హాయ్ నాన్న.. శృతిహాసన్ తో నాని హై ఎనర్జీ

నేచురల్ స్టార్ నటించిన హాయ్ నాన్న సినిమా డిసెంబర్ 7వ తేదీన గ్రాండ్ గా విడుదల కాబోతున్న విషయం తెలిసిందే. దసరా తర్వాత నాని నుంచి రాబోతున్న ఈ విభిన్నమైన ఎమోషనల్ సినిమాపై అంచనాలు అయితే గట్టిగానే ఉన్నాయి. ఇప్పటికే విడుదలైన సాంగ్స్ కూడా పాజిటివ్ వైబ్రేషన్స్ క్రియేట్ చేశాయి. ఇక రీసెంట్గా సినిమాకు సంబంధించిన ట్రైలర్ కూడా విడుదల చేసిన విషయం తెలిసిందే.

ఇక ఆ ట్రైలర్ తోనే సినిమాపై నాని మరింత హైప్ అయితే క్రియేట్ చేశాడు. ముఖ్యంగా ఇందులో అతని నటన అలాగే కూతురు సెంటిమెంట్ తో పాటు హీరోయిన్ మృణాల్ ఠాగూర్ లవ్ ట్రాక్ కూడా చాలా ఆకట్టుకునే విధంగా ఉండబోతున్నట్లు తెలుస్తోంది. అయితే సినిమాకు సంబంధించిన ప్రమోషన్స్ విషయంలో కూడా నాని చాలా ఎనర్జీతో వర్క్ చేస్తున్నాడు.

అతనికి సంబంధించిన ప్రతి అప్డేట్ కూడా సినిమాకు పాజిటివ్ అయ్యే విధంగా ఉన్నాయి. రీసెంట్ గా రాజకీయ నాయకుల తరహాలో ఎన్నికల వేడికి తగ్గట్టుగా స్పూఫ్ వీడియోలతో ఆకట్టుకున్నాడు. ఇక ఇప్పుడు మరో డిఫరెంట్ ఎనర్జిటిక్ సాంగ్ తో ఆకట్టుకోవడానికి సిద్ధమవుతున్నాడు. ఈ సినిమాలో ఒడియమ్మ అని మరొక పాటను కూడా విడుదల చేసేందుకు చిత్ర యూనిట్ సిద్ధమైంది.

అబ్దుల్ హేశమ్ సంగీత స్వరంలో రాబోతున్న ఆ పాటకు సంబంధించిన ఒక పోస్టర్ కూడా రిలీజ్ చేశారు. రేపు సాయంత్రం 4 గంటలకు లిరికల్ సాంగ్ రిలీజ్ చేయనున్నట్లు తెలియజేశారు. అయితే ఆ పోస్టర్లో నాని శృతిహాసన్ ఇద్దరు కూడా స్టైలిష్ స్టిల్ లో చాలా జోష్ గా కనిపిస్తున్నారు. ముఖ్యంగా శృతిహాసన్ తన అల్ట్రా గ్లామర్ ను హైలెట్ చేస్తోంది. చిట్టి స్కర్ట్ లో అమ్మడు మెస్మరైజ్ చేస్తుండగా నాని ఆమె భుజం పై చేయి వేసి స్టైలిష్ స్టిల్ ఇచ్చాడు.

చూస్తూ ఉంటే మంచి పార్టీ సాంగ్ తరహాలో ఉండబోతున్నట్లుగా తెలుస్తుంది. అంతే కాకుండా మంచి మాస్ లిరిక్స్ తో కూడా ఆకట్టుకునే అవకాశం ఉన్నట్లు అర్థమవుతుంది. హాయ్ నాన్న నుంచి ఎలాంటి అప్డేట్స్ కూడా వచ్చినా అంచనాలను క్రియేట్ చేసే విధంగా ఉన్నాయి. ఇక ఈ సినిమా కోసం ప్రమోషన్స్ విషయంలో అయితే నాని ఏ మాత్రం తగ్గడం లేదు. సినిమా విడుదల డేట్ పై క్లారిటీ ఇచ్చినప్పటి నుంచి కూడా ఏదో ఒక అప్డేట్ ప్రతిరోజు వదులుతూనే ఉన్నారు. ఇక సినిమా మాత్రం తప్పకుండా అన్ని వర్గాల ప్రేక్షకులను ఆకట్టుకుంటుంది అనేలా నాని నమ్మకంగా తెలియజేస్తున్నాడు. మరి హాయ్ నాన్న బాక్సాఫీస్ వద్ద ఎలాంటి వసూళ్లను అందుకుంటుందో చూడాలి.