సినిమా ప్రమోషన్ కోసం నాని విభిన్నమైన తరహాలో ముందుకు సాగుతున్నారు. పొలిటికల్ వాతావరణంకు తగ్గట్టుగా ఫన్నీ వీడియోస్ కూడా విడుదల చేస్తున్నారు.