వీడియో : నాని పొలిటికల్‌ స్పీచ్ వైరల్‌
డిసెంబర్‌ 7న ప్రేక్షకుల ముందుకు రాబోతున్న హాయ్ నాన్న సినిమా ప్రమోషన్‌ కార్యక్రమాల్లో భాగంగా చాలా డిఫరెంట్ వీడియోలను విడుదల చేస్తున్నాడు
By: Tupaki Desk | 19 Nov 2023 4:18 AM GMT
నాచురల్‌ స్టార్‌ నాని హీరోగా మృణాల్ ఠాకూర్‌ హీరోయిన్‌ గా రూపొందిన హాయ్ నాన్న సినిమా విడుదలకు సిద్ధం అయింది. నాని కి ఈ సినిమా పై చాలా ఆశలు పెట్టుకున్నాడు. గత సినిమాలతో పోల్చితే ఈ సినిమా కమర్షియల్‌ గా భారీ విజయాన్ని సొంతం చేసుకుంటుందని నాని ఫ్యాన్స్ నమ్ముతున్నారు. విభిన్నమైన ప్రమోషన్స్‌ తో నాని హాయ్ నాన్న ను జనాల్లోకి తీసుకు వెళ్తున్నాడు.
డిసెంబర్‌ 7న ప్రేక్షకుల ముందుకు రాబోతున్న హాయ్ నాన్న సినిమా ప్రమోషన్‌ కార్యక్రమాల్లో భాగంగా చాలా డిఫరెంట్ వీడియోలను విడుదల చేస్తున్నాడు. గత కొన్ని వారాలుగా హాయ్ నాన్న ప్రమోషన్స్‌ ఓ రేంజ్ లో జరుగుతూనే ఉన్నాయి. తాజాగా విడుదల అయిన వీడియో మరింతగా వైరల్‌ అయ్యేలా ఉంది.
ప్రస్తుతం ఎలక్షన్‌ సీజన్‌ నడుస్తోంది. దాన్ని దృష్టిలో ఉంచుకుని తాను కూడా పొలిటీషన్ రూపంలో నాని కనిపించాడు. ఒక పొలిటీషన్ గా హాయ్ నాన్న సినిమా ప్రమోషన్‌ ను చేశాడు. ఆ సమయంలో పలువురు పొలిటీషియన్స్ ను అనుసరించడంతో పాటు కొందరిపై సెటైర్‌ వేశాడు.
ముఖ్య నాయకులతో పాటు అన్ని పార్టీలకు చెందిన నాయకులను ఏదో ఒక విధంగా ఇమిటేట్‌ చేయడం మాత్రమే కాకుండా, అన్ని పార్టీలు కూడా నోటికి వచ్చినట్లు హామీలు ఇస్తూ మేనిఫెస్టోను విడుదల చేస్తున్నాయంటూ నాని సున్నితంగా వివాదాస్పద వ్యాఖ్యలు చేయడం జరిగింది.
వీడియో చివర్లో మీడియా వారిపై కూడా నాని పంచ్‌ వేశాడు. మీడియా వారిపై సుమ ఒక కార్యక్రమంలో భాగంగా తినడం గురించి మాట్లాడి, ఆ తర్వాత క్షమాపణలు చెప్పింది. ఈ వీడియోలో కూడా నాని తింటున్నట్లుగా సైగ చేసి, నేను క్షమాపణలు చెప్పడానికి యాంకర్‌ ను కాదు పొలిటీషన్ ను అంటూ మీడియా వారికి కౌంటర్ ఇచ్చి అక్కడ నుంచి తుర్రుమన్నాడు. మొత్తానికి ఈ వీడియో లైట్‌ తీసుకుంటే పర్వాలేదు కానీ, సీరియస్‌ గా తీసుకుంటే మాత్రం చాలా విషయాలు నిగూడంగా ఉన్నాయి.
