హయ్ నాన్న.. సౌండ్ గట్టిగానే ఉంది!

నేచురల్ స్టార్ నాని నటించిన హాయ్ నాన్న సినిమా డిసెంబర్లో విడుదల కాబోతున్న విషయం తెలిసిందే. కొత్త దర్శకుడు శౌర్యువ్ తెర పైకి తీసుకురాబోతున్న ఈ సినిమాపై అంచనాలను రోజు రోజుకు అమాంతం పెరిగిపోతున్నాయి. ఎందుకంటే ఇప్పటికి రిలీజ్ చేసిన మూడు పాటలు కూడా పాజిటివ్ వైబ్రేషన్స్ క్రియేట్ చేశాయి. మొదట టీజర్ తోనే ఆకట్టుకున్న హయ్ నాన్న టీం ఆ తర్వాత సాంగ్స్ తో కూడా సినిమాపై హైప్ అయితే క్రియేట్ చేస్తున్నారు.

ఇక హేశమ్ అబ్దుల్ వహాబ్ స్వరపరిచిన మూడు పాటలు కూడా జనాలకు బాగానే నచ్చుతున్నాయి. సినిమాలో కంటెంట్ కు తగ్గట్టుగానే ఆ పాటలు ఉండబోతున్నట్లుగా తెలుస్తోంది. మొదట విడుదల చేసిన సమయమా.. అనే లిరికల్ సాంగ్ తో ఈ సినిమాలో మంచి ప్రేమ సన్నివేశాలు ఉండబోతున్నట్లుగా హైలెట్ చేశారు. నాని మృనల్ ఠాగూర్ కెమిస్ట్రీ బాగుంది. అదే సినిమాకు మేజర్ ప్లస్ కానున్నట్లు అనిపిస్తుంది.

ఇక అబ్దుల్ వహాబ్ స్వరపరిచిన మరో సాంగ్ గాజుబొమ్మ కూడా ఎంతగానో ఆకట్టుకుంది. ఫాదర్ డాటర్ సెంటిమెంట్ కూడా హైలెట్ కాబోతున్న పాటలో చూపించారు. నాని చిన్నారి పాప పై చూపించిన హావా భావాలు కూడా చాలా ఎమోషనల్ బాండింగ్ తో కనిపించాయి. ఫ్యామిలీ ఆడియన్స్ ఈ పాట ఎక్కువగా ఎట్రాక్ట్ చేసింది.

ఇక రీసెంట్ గా వచ్చిన అమ్మడి అనే లవ్ సాంగ్ కూడా బాగా వినిపిస్తోంది. అబ్దుల్ వాహాబ్ ఇలాంటి గుడ్ ట్యూన్స్ అందించడంలో దిట్ట అని మరోసారి నిరూపించాడు. మొత్తానికి ఈ మూడు పాటలు అంచనాలు పెంచేస్తున్నాయి. సినిమాలో విజువల్స్ పరంగానే కాకుండా కంటెంట్ తో పాటు నటీనటుల కాంబినేషన్ కూడా ఆకట్టుకోబోతున్నట్లు చెప్పకనే చెబుతున్నారు.

ఇక హై నాన్న సినిమాను దసరా టైమ్ లొనే విడుదల చేయాలని అనుకున్నారు. కానీ మళ్ళీ నిర్ణయాన్ని మార్చుకున్నారు. ఫైనల్ గా ఇప్పుడు డిసెంబర్ 7న సినిమాను విడుదల చేయబోతున్నట్లు క్లారిటీ ఇచ్చారు. ఇక ఈ సినిమా కాన్సెప్ట్ పాన్ ఇండియా ఆడియెన్స్ కు కనెక్ట్ అయ్యే విధంగానే ఉంటుందట. కేవలం తెలుగులోనే కాకుండా ఈ సినిమాను పాన్ ఇండియా రేంజ్ కు తగ్గట్టుగా తెలుగు తమిళ్ మలయాళం భాషల్లో కూడా విడుదల చేయబోతున్నారు.