హాయ్ నాన్న సెన్సార్ ఫినిష్.. ఇది మ్యాటర్
దసరా లాంటి బ్లాక్ బస్టర్ తర్వాత నాని నుంచి ఇలాంటి క్లీన్ ఎంటర్టైనర్ రావడం నిజంగా విశేషమని చెప్పాలి.
By: Tupaki Desk | 3 Dec 2023 9:53 AM GMT
నేచురల్ స్టార్ నాని హీరోగా శౌర్యువ్ దర్శకత్వంలో తెరకెక్కి ప్రేక్షకుల ముందుకి రాబోతున్న సినిమా హాయ్ నాన్న. కంప్లీట్ ఫ్యామిలీ ఎంటర్టైనర్ గా ఈ మూవీ ఉండబోతోందని ట్రైలర్ తోనే స్పష్టత వచ్చేసింది. ఈ సినిమాలో నానికి జోడీగా మృణాల్ ఠాకూర్ నటించింది. సీతారామం తర్వాత మృణాల్ తెలుగులో చేస్తోన్న మూవీ ఇదే కావడం విశేషం.
ఇక హాయ్ నాన్న ట్రైలర్ బట్టి చూస్తుంటే ఇది తండ్రి, కూతుళ్ళ సెంటిమెంట్, ఎమోషనల్ డ్రామాగా ఉండబోతోందని అర్ధమవుతోంది. దసరా లాంటి బ్లాక్ బస్టర్ తర్వాత నాని నుంచి ఇలాంటి క్లీన్ ఎంటర్టైనర్ రావడం నిజంగా విశేషమని చెప్పాలి. అయితే సినిమా సినిమాకి ప్రత్యేకత చూపిస్తూ డిఫరెంట్ కథలతో నాని ట్రావెల్ చేస్తున్నారు.
ఈ నేపథ్యంలోనే హాయ్ నాన్న మూవీ కూడా వస్తోంది. ఈ సినిమా డిసెంబర్ 7న థియేటర్స్ లోకి వస్తోంది. తాజాగా ఈ మూవీ సెన్సార్ కంప్లీట్ చేసుకుంది. సెన్సార్ ఈ సినిమాకి క్లీన్ యూ సర్టిఫికేట్ ఇచ్చింది. ప్రతి ఒక్కరి జీవితంలో ఉండే అద్భుతమైన కావ్యానికి దృశ్యరూపం హాయ్ నాన్న అంటూ చిత్ర యూనిట్ ట్విట్టర్ లో షేర్ చేసింది. దగ్గరలో ఉన్న థియేటర్స్ కి వెళ్లి డిసెంబర్ 7న మూవీని చూసి ఆశ్వాదించాలని కోరారు.
ఈ సినిమాలో శృతి హాసన్ గెస్ట్ రోల్ లో కనిపించబోతోంది. ప్రియదర్శి కీలక పాత్రలో నటించారు. హేసమ్ అబ్దుల్ వాహబ్ ఈ సినిమాకి మ్యూజిక్ అందించడం విశేషం. ఈ ఏడాది ఖుషితో మ్యూజికల్ హిట్ అందుకున్న హేసమ్ ఖాతాలో ఈ సినిమా మరో హిట్ గా నిలుస్తుందా లేదా అనేది చూడాలి. మెలోడీయస్ సాంగ్స్ తో ఈ మ్యూజిక్ డైరెక్టర్ అందరిని ఆకట్టుకుంటున్నాడు.
నేచురల్ స్టార్ నాని హాయ్ నాన్న మూవీ మీద చాలా కాన్ఫిడెంట్ గా ఉన్నాడు. మృణాల్ కూడా ఈ చిత్రంతో టాలీవుడ్ లో సెకండ్ హిట్ అందుకుంటానని ఆశాభావం వ్యక్తం చేస్తోంది. క్లీన్ యూ సర్టిఫికేట్ రావడంతో ఫ్యామిలీ ఆడియన్స్ తాకిడి సినిమాకి ఎక్కువ ఉండే అవకాశాలు కనిపిస్తున్నాయి.
