నాన్న ఏమోషన్ లో లవ్ జర్నీ

నేచురల్ స్టార్ నాని స్క్రిప్ట్ సెలక్షనే గురించి ప్రత్యేకంగా చెప్పనక్కర్లేదు. దసరా లాంటి బిగ్గెస్ట్​ కమర్షియల్ యాక్షన్ ఎంటర్‌టైనర్‌ తర్వాత.. హాయ్ నాన్న అనే ఫాదర్ అండ్ డాటర్ ఎమోషనల్ లవ్ స్టోరీతో ప్రేక్షకులను అలరించేందుకు సిద్ధమయ్యారు. తాజాగా ఈ మూవీ కొత్త రిలీజ్ డేట్​ను ఫిక్స్ చేసుకుంది. అలాగే ఓ ఎమోషనల్ గ్లింప్స్​ను కూడా రిలీజ్ చేశారు మేకర్స్.

ఫాదర్ అండ్ డాటర్​ క్యూట్​ బాండింగ్​ సీన్స్​తో ప్రారంభమైన ఈ గ్లింప్స్​లో ఆ తర్వాత నాని - మృణాల్ ఠాకూర్ మధ్య లవ్ జర్నీని బాగా చూపించారు. మరి ఆ పాప నిజంగానే నాని కూతురేనా? పాప జీవితంలోకి రాకముందే నానికి మృణాల్​తో ఏమైనా పరిచయముందా? పెళ్లి ఫిక్స్​ అయిన మృణాల్​.. పాప తండ్రిగా ఉన్న నానికి ఎందుకు ప్రపోజ్ చేసింది? ఆ తర్వాత ఏం జరిగిందనేది తెలుసుకోవాలంటే సినిమా వచ్చే వరకు వేచి ఉండాల్సిందే.

ఈ సినిమాతో డైరెక్టర్​ శౌర్యవ్ పరిచయం కాబోతున్నారు. ఓ డెబ్యూ డైరెక్టర్​కు.. కథలో భావోద్వేగాలను హ్యాండిల్ చేయడం అంత ఈజీ కాదు. కానీ శౌర్యవ్​ తన తొలి సినిమాలోనే వాటిని బాగా హ్యాండిల్ చేసినట్టు అర్థమవుతోంది. ప్రతీ తండ్రి - కూతురికి సినిమా కనెక్ట్​ అయ్యేలా..ఈ సినిమా తెరకెక్కించనట్లు కనిపిస్తోంది.

నాని యాక్టింగ్ అద్భుతంగా కనిపిస్తోంది. చాలా కాలం తర్వాత మళ్లీ ఎమోషనల్ క్యారెక్టర్​లో కనిపించనున్నారు. టీజర్​లో రెండు డిఫరెంట్ గెటప్స్​లో కనిపించారు. ఒకదాంట్లో చాలా యంగ్​గా మరో గెటప్​లో మిడిల్ ఏజ్డ్​ పర్సన్​లా కనిపించారు. మృణాల్ ఠాకూర్​.. తన చార్మింగ్ ఫేస్ అండ్ యాక్టింగ్​తో స్క్రీన్​ ప్రెజన్స్​ బాగా ఇచ్చింది. పాప కియారా ఖన్నా కూడా ఎంతో క్యూట్​గా నటించింది.

సను జాన్​ ప్రతీ ఫ్రేమ్​ను అద్భుతంగా క్యాప్టర్​ చేశారు. అలానే హేషమ్ అబ్దుల్​ వాహబ్​ కూడా సన్నివేశాలకు తగ్గట్టుగా మ్యూజిక్​ను మనసుకు హత్తుకునేలా అందించారు. అవినాశ్ కొల్లా ప్రొడక్షన్ డిజైన్​ బాగుంది. మోహన్​ చెరుకూరి, డాక్టర్​ విజేందర్ రెడ్డి తీగల నిర్మాతలుగా వ్యవహరించారు. సినిమాను వైరా ఎంటర్​టైన్మెంట్స్​ బ్యానర్​పై నిర్మించారు. సతీశ్ ఈవీవీ ఎక్స్​క్యూటిగ్ ప్రొడ్యూసర్. ప్రొడక్షన్ వ్యాల్యూస్​ ఫస్ట్ క్లాస్​గా ఉన్నాయి. ప్రవీన్ ఆంథోనీ ఎడిటర్​గా వ్యవహరించారు. కాస్టూమ్ డిజైనర్ శీతల్ శర్మ. మొత్తంగా ఈ టీజర్ ప్రామిసింగ్​గా ఉంది. ఎమోషనల్​గా సాగిన ఈ ప్రచార చిత్రం... సినిమాపై మంచి హైప్​ను క్రియేట్​ చేసింది. సినిమాను తెలుగు, తమిళ, కన్నడ, మలయాళం, హిందీ భాషల్లో డిసెంబర్ 7న రిలీజ్ కానుంది.