హాయ్ నాన్న.. ఓ టెన్షన్ తీరినట్లే

నేచురల్ స్టార్ నాని హీరోగా శౌర్యువ్ దర్శకత్వంలో తెరకెక్కిన హాయ్ నాన్న మూవీ డిసెంబర్ 7న థియేటర్స్ లోకి రాబోతోంది. పాన్ ఇండియా లెవల్ లో ఐదు భాషలలో ఈ సినిమాని రిలీజ్ చేయబోతున్నారు. ఇప్పటికే ఈ సినిమా ప్రమోషన్స్ లో నాని బిజీగా పాల్గొంటున్నాడు. తాజాగా ప్రీరిలీజ్ ఈవెంట్ కూడా జరిగింది. ఇదిలా ఉంటే ఫ్యామిలీ ఆడియన్స్ టార్గెట్ గా హాయ్ నాన్న సినిమాని నాని తీసుకొస్తున్నాడు.

దసరా లాంటి బ్లాక్ బస్టర్ తర్వాత కంప్లీట్ జోనర్ చేంజ్ చేసి తండ్రి కూతుళ్ళ ఎమోషన్స్ తో హాయ్ నాన్న సినిమాని చేశారు. ఈ సినిమాపై నాని చాలా కాన్ఫిడెంట్ గా ఉన్నాడు. అయితే తాజాగా యానిమల్ మూవీ ప్రేక్షకుల ముందుకి వచ్చింది. హై ఎక్స్ పెక్టేషన్స్ తో ఈ సినిమా రిలీజ్ అయ్యింది. దానికి తగ్గట్లుగానే పాజిటివ్ టాక్ సొంతం చేసుకుంది.

యానిమల్ సినిమా ఎఫెక్ట్ హాయ్ నాన్న మీద ఉంటుందనే అభిప్రాయం సినీ విశ్లేషకుల నుంచి వినిపించింది. యానిమల్ లో తండ్రి కొడుకుల ఎమోషనల్ డ్రామా కనెక్ట్ అయితే ఫ్యామిలీ ఆడియన్స్ కూడా థియేటర్స్ కి వెళ్లి మూవీ చూడటానికి ఆసక్తి చూపిస్తారని భావించారు. ఫ్యామిలీ ఆడియన్స్ ఎక్కువగా సెకండ్ వీక్ లో మూవీ చూడటానికి ఇంట్రెస్ట్ చూపిస్తారు.

ఈ నేపథ్యంలో హాయ్ నాన్న సినిమాపై యానిమల్ ప్రభావం ఎంతో కొంత ఉంటుందని భావించారు. మూవీ రిలీజ్ తర్వాత ఎక్స్ పెక్ట్ చేసిన విధంగానే యానిమల్ పాజిటివ్ టాక్ సొంతం చేసుకుంది. అలాగే సినిమాలో భారీ వయోలెంట్ సీన్స్ ఫ్యామిలీ ఆడియన్స్ ని థియేటర్స్ కి రాకుండా ఆపేసే రేంజ్ లో ఉన్నాయని సినీ విశ్లేషకులు అంటున్నారు.

కొన్ని సంభాషణలు, అలాగే సన్నివేశాలు కూడా ఫ్యామిలీ ఆడియన్స్ అస్సలు చూడలేరనే అభిప్రాయం వ్యక్తం అవుతుంది. ఈ కారణంగా యానిమల్ ఇంపాక్ట్ హాయ్ నాన్న సినిమాపై ఉండకపోవచ్చు అనే మాట వినిపిస్తోంది. యానిమల్ సూపర్ హిట్ అయిన డీసెంట్ ఫ్యామిలీ కథలు కోరుకునే ఆడియన్స్ హాయ్ నాన్న సినిమాకి ప్రాధాన్యత ఇస్తారనే అంచనా వేస్తున్నారు. చూడాలి మరి బాక్సాఫీస్ వద్ద ఎలాంటి కలెక్షన్స్ వస్తాయో.